حوامل العين ... ممكن؟

**هدب العين** · 2009-12-05, 20:13

خواتي اشحالكن ؟؟؟

انا من فتره فيني التهاب في البول ( الله يعزكن ) وكل ما اسير مستشفى الواحه يعطوني مضاد حيوي ومره عطوني تحاميل وما نفعني ... في آخر مره سرت عندهم سولي فحص بول ودم وقالولي اتريي لين نتصل فيج عسب النتيجه وما عطوني دواء .... وانا فيني افرازات وحكه قويه تحت ...ما اقدر انام من كثر الحكه .. مع اني مهتمه بنظافتي الشخصيه واااايد ... فقررت من يومين اسير عند دكتوره ثانيه غير مستشفى الواحه لاني حسيت ان دواهم مب نافعني وانا بموت من التعب ... للعلم اني حامل في آخر الثامن ... سرت عند غزل اليوم ذلوني مذله من الصبح لين ساعه 12 الظهر ودوري ما يااا الللي تحجز بالتلفون واللي تعرفهم الدكتوره على طول عندهااا وانا اترياااا ....آآآآخر شي ظهرت من عندهم بعد ما هزبت الهندي والفلبينه اللي هناك ... ورحت السياره وشافني ريلي معصبه منهم تم يهديني يحليله ... رحت مستشفى العنايه ولقيتهم امبدنين الظهر قالوا تعالي العصر ...رحت البيت ... اتصلت في اختي قالت لي سيري عند دكتوره اسمها امل عبد الحميد ... مركز دومينال ... قالت اوكيه

ساعه 4 العصر .. انا ظاهره من البيت سرت عندها صدج انسانه محترمه وما شي زحمه عندها ... اهتمت فيني واااااايد ... المشكله العوده اللي ظهرت فيني ...اني فيني فطريات صعبه الدواء يشلهااا لانها متراكمه فوق بعض ... ويبالها تنظيف من الداخل على اساس يروح ... سوت لي غسيل بماي حار ... على اساس يخف وعطني ادويه ومراهم وتحاميل ... لانه يمكن يضر البيبي هالفطريات ..المهم رديت البيت مرتاحه والحمد لله الحكه خفت عني ... انا ابا اسأل عن الدكتوره اذا هي اوكيه لاني حسيت انها ما شاء الله متمكنه وعارفه شغلها ... وطلع الواحه خرطي ... كله مضاد حيوي وهالشي اللي خلى الفطريات تتراكم عنديي في المهبل ... الله يسامحهم ...

فما ادري اذا في احد يعرف الدكتوره امل ؟؟؟ وعلاجها اذا اوكيه لاني توني راده من عندهاااا؟؟؟

المزيد من آخر المواضيع من نفس القسم:

**هدب العين** · 2009-12-05, 20:25

up up up

**طشووونه** · 2009-12-05, 20:26

روحي للدكتوره ميسون القيسي فدبي وايد زينه وهالفطريات والحكه بتروح وربي يعينج

**هدب العين** · 2009-12-05, 20:34

المشاركة الأصلية كتبت بواسطة طشووونه

روحي للدكتوره ميسون القيسي فدبي وايد زينه وهالفطريات والحكه بتروح وربي يعينج

اختي انا صعبه اسير دبي ... انا اسأل عن دكتوره في العين اسمها أمل عبد الحميد

مشكوره ع المرور

**هدب العين** · 2009-12-05, 21:50

up up up

**رنج ابيض** · 2009-12-05, 21:55

ماتشوفين شر حبوبة

انا اسمع عنها بس ماجربت علاجها الصراحه

مممممممممم اذا انتي ارتحتي من علاجها كمليه

او سيري المستشفى عندج الجيمي او توام

او شوفي فوفو تراها شاطرة بعد

**Salley** · 2009-12-05, 22:06

أول مرة أسمع عن هذا المركز دومينال ؟؟ وحتى الدكتورة ما أعرف عنها شي ان شالله البنات يفيدونك ...

**ملكة الظبى** · 2009-12-05, 22:07

اهلين فيج اختي هدب العين

والله يخويتي انا بعد فيني جيه بس استحي أخبر عنه

وأنا حامل في الشهر الرابع وقريب بدخل الخامس

و ما رحت المستشفي

انا لما اروح الحمام عزكم الله انظف..{المنطقه}.. بماي ساخن

بين كل فتره وفتره

وستخدمت ديتول ومسحته على المنطقه

هو يحرق شوي بس يخوز الحكه

والوسخ المتراكم في هذي المنطقه

أتمني من كل وحده صابها هذا الشيء

تفيدنا جميع بالحلول المفيده

وأذا فيه بعد ادويه طبيعيه غير الي في المستشفيات

تفيدنا .. ويزاكم الله عنا الف خير

أشكرج ختيه هدب العين على هذا الموضوع
واتمنالج الصحه والعافيه

>.<

**خورفكان** · 2009-12-06, 00:09

شو الدوا والكريمات اللي عطتج الله يعافيج

**هدب العين** · 2009-12-06, 17:56

عطتني تحاميل اسمها Gyno-Daktarin
ومرهم لنفس التحاميل
وغسول مهبلي

**هدب العين** · 2009-12-06, 17:58

المشاركة الأصلية كتبت بواسطة ملكة الظبى

اهلين فيج اختي هدب العين

والله يخويتي انا بعد فيني جيه بس استحي أخبر عنه

وأنا حامل في الشهر الرابع وقريب بدخل الخامس

و ما رحت المستشفي

انا لما اروح الحمام عزكم الله انظف..{المنطقه}.. بماي ساخن

بين كل فتره وفتره

وستخدمت ديتول ومسحته على المنطقه

هو يحرق شوي بس يخوز الحكه

والوسخ المتراكم في هذي المنطقه

أتمني من كل وحده صابها هذا الشيء

تفيدنا جميع بالحلول المفيده

وأذا فيه بعد ادويه طبيعيه غير الي في المستشفيات

تفيدنا .. ويزاكم الله عنا الف خير

أشكرج ختيه هدب العين على هذا الموضوع
واتمنالج الصحه والعافيه

>.<

اختي ما يتفع الماي الحار .. احس انه يسوي تقرحات زياده في المنطقه

المفروض تراجعين دكتوره

**@أم سرور@** · 2009-12-13, 01:31

للرفع

**فطمطم** · 2009-12-13, 01:32

للررررررررررفع

**الدبه** · 2009-12-13, 01:39

الله يعفي عنكن ماعرف والله

**صغيره بس خطير** · 2009-12-13, 09:20

انا وحريم خواني دوم نسير عندهاا وهي شاطره وتفهم وانا قبل لا اعرس سرت لها عشان الدوره
ومن عرست تابعت الحمل عندهاا بعد واااايد اوكي بس مرات اذا كان اهمال منج توبخج بجديه وعقب تسولف عادي

الموضوع: حوامل العين ... ممكن؟

أدوات الموضوع

عرض

حوامل العين ... ممكن؟

المزيد من آخر المواضيع من نفس القسم:

المواضيع المتشابهه

مشدات حوامل,ازياء حوامل,احذية حوامل موضة 2010

الى حوامل مدينة العين ممكن مساعده

حوامل وحريمااااات العين .. ممكن لو سمحتن !