نظام التنحيف Quick Trim

**ExtraDerm** · 2009-12-05, 15:04

السلام عليكن بنات ..

منو سمعت بنظام التخسيس Quick Trim? هاذا عبارة عن حبوب لمدة 14 يوم، او مشروب لمدة 48 ساعة ، وجيل لشد الجسم وحبوب تنظيف الجسم من الداخل.. هاذا النظام مادري مخترعينه ولا بس يستعملوه الكارداشيات كيم وخواتها .. على قولتهم وحدة منهم نزلت قبل العرس مالها 25 lbs في اقل من شهر!!

ف حد سمع عنه؟؟

واذا لا .. حد يعرف نظام detox يزيل السموم والسوائل من الجسم؟

وهل فعلا حبوب التخسيس تنفع بروحها !!

المزيد من آخر المواضيع من نفس القسم:

**cool 1991** · 2009-12-05, 15:13

انا ابعد ابغي اعرف اللي يعرف يرد علينا

**ام المزيون** · 2009-12-05, 15:28

السموحهـ ماعرف !!!

للرفعـــ..,,

**ExtraDerm** · 2009-12-05, 17:03

مشكوراات وان شاء الله حد يفيدنا !!

**UniQue_M** · 2012-02-16, 03:02

مرحبا خواتي انا بقولكم وان شاء الله اقدر اساعدكم

يوم تاخذينه يكون مرفق مع مجموعة ال quick trim حمية تتبعينها
و هالحمية لازم تخففين من اكل الاطعمة الي تم معالجتها او المقلية والغنية بالدهون والأطعمة عالية السكر.

ويطلب منج تركزين على تعبئة النظام الغذائي بالخضار والفاكهة والبروتين الطري. ولازم تشربين ماي وايد

و تتبعين التعليمات المرفقة في العلبة بشكل صحيح و تلتزمين بنظام غذائي متوازن و شيء اساسي (((ممارسة التمارين الرياضية بانتظام

))) عشان تلقين النتايج المرغوبة. ما تضعفين مني و الدرب

من فوايده انه يساعد على إزالة المياه الزايدة من تحت الجلد

و المكونات هي السيلولوز الجريزوفولفين، الخضار ستيارين، فيتامين (C)، والكيتونات و توت العليق .

و دكتور اوز تكلم عن فايدة التوت في تنزيل الوزن بسرعة ابحثي في جوجل بتلقين

اول مستحضر اللي هو باكج اين فيه حبوب على ثلاث مراحل ( مال 14 يوم )
1 البنفسجي : تاخذين حبتين الصبح اول ماتنشين .. عقب تسوين رياضه
2 الاصفر: تاخذين 4 حبات قبل الرقاد او تاخذين 2 العصر و 2 قبل الرقاد
3 هذيل تاخذينهم بس اخر 5 ايام و هن اين 10 حبات . وحده الصبح و وحده قبل لا ترقدين.
بس اهم شيء الــــرياضــــة ولا ما بتنقصين .. لا تتوقعين الوزن ينقص و انتي يالسة

ثاني مستحضر الديتوكس ( تقدرين تستخدمينه هذا بروحه بدون الباكج )
اللي هو السريع (48 ساعة) تنقصين قياسين و كل ما طولتي نزلتي اكثر يعني استخدميه شهر

الدايت هو فواكه و خضار و شوربات خفيفة هب دسمه و ماااااااي
بس تقدرين تاكلين وجبة الفطور (بيضة ++توست+عصير+فاكهة)

الغدا كلي زهرة و عنب

4 ملاعق طعام من الديتوكس + ملاعق ماء
4 مرات في اليوم
اخلطيها بالخلاط عشان يكون رغوة و ينشرب بسهولة

اتمنى اكون فدتكم
لا تنسوني من دعواتكم

**UniQue_M** · 2012-02-16, 03:06

سوري 4 ملاعق ماي يعني نص كوب تقريبا

الموضوع: نظام التنحيف Quick Trim

أدوات الموضوع

عرض

نظام التنحيف Quick Trim

المزيد من آخر المواضيع من نفس القسم:

المواضيع المتشابهه

اليك أحدث نظام غذائي من دكتور أتكينز أشهر من وضع نظام غذائي عالمي

التحدي الاكبر على نظام الشراكه في نظام التدريس

kids think quick

][®][^][®][Kids Think Quick ][®][^][®][