شمس الليل تطلب المساعدة من اهالي الخبرة

[شمس الليل]

السلام عليكم ورحمة الله وبركاته
خواتي في الله .... انصحوني شو اسوي جزاكن الله خير
انا زوجي يقول انه يحبني ... بس ما مب رومنسي والرومنسية عندي
انه يسمعني كلام حلو وانا افتقر لهذا الشي منه وكل ما اكلمه يوعدني انه يتغير بس
ما اشوف تغير منه .... غير اني واااايد اغار يوم اشوف البنات مرتاحات ويا ازواجهن يعني دوووم عندهن في البيت ويطلعون وياهن ... وكله وانا اتخيل انه هالناس ما عندهم مشاكل ابدا وحياتهم عسل xعسل !!!
فشو اسوي علشان اتخلص من هاي الصفه... اتريا ردودكن بالنصيحه الخالصة....

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[اريام2]

اختي حطي بالج نقطه واتاكدي منها 100%الحرمه تعبر عن حبها بالكلام (القلب)
يعني اذا ريلها قال كلام حب يحبها اذا لا مايحبها وهالشي اكبر غلط لان الريال العكس

يعبر عن حبه بالجماع(الفعل)اذا شاف حرمته جامعته بكل حب يعرف انها تحبه اذا جامعها يعني يحبها

والله كل الرياييل جيه البعض يعبر بالكلام والبعض لا حسب البيئه الي تربا فيها بالنهايه كلهم واااااحد بطريقه التعبير

[شمس الليل]

مشكور اختيه

[شمس الليل]

17 زياره ورد وااااااااااااااااااااااااااااااااااااحد

[همسه طاعه]

يالغاليه عادى حن الخليجين جيه تربوا علي جيه يعنى الفعل هو واهم شي انه علاقته معج اوكيه اقصد مو مقصر فى الامور الثانيه واذا على الكلام نحن نعاني لانا نشوف الزلامات يدللوا حريمهم بالكلام بس المعامله قاشيه اما ازواجنا مقللين فى الكلام بس حنينين معنا وانتى حاولي تزيد من الكلام الحلو وهو بيرد عليج وبعد تدللي بكلام ناعم واساليه شو رايك فينى ولبسي وووو وبدلال اكيد بيرد عليج ولا تخليه اكبر همج وحمدى الله انه ما ينافقج

[اميره بكلمتي]

انا مع البنات وكلامهم صح......
وانه ما يقولج كلام حلو مو معناته انه ما يحبج....
انا برايي يكفي انه ايقولجانه ايحبج..هذا اكبر دليل.....


وبعدين بقولج شي انا شفته وسمعته ....
ما في اي ريال ما يحب حرمته...لو شو ما يسوي...
اعرف واحد قريب لي الله يهديه...
هو متزوج وعنده عيال...وماخذ حرمته عن قصة حب...
خيانه يخونها...ويعرف بنات قد شعر راسه...ضرب وهواش والله لا يراويج....
بس فالنهايه على كل زعله اييبلها هديه ويستسمح منها ويراضيها...ويوم اهله ايكلمونه يحلفلهم انه ايحبها
...
فاحمدي ربج...انه ريلج ايقولج انه ايحبج....ولا تمين تحنين عليه وتقولينله انه هو ما يقولج كلام حلو وليش ما تقولي و و و و .....
خليها اتيي منه,,,,مو مشكله لو انج فهمتيه....انه الحرمه تحب تسمع الكلام الحلو مثل ما الريال يحب ال........
تراج في حاله مثل ما انتي تشوفين اللي احسن عنج....حطي فبالج انه فيه غيرج يطالعج ويقول يا حظها...فلانه فالشي الفلاني...

يعني نصيحتي لج...انج تشوفين الناس اللي اقل منج...مو اللي اعلى عنج عشان ما تتاثرين....

[شمس الليل]

مشكورات خواتي وجزاكن الله الف خير
وبحاول اخذ بشوركن...
وبخبركن اذا استوى اي تغير
دعواتكن لي حبايبي

[أم عامر]

على فكرة حبيبتي الريال ما يحب زوجته تعطيه أوامر يعني اتقوله يلا قولي كلام حلو لا تتوقعين يقولج كلام حلو .
لان الريال بطبعه يحب يسوي الشيئ من نفسه فلو حس انج تجبرينه يقولج شيئ هو مو متعود عليه بيقولج أياه بكلافة يوم يومين عقب برد نفس قبل.
عشان جيه لا لا لا لا تطلبين منه كلام حلو ، انت أبدي وقوليله دوم كلام حلو خليه يتعود على هذا الكلام ، يعني اتعودينه وتعلمينه بطريقة غير مباشرة، بس يبالج صبر ولا تملين اللي يبى شي لازم يصبر ومع الايام بشوفينه هو اللي يقولج .
ودوم حسسيه انه رومانسي وعاطفي ، بتولدين عنده الايحاء انه صدق رومانسي وبيتعامل معاج انه رومانسي من غير ما يحس . والله يسعدكم

[saba]

على فكرة حبيبتي الريال ما يحب زوجته تعطيه أوامر يعني اتقوله يلا قولي كلام حلو لا تتوقعين يقولج كلام حلو .
لان الريال بطبعه يحب يسوي الشيئ من نفسه فلو حس انج تجبرينه يقولج شيئ هو مو متعود عليه بيقولج أياه بكلافة يوم يومين عقب برد نفس قبل.
عشان جيه لا لا لا لا تطلبين منه كلام حلو ، انت أبدي وقوليله دوم كلام حلو خليه يتعود على هذا الكلام ، يعني اتعودينه وتعلمينه بطريقة غير مباشرة، بس يبالج صبر ولا تملين اللي يبى شي لازم يصبر ومع الايام بشوفينه هو اللي يقولج .
ودوم حسسيه انه رومانسي وعاطفي ، بتولدين عنده الايحاء انه صدق رومانسي وبيتعامل معاج انه رومانسي من غير ما يحس . والله يسعدكم

الي كنت بقوله قلتيه ماشاء الله عليج :1 (68): كفيتي ووفيتي والله