منو الغلطان ؟؟؟

**طآلبة جآمعية** · 2009-12-03, 17:06

السلام عليكم ورحمة الله وبركاته

شحالكن بنووتاااات شخباركن ؟؟؟؟؟؟؟؟؟

بقولكم موقف حصل جدام عيوني ويا ريلي والله يشهد على كل كلمة بقولها ,,

المكان : الشارع اللي فيه مبني RTA اللي صوب القصيص - عود المطينة

الزمان : يوم وقفة عرفة - الساعة 3 الظهر

يا بنات كنا واقفين عند الدوار الصغير اللي يودي على مبنى ال RTA وكانت السيايير واقفة من الزحمة فريلي دق هرن للسيد الواقف عشان يتحرك اشوي ,, فراعي التاكسي اللي كان يالس في سيارته جدامنا أشر لريلي ويقصد ( انت مجنون ؟؟ أركب فوق السيايير عشان تتحرك ؟ ) وريلي اصلا ماكان يقصده هو ,, هو قصده يحرك السيد كله ,, فانقهر وصمم الا يوقف راعي التاكسي يأدبه لانه ما احترمه ,, فوقف ريلي راعي التاكسي عند مدخل ال RTA وقاله : منو هذا المينون ؟؟ انا ابي احرك السيد كله انه شو يخصك ؟؟؟ فرد عليه راعي التكسي وهو من الجنسية المصرية : ايوه انت مجنون وعقلك طار ,, انت مش شايف الشارع واقف ؟؟ ,, فرد علي ريلي : ويعني مافي في الشارع غيرك ؟؟ قلتلك انا ما دقيتلك هرن وانا مب غبي يعني عشان ما افهم انك ما تروم تسوي شي .. فرد عليه المصري : (غور في داهية ) ودخل المبنى لان الظاهر ان الشفت ماله خلص وبيروح يسلم التاكسي والبيزات ويروح ، المهم ريلي انصدم وقال اليوم الا اخليه يتأدب ويعرف حدوده ,, فنزل عند المبنى ووقف راعي التاكسي وقاله انت شكلك مب محترم ولا عندك ادب للناس اللي في الشارع ,, فالمصري مسك كندورة ريلي اونه يهدده وقاله ( انتو شعب متخلف اصلا ) ووريلي عصب ودزه وقاله نزل ايديك واحترم نفسك انا مابي اقطع عيشك وانا صايم ,, فقاله المصري كلمة في قمممممممممممة المصاخة وقلة الادب وما اقدر اذكرها ,, ( يعني سب امه ) ودزه مره ثانية ,, فريلي ما قدر يتحمل وكان يبي يضربه ,, وعقب هذاك شرد بسيارته وباقي الناس اللي يشتغلون هناك حاولو يمنعون ريلي منه عشان ما ياخذ رقم التاكسي او يعرف اسمه ,,

ردة الفعل : كان ريلي بيسامحه ,, بس دام السالفة فيها سب ام وجي ,, قال الاااا يسفره بلااده ,, ونحن نتريى يوم الاحد عشان هذا وقت الدوام الرسمي ,, والحق حق ,,

شو رايكم انتو ؟؟؟؟

للتوضيح :

RTA : مبنى تاكسي دبي

اتمنى من البنات يردون الرد اللي يطيب الخاطر ويكون مافيه قلة ادب ( سواء كان ضدي او معاي )

واللي داشة تغلط ,, خليها تحتفظ بردها لنفسها

المزيد من آخر المواضيع من نفس القسم:

**Ra3yt PrEsTiGE** · 2009-12-03, 17:12

نحن شعب متخلف !!!!

يومنا شعب متخلف شحقه ياي يشتغل في بلادنا !!

فديتج دام فيها قلت أدب و سب و شتم .. خلي ريلج يشتكي عليه ويبهدله .. عسب يعرف يحترم الناس

**طآلبة جآمعية** · 2009-12-03, 17:21

المشاركة الأصلية كتبت بواسطة غزال المفالي

نحن شعب متخلف !!!!

يومنا شعب متخلف شحقه ياي يشتغل في بلادنا !!

فديتج دام فيها قلت أدب و سب و شتم .. خلي ريلج يشتكي عليه ويبهدله .. عسب يعرف يحترم الناس

انا ادري !!

اكيد ان شالله لازم هالاشكال نوقفها عند حدها

مشكورة يالغلا على ردج الطيب

**"زوزو1"** · 2009-12-03, 17:16

**طآلبة جآمعية** · 2009-12-03, 17:22

المشاركة الأصلية كتبت بواسطة "زوزو1"

مشكورة اختي على مرورج الطيب

**ميـــاسة** · 2009-12-03, 17:23

الحق حق

**طآلبة جآمعية** · 2009-12-03, 17:25

المشاركة الأصلية كتبت بواسطة ميـــاسة

الحق حق

اكييد ,,

مشكورة يالغلا على مرورج

**وردة الجاردينيا** · 2009-12-03, 17:23

يا بنت الحلال خلي ريلج احسن عنه و اعطوه اعذار الله يعلم بحاله يمكن عنده حالة وفاة او حد من عياله مريض او يبى يزور امه و ما عنده بيزات او عنده مشاكل مكدره حياته فاول ما شاف ريلج انفجر فويهه

ادري انه غلط فحق ريلج بس ما عليه خلي ريلج احسن عنه و ان شاء الله له الاجر..ادري سبه و السب شي جايد بس ما عاليه على قولة اخوانا المصريين يا بخت اللي قدر و عفى

**طآلبة جآمعية** · 2009-12-03, 17:29

المشاركة الأصلية كتبت بواسطة وردة الجاردينيا

يا بنت الحلال خلي ريلج احسن عنه و اعطوه اعذار الله يعلم بحاله يمكن عنده حالة وفاة او حد من عياله مريض او يبى يزور امه و ما عنده بيزات او عنده مشاكل مكدره حياته فاول ما شاف ريلج انفجر فويهه

ادري انه غلط فحق ريلج بس ما عليه خلي ريلج احسن عنه و ان شاء الله له الاجر..ادري سبه و السب شي جايد بس ما عاليه على قولة اخوانا المصريين يا بخت اللي قدر و عفى

ادري حبيبتي كلامج صح ,, وانا وريلي من النوع اللي وايد يسامح ويطوف في سبيل الله ,,

بس ياختي افرضي انه طوفنا لهالانسان ,, اكيد بيغلط على غيرنا وغيرنا ,, ترا قلبنا الطيب هو اللي خلا الناس يستغلوننا وكل حد الحين يشتكي من تصرفات الوافدين ,,

حاشا لله اني اكون عنصرية ,, لاكن على الاقل يعاملونا زين ,, مب يتخققون ويقلون ادبكم

**انفاسك هواي** · 2009-12-03, 18:57

المشاركة الأصلية كتبت بواسطة وردة الجاردينيا

يا بنت الحلال خلي ريلج احسن عنه و اعطوه اعذار الله يعلم بحاله يمكن عنده حالة وفاة او حد من عياله مريض او يبى يزور امه و ما عنده بيزات او عنده مشاكل مكدره حياته فاول ما شاف ريلج انفجر فويهه

ادري انه غلط فحق ريلج بس ما عليه خلي ريلج احسن عنه و ان شاء الله له الاجر..ادري سبه و السب شي جايد بس ما عاليه على قولة اخوانا المصريين يا بخت اللي قدر و عفى

**بنت الماث** · 2009-12-03, 17:24

شِكله ريلج واايد طيب
وانا اقول خل يأدبه دام السالفة في سب ام

**طآلبة جآمعية** · 2009-12-03, 17:30

المشاركة الأصلية كتبت بواسطة بنت الماث

شِكله ريلج واايد طيب
وانا اقول خل يأدبه دام السالفة في سب ام

هاللي بيسوييه اذا الله اراد ,,

مشكورة يالغلاا على مرورج الغاوي

**Um Hazza33** · 2009-12-03, 17:30

الحق حق حبيبتي لو فيه مافيه غلط انه يسب الناس ويطري امهاتهم شو هذا،،،،،،، وهو يسب فينا شعب متخلف وياكل من خيرنا خير هالبلد!!!!!!!!!!!!! يستاهل انه يتأدب ويعرف حدوده ويوم بيتسفر ذيج الساعه بيعرف قيمة هالبلد وبيشوف بعينه جان نحن متخلفين والا لأ................

**طآلبة جآمعية** · 2009-12-03, 17:32

المشاركة الأصلية كتبت بواسطة Um Hazza33

الحق حق حبيبتي لو فيه مافيه غلط انه يسب الناس ويطري امهاتهم شو هذا،،،،،،، وهو يسب فينا شعب متخلف وياكل من خيرنا خير هالبلد!!!!!!!!!!!!! يستاهل انه يتأدب ويعرف حدوده ويوم بيتسفر ذيج الساعه بيعرف قيمة هالبلد وبيشوف بعينه جان نحن متخلفين والا لأ................

ما قصرتي ام هزاااع ,, يزاج ربي الخير ,,

مشكورة على مرورج الغاوي

**بنوتة80** · 2009-12-03, 17:34

أدبوه يمكن يعطونه انذار
المهم عسب ما يكرر هالشي

البيت بيت ابونا والاغراب ضاربونا

الموضوع: منو الغلطان ؟؟؟

أدوات الموضوع

عرض

العرض المتطور

منو الغلطان ؟؟؟

المزيد من آخر المواضيع من نفس القسم:

المواضيع المتشابهه

من الغلطان

:( من الغلطان

منو الغلطان ؟

منو الغلطان انا ولا هي.....؟؟؟