ساعدوني!!! عرسي قريب!!!

**براءة طفلة** · 2007-04-24, 01:03

ساعدوني!!! عرسي قريب!!!

عندي استفسار!! شلون أعرف اذا وزني يناسب طولي؟؟؟؟

انا وزني 69 و طولي 166 ! شكثر لازم أنزله؟؟

لأن عرسي قريب.. و ابي جسمي يكون حلو!!

لاني ابصراحة عرسي بعون الله بيكون ف شهر 6

و مختبصة و حالتي ل الله

ف قلت اكييييييد اهناك وايدات غيري حالتهن مثليه و يمكن أخس !!

بس والله محتارة
وقلت اطلب نجدتكم اكيد مابتقصرو ويايي
و انشوف كل وحدة شوممكن تساعدني

يعني مثلا
قمصان النوم ..كم حبه اشتري ؟؟ و شو هي الالوان ؟؟؟ و من وين اشتريهاو شو هي الاسعار ؟؟؟

عني انا بعدني
خذتلي لحد الآن 6 قطع

و اختي تقولي يبالي ع الاقل 30 قميص نووووم
عسب ما كرر شي عالاقل ف شهر العسل

و الاندر وير يبالج بالكثير 15 لين 20 من كل الالوان
مثلا
2 اسود
2 ابيض
2 شفاف
1 احمر
1 وردي
و على حسب الوان بدلج

و الجلابيب تبون الصدق بعدني ما بلشت فيهن
بس خذتلي وحدة بس

والله محتارة وما دري شبسوي

بليززززززززززززززز

ساعدوني .... ترا عرسي بكون شهر 6 الياي

المزيد من آخر المواضيع من نفس القسم:

**QlaYeD** · 2007-04-24, 01:44

بالنسبه لوزنج وطولج انا اشوفهم اوكي ومافيه اي مشكله بس اذا انتي تبين تناسقين بالضبط الوزن مع الطول يعني بس نزلي 3كيلو عسب يصير وزنج 66 مع نفس طولج 166

بالنسبه لقمصان النوم اشوفهم وايد 30 << عاد اللي يسمع يقول انا مقصره شنطتين بحالهم قمصان نوم وملابس داخليه

حبيبتي قللي شوية لانج بفترة شهر العسل يمكن جسمج يتغير او يمكن تسيرين وتاخذين لج زيادة
وبالنسبه للمحلات انا يعيبني نعومي اللي بستي سنتر الشارجه عندهم اشياء حلوه ومميزه
غير عن باقي الفروع
وعندج محل بمركز ساره وايد حلوه الملابس الداخليه عندهم
وعندج محل برع مركز ساره عندهم اشياء خبال قمصان نوم وملابس داخليه مااذكر شواسمه بالضبط
هو حذال المدخل اللي فيه مكينة السحب
ومن حيث الالوان نوعي بالالوان
وبتلاقين بعد محل حلو بمركز الملا بلازا يبيع قمصان نوم حلوه
طبعا كل محل وسعره والاسعار مختلفه اللي على 400 واللي على 600 وهذي الاسعار
عسب جي اقول لج لاتكثرين لان بيزاتج كلها بتروح على القمصان نوم

وعندج للبجايم وومن سيكرت اللي بالميغامول
وعندج محل ميرا اللي بمصانع عيمان
وطبعا فصلي لج كم مخوره واخذي لج بدلات للطلعات
واخذي لج كم جلابيه للبيت
واخذي لج مغربيات فخمات للمناسبات المفاجاه
واخذي لج بدلات فخمات للمناسبات او العزايم لانج وقتها بتكونين عروس واكيد بتكون شي عزايم وايد
ولاتنسين تاخذين لج نعل وانتوا بكرامه وشنط
وتفصلين لج عبي
وشوبعد
وتاخذين لج عطور ومكياج وتاخذين لج اكسسوارات بسيطه غير الذهب طبعا

واذا في شي زياده بخبرج انشالله

**sara1** · 2007-04-24, 03:13

مرحبا الغالية مبروك ألف مبروك أسمعي أنتي لاتحطين همج كله في قمصان النوم تراج ما بتستخدمينهم كلهم واسألي مجرب يعني خذي لج 7 أطقم عبارة عن فستان قصير وقميص أو قطعتين خفاف دلع وفي فنعومي وايد منها وبناطلين هي قمصان نوم انتي شكلي بين الطويل والقصير بس لاتكثرين وركزي على قميص نوم الدخلة وبتلقين عند نعومي روعه كله دانتيل أنا خذت منه يوم عرسي يطلع الجسم حلو ويشد الصدر ومثيروشكله فعلا حق عروس وفيه منه مسواي مع طرحة وبالنسبة للملابس الداخلية خذي أحتياجاتج العادية لأنج كل شهر بتشترين يديد ولاتكثرين من المجوهرات لأنج بعد بتشترين يديد عقب لأنج في هاالمرحلة مش مركزه وبعد العرس اشياء كثيرة بتتغير وبتقدرين تتصرفين وركزي على جمال بشرتك والحمام المغربي لصفاء الجسم وتقشير الكريستال عشان التألق ليلة الزفاف وطبعا فستان الزفاف مع الجوتي لاتنسين وتخلينه لآخر لحظة، وتأخذين عباتين سهرات وغيرهن عاديات وفستانين مغربيات حق الصباحية والدلع وشنطة حلوة للسفر وتكون عملية خفيفة عليج ولاتنسين شنطة مكياج وعطور خاصة في إيدج للاستعمال السريع والله يبارك لج انشالله وحق اي إستشارات نحن حاضرين والسموحة منج،،

**الحياة** · 2007-04-24, 04:12

وزنج اوكي
بس لو حابة تنزلين منه بس 5 كيلوو اوكي

**dubai85** · 2007-04-24, 04:34

وزنج اوكي عن المشتريات لاتكثرين خذي اشيا تكفيج لمدة شهر ونص بالكثير وخلي بيزاتج حق التكشيخ عقب العرس اهم شي الحين انج تعنيني بجسمج وبشرتج + سوفت لايت اذا كنتي شعرانيه احسن من التشقير يدوب تلحقين تسوين مرتين قبل العرس حمام مغربي سوي مرتين وفيشل كذا مره لانه اذا سويتي هذا كله في اخر اسبوع مابيعطيج نتايج حلوه واصلن اخر اسبوع لاتسوين اي شي في ويهج عشان بشرتج ترتاح الفستان +المكياج + الشعر

**مراكش2006** · 2007-04-30, 14:05

الله يبارك لك حبوبة و لكل العرايس الحلوات
و لي تحب مغربيات أنا جاهزة بعون الله

**elsa7ra** · 2007-04-30, 14:52

اممم بخصووووص الوزن بصراحه اشوفه يبالج تنزلين ع الاقل 5 او 6 عشان يكون اوكي وما يكون فيج اي زوايد =)

خخخخخخ

لان انا بصراحه احاول انزل وزني مع ان وزني وطولي نفس الشي بس بعد فيه زوايد ويبالي انزل كم كيلو

وبخصووص المشتريات والله ما عندي اي فكره لاني بعدني

الموضوع: ساعدوني!!! عرسي قريب!!!

أدوات الموضوع

عرض

ساعدوني!!! عرسي قريب!!!

المزيد من آخر المواضيع من نفس القسم:

المواضيع المتشابهه

عرسي قريب ساعدوني

ساعدوني عرسي قريب ؟؟؟

عرسي قريب .. ساعدوني

عرسي قريب ... ساعدوني

عرسي قريب؟؟؟ساعدوني