طالبـــــــــــــــه الفـــــــــــــزعه

**ام الاسهم** · 2007-04-23, 18:01

انا موظفه ملعوزني مسؤولي يتحرش بي ويعق علي نغزات مره يقول لي عطرج حلو مره شنطتج غاويه ومره شو هالموبايل الكشخه مع اني والله يا جماعه وحده متزوجه ام عيال محافظه متنقبه البس لبس محتشم وخافيه الله وحاجه البيت ورايحه العمره مرتين ومب ياهله لاجل حد يقص علي مو قادره اسوي شي اوقفه عند حده كلمته كم مره ومرات ما ارتد هو مسؤول اكبير وكلامه مصدق فكرت بالاستقاله ما اقدر علي التزامات بالبنك طلبت نقل ما رضى حاولت اوصل صوتي للي اكبر منه اخاف من الفضيحه ويوصل الخبر لاهلي وزوجي وتدمر حياتي واخر موقف سواه وياي قالي شغلي البلوتوث ابي اطرش لج شي قمت خليته وخليت له المكتب وطلعت.

فــــــــــــــــــدووووني لاني والله مليــــــــــــــــت

المزيد من آخر المواضيع من نفس القسم:

**كريستال** · 2007-04-23, 18:05

حسبي الله ونعم الوكيل فيه ...

أولا لاززززززززززم تخبرين ريلج أحسن .. خليه على علم يمكن هذا الإنسان يتبلى عليج باجر ويكون ريلج على علم بتصرفاته ..

أختي ..
هذا إنسان مريض ولازم حد يوقفه عند حده ..

الله يعينج يا أختي لاتتركين أي فرصه لمثل هذا المتوحش يتعدى عن حدوده .. الله ينتقم منه .
تصرفي بأسرع وقت والله يحفظج أنتي وبيتج وعيالج .. اللهم أمييييييييين ..

**أم ريما22** · 2007-04-23, 18:08

الله يعينج يا اختي بس ليش ما تخبرين زوجج بالسالفه عشان يكون في الصورة ويكلمة اكيد بيخاف من الريال والله يسر امورج

**حديث العيون** · 2007-04-23, 18:11

عزيزتي

إذا كانت ظروفج فعلا صعبة .. وعندج صرف على البيت والأولاد ..

النصيحة

اعتقد عندج خبرة بما فيه الكفاية .. واذا كنت مواطنه الفرص كثيرة .. وإذا غير ذلك يمكن انج تقدمين أماكن ثانية والجرايد مليانه

و من ترك شي لله فإن الله حسبه

تحياتي

**غزلونه** · 2007-04-23, 18:12

عزيزتي
من واقع خبرتي هالنوع ما ينفع ويايه إلا تطنيش،لانه كل ما يشوفج معصبه ولا منفعله هو يستانس ،
خلج كوووووووووول ،و كل يوم بعد صلاه الفجر أو قبل ما تدخلين الدوام أقري الادعيه (الاذكار)، واتذكري أن المؤمن مبتلى ، وصدقيني حقج ما بضيع عند رب العالمين ، وهذا من واقع تجربتي الخاصه اتوكلي على الله وما في أحسن من رب العالمين .

**طلوع الفجر** · 2007-04-23, 18:48

اختي طنشيه ولا تردين عليه واذا عندج التزامات بالبنك لا تفكرين بالاستقالة عشان واحد مثل هذا

**شيختـــــــــكم** · 2007-04-23, 19:05

أختي الغاليه

::

::

إلي أنا أعرفه يوم الرياليين أو المسؤولين يشوفون وحده محتشمه بنقابها ولبسها وعباتها

مستحيل يتحرشون فيها ولا بعد متزوجه قويه هذي لازم توقفينه عند حده وما تسكتين أكيد هذا مريض

عندج ريلج خبريه بسالفه قبل لا تمر على هالسالفه ايام وشهور وعقب حد يروح من راج ويخبر ريلج تخيلي شو بيكون موقفج

وبعدين لو عندج أخو خبريه وانتي اتفاهمي معاه انه ما يوصل الخبر عند ريلج لو كان ريلج عصبي

وبعدين بتنتهي السالفه أختي لا تسكتين عن هالذئاب

::

::

وبعدين في وايد بنات يوم يروحن الدوام بكشختهن وعطورهن والمكياج تارس الويه وما في حد تجرأ يقول
لهن شي واذا في حد قال لهن شي ترى هب منهم منها هي الي مزلزله الدوام تزلزيل بمكياجها وعطورها عافان الله

::

::

ملاحظه:
أبي أعرف إنتي ليش ما تبين تقولين لريلج يمكن تكون أجوبيتنا لج غير وحتى نراعي ضروفج مع ريلج

وأخيرا:اتمنى لج الخير والله يبعد عند عيال الحرام

**حلمي الصغير** · 2007-04-23, 19:14

انا مع أختي شيختكم

لازم يكون ريلج على علم او على الاقل اتخبرين اخوج اذا في يوم صار ماصار وطلعت رمسه على الاقل يكون وايد من الاثنين عنده علم بالسالفه وانتي بتفتكين وبترتاحين

والله يكون في عونج

**الياسييه** · 2007-04-23, 20:00

اللي شدني في كلامج انه يتمدح عطرج وتقولين حاجه بيت الله ورايحه العمره مرتين إنزين ماتعرفين ان العطر جدام الريايل حرام وفيه حديث صريح للرسول ان أي حرمه تعطرت وخرجت من بيتها وشمها الرجال فهي زااااااااااااااااااااااااااااااااااااااااااااااااا نيه أتقي ربج ياأختي ولاتزعلين من كلامي

**ميثاني العيناوية** · 2007-04-23, 20:02

حسبي الله ونعم الوكيل فيه ...

**همــــس** · 2007-04-23, 22:23

الغاليه كيف شم عطرج؟؟!!؟!؟!؟!

اول شي كيف تتعطرين وانتي سايرة الدوام!!! هذا اول شي

ثاني شي المسؤول عايبنه تدرين ليش!!! لانه ما شاف منج موقف صارم!!!

انا سواها فيه مديري العووووووووود اللي محد فوقه.. فريت استقالتي في ويهه.!!!! وصل الخبر لين الشيوخ هني خاف.. ولين اليوم يترجاني اني ارجع.. والله لو علي ديون الدنيا ما رجعت..

كلنا عدنا ديون..

دوري على مكان ثاني.. انتي مش مجبورة..

ثاني شي ريلج اول واحد لازم يعرف.. انا كنت اخبر ريلي من اول مره حاول فيها. .. وقف معاي وساعدني.. والحمدالله لين فريت استقالتي يوم شفت انه ما منه فايده...

لا تسكتين عشان عندج ديون.. يا كثرهم اللي عندهم ديون واستقالوا.. اهم شي كرامتج وسمعتج حبيبتي..

**((( أم مهرة )))** · 2007-04-23, 22:26

اختيــــــــــــــــ ــــــه فديتج وقفيه عند حـــــــــــــــــــ ــــــــده .........

**ام الاسهم** · 2007-04-23, 23:13

مراااحب خواتي مشكورين على مداخلاتكم ووقفتكم وياي بس مدري شو ارد عليكم
بكون وياكم صريحه مع اني متحفظه بهذا الشي ومب راضيه اقوله لحد وبرد على كل وحده اتقول لين ليش ما اتخبرين ريلج
انا مبتليه بريل مب آدمي واحد ما يخاف الله لا صلاه نوم مايداوم مثل الناس يسكر يدخن عصبي حياته كلها سفارات وسهر وعربده لايصرف يجي البيت بساعه متاخره من الليل اقوم على ضربه منه صدقوني انام وانا بكي واقوم وانا ابكي وفي اشياء واااايد اسمحولي ما اقدر اقولها تبوني اقول له وهو يدور سبب على اني اخلي الدوام ، واذا خبرت بيي الدوام وبسوي لي فضيحه واحد مجرم ما يهمه شي واللي مسكتني اعيالي الثلاثه صابره عشانه لاني لو رديت بيت هلي ما راح احصل مكان بينهم
( اسمحولي في امور ما اقدر اقولها ولا اتكلم فيها )

واللي اتقول لي انتي مسويه عطر وكيف يشمه منج صدقوني مب ذاك الزود الريحه تنشم لاني ادخن العبايا والشيلا وملابسي داخل الكبت قبلها باليل بس اهوا حركات يتحجج باي شي عشان يتكلم وياي

اما اللي اتقول لي دوري على وظيفه ثانيه هالوقت اللي محصل وظيفه ايودها بيته واسنانه والدليل عندي خوات ثنتين خريجات جامعه من سنتين مب احصلات شي والسبب مافي واســـــــــــــــطـــــــــــه

اسمحولي خواتي يمكن طولت عليكم

**راعيه المنقود** · 2011-01-31, 15:35

اختي طنشيه ولا تردين عليه واذا عندج التزامات بالبنك لا تفكرين بالاستقالة عشان واحد مثل هذا

**العيووووون** · 2011-02-01, 23:44

لاحول ولاقوة الا بالله

الله يهدييييه بس

عانج الله حبيبتي

الموضوع: طالبـــــــــــــــه الفـــــــــــــزعه

أدوات الموضوع

عرض

طالبـــــــــــــــه الفـــــــــــــزعه

المزيد من آخر المواضيع من نفس القسم:

مرااحب

المواضيع المتشابهه

الفـــــــــــــزعه خوواااااتي