افرازات مع دم

[اخر دلع]

الغاااليات للي عندهم خبره..

انا حامل ف الشهر الاول ..بـــــــــــــــس اليوووم نزل فيني دم مع الافرازات ..واحس بألم ف بطني ..

حد يعرف شووووو هذا..؟؟؟؟

الم البطن مووو طايع يخف..

سوييت تحليل امس وقالولي في حمل ..وقالولي بعد تعالي بعد يومين ((يعني باجر))>>بيسووولي تحليل دم مره ثانيه >>ما اعرف ليش

هل هذي اعرااااض اجهااااض..؟؟؟؟؟


اترياااااااااااااااااااااكم الغالياااااات....

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[nano1984]

فحص الدم مرة ثانية عشان يتابعون وياج هرمون الحمل وان شاء الله يكون في زيادة ..

بخصوص الدم ... أحياناً يكون عادي لو كان شوي .. خصوصاً في الشهور الأولى احتمال

يكون بقايا دم موجودة في الرحم .. بس نصيحة روحي شيكي على عمرج أحسن عن أي

أحد منا يفتي في موضوعج

وان شاء الله ربي يتمم لج على خير .. وتفرحين بشوفة ضناج

[مزيونة الطبايع]

[B]ربي يجعله خير انشالله مافيج شي.بس لازم تسوين هذا الفحص عسب يشوفون هرمون الحمل يرتفع ولا ينقص[
/B].

[مزوحية]

هلا حبيبتي

انا تقريباً مثلج ورحت الحوداث قالولي ماشي نبض للبيبي وبيسولي فحص بعد كم يوم يشوفون نسبة الحمل

بس رحت مستشفى خاص وجييكت الحمدلله كان توه بداية النبض

الدكتوره قالتلي ان البويضه تنغرس في جدار الرحم عسب جي ينزل شوي دم شفاااف

بس انا انصحج تروحين وتجييكين على عمرج يمكن يعطونج إبرة تثبيت او حبووب او حالتج غير عن حالتي

الله يثبتلج حملج ويسهل عليج يارب

[كاشونة2009]

حبيبتي مب زين لازم اتابعين عمرج
انا كان ينزل مني افرازات بنيه مع دم بس قلت يمكن عادي ليييييييين اجهضت والله يعوضني ان شالله كنت ماعرف شي يحليلي

[اخر دلع]

اليوم من الصبح ما خف الالم..

الي اجهظن كيف كااان ..؟؟يعني كيف الاعراض...مثلي..؟؟

[مكسوره الخاطر]

الله يثبت لج حملج يالغاليه

[وردة الحلوه]

سيري جيكي يمكن تعطيج الدكتوره حبوب تثبيت لانه انا صار لي نفس الشي وما سرت المستشفى تميت اتريا والله ما ادري شو اتريا لي ما اجهضت

[اسعد تعيسه]

روحي مستشفي حبيبتي لا تصبرين علي نفسج

ان شاء الله خير

[Nicole]

عزيزتي..
سيري المستشفى..انشاء الله خير بس اوقات ممكن يكون حمل برا الرحم.او ممكن التهابات..طمنينا عنك والف سلامة عليك وعالبيبي

[اخر دلع]

خلاااااااااااااااااااااااااااااااااص البيبي طااااااااااااااااح

[AL-jawaher]

الله يعوضج الغلا

ويعوضني وياااج



الحمدلله على كل حال

[Looooonely]

الله يعوضج اختي..

[غرنجية العين]

الله بيعوض حبيبتي

.
.

ما احب اسمع هيك اخبار .. وان شا الله خير

[bint_alzaabi]

الله يعوض حياتي
انا اجهضت اول بيبي والحين انا حامل في الثاني انشالله يثبت لين موعد ولادته يارب
لازم في هالايام الوحده تجهض اول بيبي والثاني يثبت هالي اشوفه والاحظه يمكن لتغير الحياة
الله يرزقج ويرزق كل محرومه ويسهل على الحوامل ويجعله شفيع لج ولزوجج