ريلي متغير علي :(

[همسات شاعره]

الله يهديه ويصلح من بينكم يا رب ..

الله يسعد كل زوجين ويبعد عنهم المشاكل إن شاء الله

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[Hno0odah]

الله يهديه يارب

[صعب فرقاي]

صح كلام الخوات أصبري ودعيله بالهدايه بس مو معناته أنج اطنشينه بالمره في بعض الرياييل ايون بتطنيش وبعضهم اذا طنشتي وسكتي يلعبون بالزياده وياخذون راحتهم لين ماتستوين صفر عالشمال أسمحيلي أختي لازم أقولج
وانبهج باهنقطه والله يعينج ويسخر لج ريلج

[أم بشر]

الله يهديه ويصلح من بينكم يا رب ..

الله يسعد كل زوجين ويبعد عنهم المشاكل إن شاء الله

[تويينز]

ااااااه ياالقهر
لو مكانج جان ذبحته من زماااااااان
ياربي ليش يسووون جيه...
شو خلوا حق العزابيه؟؟؟؟؟؟

[عذب الاثير]

اشكر كل وحده ردت علي وان شاء الله في ميزان حسناتها

[دنيا الولهه]

الله المستعان..........................

[ميروووه]

الله ايعينج الصراحه .. شو بتسوين قدرج تاخذين واحد مال بنات ... الله يهديه لج يارب وايسخره ويبعد عنه بنات الحرام يارب ... ختيه كثر ما تقدرين تعالي على عمرج وخلي عمرج هاديه على غير العاده يعني دوم كوني ف شوره ولا ترمسينه عن موضوع المغازل .. يعني حاولي تبينيله تغيرج وهدوءج من غير ما تيبين طاري للموضوع ... خليه ايحس انج متغيره .. خليه يفهم انج اتعرفين ابكل شي وانج ساكته بس لانج اتفكرين ف حل مناسب .. خليه يداخله القلق وايقول شو بلاها متغيره ؟؟ ولو تخبرج شو بلاج قولي له بكل هدوء ومن غير ما اتحطين عينج ف عينه ماشي .. احس انه ف هاييج الساعه بيخاف انه يفقدج وبيودر عنه هالامور .. ودوم لا اتعطينه ويه بزياده .. يعني لا اتبينليه انج ميته عليه ومتلهفه لسماع صوته ويلسته .. وان شاء الله الله يصلح امورج يارب وايوفقج


ميروووه

[حلوه وقموره]

اول شيء انتي لاتدقين له وايد وتحرقين تلفونه لانه هالشيء يولد النفور لا اارادي

يعني دقي مره مرتين باليوم واطمني عليه وخلاص ترى الي يبا يلعب بيلعب لو حرقتي فونه

والحل انج تروحين بوظبي وتعيشين معاه لانه ريلج يحس بفراغ عاطفي ولجأ للبنات

لانه مايحس بجو اسري اما لو سكنتي معاه بيحس بجو اسري وبج ومابيتعود انه يكون حر طليق

لانه في منهم يوم يروح اماره بدون حرمته يقول انا اللحين عزوبي وبسوي الي اباه دام حرمتي مب عندي

وخليه مرده يمل منهم المهم طنشي موضوع الخيانه وخلج بارده من هالناحيه وحاولي تغيرين نفسج

وتبنين ذاتج وتدورين لج شيء يشغلج عن هالافكار لانه لو تميتي جي بتيج حاله نفسيه من التفكير

[ahaat_2015]

الله يعينج اختي بس حاولي تفهمينه لانه حرام يشوف صور وسخه كلميه قوليله عندك بنت حرام عليك والله يمهل بس ما يهمل وقوليه الله يشوفك شو تسوي واذا ما يصلي حاولي تخليه يصلي انزين بصراحه اذا كان يغلط ويقولج بطلقج اذا فتحتي التلفون هذا الكلام ما يصير يطلقج عسبت شي غلط لا والله حرام

اختي كلميه بهدوء هو يمكن بعيد عن الله ودايمن ذكريه بالله


انا والله مو عارف هذيل الريال ليش ما يخافون على اهلهم



ادنيا دواره بس الله لا يبلا عيالنا باعمال اهلهم

[راعية واجب]

لا تضيجيين في عمرج .....بيخووون وبيلعب وبيسوي الللي بيسويه اخر شي مرده لج انتي

واذا الريااال امحطي في باله ايخووون بيخووون لو اكبر راااس بيرمسه بيخونج انتي سويله طاااف

اعرف انه لو رمستي من اليووم لين باجر بيتم مثل ماهو .....وعلى فكره هو تفكيره انتي كل شي لكن اللوث اللي عنده بس تسليه ....وخلي في بالج انه مرده لج انتي ....

الواااحد اللي امحطي في باله شي بيسويي بيسوييه الحينه حريم امعرسات ايخونن وريلها خبر خييير

وعلى فكره التفكيرو الضيجه يسببون القولوون ويكبرج واايد والريااال ما يحب الحنه لا تحنين عليه سوي عمرج واثقه فيه حتى لو انج اتشوفين جدامج بس قوليله انا واثقه فيك اكيد هاي حرمت اربيعك انغزيه بس لا تحنين


ترا الحنه اللي اطير الرياال ابسرعه يعني عادي اتكونين نمبر 2


خلج ريلاكس كلنا فينا ضيييج محد مرتااااح في حياته كل ما مثلتي انج مرتاحه بتحسيين برتياااح

والله ايوفقج حبيبتي لا دمريين حياتج بيدج

عن تجربه انا شفت ريلي ايخوني سويت عمري ما شفت مع انه يالس احذالي وانا اشوف المسجاات ويهه اصفر واخضر وازرق لكن تدرين شو سوويييت

والله اني ما ناقشته سويت عمري ما شفت شي مع انه يالس ايشوفني وانا اقراا هو رمسني في الموضوع لكن غيرت الموضووع

اعرف انه مرده لي لو يلف يلف ما بيحصل وحده شراتي اهم شي الثقه في النفس

100% كلامج صصصصصصصصح

[nano1984]

الله يهدي ريلج .. والله البنات ما قصرن وحبيت أدعي لج ..

إذا ما خاف من رب العالمين .. ولا استشعر بوجوده ما بيحسب لأي مخلوق حساب ..

حتى لو زوجته ..

خليج قريبه منه مثل ما قالت الأخت روحي وياه أبوظبي ..

حاولي شوي بعد تثقلين عليه .. يعني موب أي شي يستفزج من تصرفاته ..

في بعض الريايل يموتون من التنطيش .. خليه هو يبادر في كل شي ..

سواء في الكلام أو في التصرفات .. أنتي عليج بس تسوين حقوقج له وبس

لأن هـ الطريقة تستفزه شوي .. وتخلي كل وقته يفكر شو فيج ؟ " موب دايماً تنفع إلا إذا الريال متعلق حرمته وايد

خلي حياتج ووقتج وياه ايجابي دايماً .. وإذا اتبعتي خطواته وايد راح تنفرين أنتي بروحج منه ..

لأن المرأة ما تتحمل .. فأنصحج ابتعدي عن فونه .. وادعي في سجودج واتضرعي لرب العالمين

بأن يهديه من هـ المعصية ..

حاولي تغيرين نمط حياتج يعني عفواً شوفي عيوبج وحاولي تتجهين اتجاه الصح في كل شي " قدر المستطاع ..

راح تشوفين ربي بيسر لج أمور ما تتوقعينه " عن تجربة ..

أهم شي سوي كل الي قلت لج عليه بنية صافية لرب العالمين وهي " إصلاح ريلج بما يحب رب العالمين

وصدقيني رب العالمين ما بيخذلج .. ودايماً ادعي " اللهم إني أستودعك زوجي .. في ما تحبه وترضاه ..

وربي يهدي سركم .. ويلم شملكم على خير .. في طاعة محبة رب العباد

[نيازي]

الرياييل طبعهم الخيانه صدقيني الريال ماتروم الحرمه تغيره اللا إذا إراد الله له انه يتغير كلنا نفس الحاله الله المستعان ومب شرط حبيبتي في قصور منج بس الرياييل مايكفيهم ولايشبعهم شي

[شوشو_24]

الرياييل طبعهم الخيانه صدقيني الريال ماتروم الحرمه تغيره اللا إذا إراد الله له انه يتغير كلنا نفس الحاله الله المستعان ومب شرط حبيبتي في قصور منج بس الرياييل مايكفيهم ولايشبعهم شي

[روح الشامسي]

لا تعليق

تعبنا من الخيانه