ريلي متغير علي :(

[عذب الاثير]

هلا خواتي

ببدا بموضووعي على طول .. ريلي يداوم ف بوظبي اسبوع باسبوع والاسبوع اللي هو ما يكون اهني اسير عند قوم امي وهو دوامه ليل .. هو و ربيعه بس يداومون المهم قبل يوم ربيعه يروح عنه مثلا ياخذ بريك ما يصدق يتصل فيني ويسوووولف لو حتى ما عنده سوالف يتم ساكت المهم يتصل ويطول ويااااي ف الرمسه اما الحين من اسبوعين اشوفه كل ما يسير اهناك عمدا يبغي يضارب ويايه بس عشان ما اكلمه اسبوع كامل ولا اتصل فيه وياخذ راحته ..

الزبـــــده


انا شاكه ف ريلي انه يكلم وحده لييييش ؟؟ انا بقوللكم لني انا قبل جكيته وعقب تم يقولي والله هاي انا اعرفها قبل لا اخذج هي اللي اتصلت فيني انا ما اسويلها سالفه جذاااااب لني انا شفته فليل ع الساعه 3 يتعبث بتلفونه ويوم راح الحمام عزكم الله شفت ف موبايله انه مطرشلها مسج ومن جكيته ما يا رقمها على موبايله ف انا شاكه انه هو عنده موبايل بالدسه وحاطنه ف السياره وعندي يقييييييييييييييين واحساس انه عنده بس ماعرف وين داسنه لني فتشت سيارته وما لقيت وتم يحلفلي ع القران انه ما يكلم بنات صدقته عقب شفت صوره بنتين ف تلفونه يوم قلتله على طول اتصل ف ربيعه وحط ع الاسبيكر عشان انا اسمع لنه ربيعه اللي امطرش الصوره جان يقول ربيعه والله اسمحلي ومادري شو اونه تلفوني فيه فيروس يطرش حق كل حد المهم سامحته وكذا مره يوم اخذ ارقام يطلعولي بنات ويوم اصارحه يقولي ليش اتدقين تلفوني ويقولي والله مب انا هاييل ربعي اقوله جي ربعك ما عندهم تلفونات ياخذون تلفونك انته اشحقه يقولي سوالف شباب ويسكت ووصلت السالفه للطلاق مره وحده وقالي اذا زخيتي تلفوني مره ثانيه بطلققج وقالي بكل وقاحه خلاااااص ما قمت اثق فيه مثل قبل ومن فتره اتصلت وحده ع رقم ريلي عطته مسكول وانا اعرف انها وحده جان ارد اتصل فيها قلتلها نعم شو تبين قالتلي منو انتي قلتلها انتي اللي اتصلتي قالت لا اونه ها تلفون اخوي مادري يمكن اخوي يكلمج اونه عادي عادي انا اعرف انج انتي ربيعت اخوي قلتلها احترمي نفسج انتي متصله ع رقم ريلي جان تقولي انزين يمكن اخوي يعرف ريلج قلتلها وتلفون اخوج شو يسوي عندج جان اتقولي اووووه سيري ولي لااااا اهني انا فررررررررررررررررت سرت عند ريلي تميت اصيح جان يعترفلي قالي هاي ربيعي خاطبنها وهاي ايرانيه ومن بينهم مشاكل وانا المصلح قلتله لا والله وانته ما تعرف انه ربيعك متزوج وعنده ولد بدال ما تيلس تنصح تيلس اونك عاد تصلح من بينهم قلتله اكررررررررررررهك عادي انته اللي خاطبنها مب ربيعك تم يحلفلي لا الله ومادري شو اونه ربيعي بيودرها الحين قلتله هيه الحين بيودرها وبتقبضك انته المهم انتهت السالفه ومن فتره خذاله بلاك بيري السبوع اللي طاف يوم بطلت تلفونه شفت صور بنات مفاصييييخ اونها منزله هافها وبنات منسدحات ورافعين ثيابهم وصور سكس انا انصعقت ما قلت شي لنه هددني بالطلاق وهو ما يدري اني انا شفت الصور..



والحين ريلي ما يكلمني عدل يوم يكون ف الدوام يعني ربيعه يوم ياخذله بريك يتصل يرمسني مال 5 دقايق ويبند اونه انتي ما عندج سوالف والبارحه فليل اتصل كلمني دقيقه انزين سال عن بنته جان اسمع صوت موبايل يرن على طول حطه تلفون ع الصامت وقال خلاص انا بخليج برقد يعني وهو يتحراني ما سمعت صوت الموبايل هالموبايل اللي خاشنه ف السياره يعني اشمعنه يوم انا سمعت الصوت هو بند التلفون عني


اووووووووووف وايد مضايجه اسمحولي كلامي مب مرتب بس اتمنى انكم فهمتو شي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[sose_m]

الله يعينــج الغاليــه ...
ويهديـــه لج ...
كثري اختي من الاستغفار بنية إن الله يهديــه لج..

[مالها مثيل]

لا تضيجيين في عمرج .....بيخووون وبيلعب وبيسوي الللي بيسويه اخر شي مرده لج انتي

واذا الريااال امحطي في باله ايخووون بيخووون لو اكبر راااس بيرمسه بيخونج انتي سويله طاااف

اعرف انه لو رمستي من اليووم لين باجر بيتم مثل ماهو .....وعلى فكره هو تفكيره انتي كل شي لكن اللوث اللي عنده بس تسليه ....وخلي في بالج انه مرده لج انتي ....

الواااحد اللي امحطي في باله شي بيسويي بيسوييه الحينه حريم امعرسات ايخونن وريلها خبر خييير

وعلى فكره التفكيرو الضيجه يسببون القولوون ويكبرج واايد والريااال ما يحب الحنه لا تحنين عليه سوي عمرج واثقه فيه حتى لو انج اتشوفين جدامج بس قوليله انا واثقه فيك اكيد هاي حرمت اربيعك انغزيه بس لا تحنين


ترا الحنه اللي اطير الرياال ابسرعه يعني عادي اتكونين نمبر 2


خلج ريلاكس كلنا فينا ضيييج محد مرتااااح في حياته كل ما مثلتي انج مرتاحه بتحسيين برتياااح

والله ايوفقج حبيبتي لا دمريين حياتج بيدج

عن تجربه انا شفت ريلي ايخوني سويت عمري ما شفت مع انه يالس احذالي وانا اشوف المسجاات ويهه اصفر واخضر وازرق لكن تدرين شو سوويييت

والله اني ما ناقشته سويت عمري ما شفت شي مع انه يالس ايشوفني وانا اقراا هو رمسني في الموضوع لكن غيرت الموضووع

اعرف انه مرده لي لو يلف يلف ما بيحصل وحده شراتي اهم شي الثقه في النفس

[اليامي مريامي]

صح من كلامج انج تتكلمين من خاطرج

المهم اختي الحرمه قلبها دليلها و الصراحه ترا الله يكشفهم لان الحرمه اتكون يالسه ياغافلين لكم الله

و الي يداومون في بوظبي الله يعينهن و يعين زوجاتم ترا ال............ مايخلن حد مواطنات و لا وافدات مايخلون الرياييل بحالهم وكذلك الرفقه السىئه عافانا الله

المهم لا اتنبشين وراه مايجوز اختي لانه يعتبرونه الشيوخ تجسس

وزين انج واجهتيه والحين هو انكر يوم بتكلمينه لا اتكلمينه ابعصبيه هدي و خليه دايما يسمه صوت بنته و اتقوله نحن نحبك ومشتقين لك اذا تعرف تتكلم اذا ماتعرف طمنيه عليج وعليها وسوي روحج مسامحتنه اذا مارد طبيعي خلي حد يحبكم يكلمه وينصحه بس مب جدام العالم وبصوت عالي لا تخيروي الاوقات حتى لاتناقشينه وهو بعيد اقصد ايام دوامه لا. تريي لما اييكم و رتبي له جو ثم صارحيه وقوليله طبعا لما يعترف شو ناقص او قصور منج.

اذ يباج اتروحين معاه روحي لا تغلطين واتقولين الي وربيعاتي و ماعرف اعيش في شقه اكبر غلط يرتكبنه بنات الامارت الشماليه و الله الرياييل يقولون حريمنا مايسمعن كلامنا يبن اهلهن ونحن بنتزوج بالسر او بيروحون للحرام بعيد الشر

و لاتنسين بالنهايه الدعاء نحن ايام مباركه لا تتضاربين واياه وساتغلي الاجازه للتقرب منه اكثر بس ادعي له و تاصدقي بنيه الله يكفيكم شر الاشرار و الشيطان

اليحين رتبي الافكار وشوفي الي تحبين اتطبقينه و دعواتنا لج

[wafa123]

الله يهديه ويريح بالك

[ريـــــــم]

الله يهديه ويصلح من بينكم يا رب ..

الله يسعد كل زوجين ويبعد عنهم المشاكل إن شاء الله

[ام ميثاني..]

اول ي ريبج عنده مويااايل وكل شي واضح وبين وانه يكبم عليج والتغيييير اللي انتي تحسيبه وانه متغير... واخخرتها ماااااااخذ البلااااااك البيريييي المصيييييييييييبه العوده والله يعيييييييينج واتحملي شو بسوين مرده لج

[بنت الهيئة]

الله يوفقج حبوبه

بس نصيحه حاولي يوم يتصل اضحكي وفريحية بأخبااار حلوه...

وما داعي تذكرين بسواااالفه ..

ودوم ادعي ها الدعااء اللهم اني استودك زوجي

انه الله يحفظ ريلج من كل شر وبيكون لج انتي بس...

صدقيني حاولي تتغيرين للاحسن ...

وحاولي اتقولين اتصدق الشماليه من دوون ولا شي ...

وقوليه تاااج راسي الريال يحب ها لرمسه...

وذكريه بأيام الملجه وروحه بيتحمس...

وقوليله شورايك انغير جوو ونفتح صفحه يديده واتسافرون

اي بقعه بس اهم شي برع البلادد

وسمعيه صوت بنتج...وقوليله انا وبنتي متولهين عليك

حبوبه دووم كوني ايجابيه ....

ودوم ادعي ربج ....

وكوني على يقين انه رب العالمين بيحل مشكلتج

ها قااااااااانون الجذب خيتوو

في حديث قدسي يقول الله عز وجل
" أنا عند ظن عبدي بي "

هني ماقال ربنا جل وعلا " أنا عند ( حسن ) ظن .. "
قال : " أنا عند ظن عبدي بي ...

كوني متفائلة وادعي واستغفري وغيري عمرج...

استانسي واظهري وحاولي اتخففين من اتصالات ريلج...

بس يووم يتصل فرحية بسوالفج واحلى الأخبار
وطمنينى عليج حبووبه

[دلع بو راشد]

عن تجربه انا شفت ريلي ايخوني سويت عمري ما شفت مع انه يالس احذالي وانا اشوف المسجاات ويهه اصفر واخضر وازرق لكن تدرين شو سوويييت

والله اني ما ناقشته سويت عمري ما شفت شي مع انه يالس ايشوفني وانا اقراا هو رمسني في الموضوع لكن غيرت الموضووع

اعرف انه مرده لي لو يلف يلف ما بيحصل وحده شراتي اهم شي الثقه في النفس

[اناناسة]

موضوعج واضح اختي و واضع ايضا توترج و بكائج وقت الكتابة

ما لج الا تدعينله بالهداية من خااااااااااااااااااااااطرج و ايضا تحطين له اشرطة

من الشيخ نبيل العوضي لانه كلامه وايد هادئ و مؤثر

حطي الشريط في السيارة عسب من يدق سلف يشتغل

اختاري محاظرة عن الهداية

و عقوبات العلاقات المحرمة

[اناناسة]

و انا مع كلام بنت الهيئة فديتج

[Hno0odah]

الله يهديه يارب

[همسات شاعره]

الله يهديه ويصلح من بينكم يا رب ..

الله يسعد كل زوجين ويبعد عنهم المشاكل إن شاء الله

[صعب فرقاي]

صح كلام الخوات أصبري ودعيله بالهدايه بس مو معناته أنج اطنشينه بالمره في بعض الرياييل ايون بتطنيش وبعضهم اذا طنشتي وسكتي يلعبون بالزياده وياخذون راحتهم لين ماتستوين صفر عالشمال أسمحيلي أختي لازم أقولج
وانبهج باهنقطه والله يعينج ويسخر لج ريلج

[تويينز]

ااااااه ياالقهر
لو مكانج جان ذبحته من زماااااااان
ياربي ليش يسووون جيه...
شو خلوا حق العزابيه؟؟؟؟؟؟