كيف أطير ريحة الصبغ ؟؟

[ورووووووود]

السلام عليكم بنات

عندي غرفة في البيت صبغتها وأبغي أطير ريحة الصبغ ... لو حد منكن يعرف طريقة غير البخور

بانتظار ردودكن

وشكراا لكل من ترد على موضوعي

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[CanoorA]

وأنا بعد ابي اعرف

[ميعاد الحمادي]

يقوولوون الفحم يمتص الروااايح,,,

[A123]

انا يوم اصبغ حجرتي
اخلي الدرايش مفتوحه.........
و احط في الممسحه مع الماي خل ابيض وانظف الارضيه واييييد يمتص الريحه وبسرعه.....
من افكار اميه الله يحفظها ويطول في عمرها ان شاء الله

[شلال محبة]

الغالية لازم تهوية المكان وتضرب فيه الشمس عدل

وعقبها ممكن اللبان العربي يلطف الجو

وعقب ما تختفي الريحة ممكن تستخدمين العود والدخون.لانه قبل بتكون ريحة الصبغ اقوى منهم

[دنيا الولهه]

الغالية لازم تهوي المكان وبعدين دختي بالبان وبعدين العود اليابس...............

[Loveless_A]

احنا دوم ندخن الغرف بلبان و نخلي الدرايش مفتوحة قبل
و عقب من تخوز الريحة شوي ندخن بعود و الا بدخون

[F.AlZaabi]

ما في شي أحسن غير إنج تبطلين الدرايش 24 ساعة و خلال أسبوع بتخوز الريحة

[جزيرة^^زمردة!]

http://forum.uaewomen.net/showthread.php?t=81754&page=5

[ورووووووود]

شكراا لكل من ردت علي

وبالنسبة للبان بخرت فيه لين عيزت ... بس أحس ان الريحة ما خازت ... بجرب الخل

شكراا مرة ثانية

[حلم طفله]

شوفي حبيبتي هالطريقة أنا مجربتنها و تنفع وايد و سهلة و يمكن تكررينها لين ما توصلين للي ايريحج

و هي انج تيبين مدخن عود و اترسينه يمر بعدين اتحطين عليه شكر(يعني سكر) و جذي بتطير ريحة الصبغة

عادي يربيها و ادعي لي و لعيالي الله يهديهم لي