السلام عليكم خواتي الاماراتيات

[قمر في زماني]

السلام عليكم خواتي الاماراتيات
انا عضوة جديدة من السعودية
قرات بعض مواضيعكم وعجبتني وبصراحة حابة اشارك معاكم اذا مافية مانع عندكم اني اكون اخت لكم
وحابة ابداها في اني محتاجة مشورتكم بعد هداية الله
انا ام لتوأم اولاد ولله الحمد والمنة محترمين بشهادة مدرسينهم والناس اللي حوليهم
وماشاء الله عليهم هم شاطرين يذاكرون ويحلون الواجب
بس المشكلة انهم اذا صار امتحان ينسون ويغلطون في المعلومات كثير
وانا انقهر كثير علشانهم لانهم تعبوا في المذاكرة كثير ولما اسمع لهم قبل الاختبار كل شي تمام
لكن وش يصير فيهم !ماادري؟ تضيع عليهم الدرجات ويضيع عليهم تعبهم على اشياء بسيطة
تكفون دلوني وش اسوي علشانهم.. لانهم كاسرين خاطري لاشفتهم زعلانين على درجاتهم وخاصة ان المدرسة اللي هم فيها مدرسينهم يخصمون درجات قوية على اخطاء صغيرة والدفعة اللي فيها عيالي ماشاءالله متفوقين جدا ودايما المدير يقول ان الفرق بين كل ولد وولد ربع درجة مش اكثر اللي يضيع درجة التفوق على عيالي .
ودي اعرف طريقة احل فيها المسألة هذي قبل ينتقلون للمرحلة الجديدة وبعدين تكبر السالفة وماقدر احلها

المزيد من آخر المواضيع من نفس القسم:

• مادة تربية جنسية
• اعادة ثانوية العامة في الامارات
• اتمنى لجيمع الطلاب التوفيق في الامتحانات...
• معلمة فلسطينية
• بنات ساعدوني هل اقدر أعيد ثانوية العامة ؟
• اعادة ثانوية العامة في الامارات
• ادور على مدرسة
• أسويلكم بحوث تقارير وغيره
• ايش رأيكم في مدرسة الدوحة؟
• بحوثات وتقارير

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[طيبة]

ياهلا ومرحبا فيج بين خواتج

وبالنسبة لأولادج الله يحفظهم ويوفقهم حاولي يكون التسميع بأكثر من وسيلة (كتابة، مخطط،..) المهم لا تعتمدين على التسميع الشفهي لأن مثل ما يقولون "ما كُتب قر .. وما حفظ فر"
وكلما استخدم الطالب حواس أكثر في عملية المذاكرة زاد تثبيته للحفظ

ولا تنسين أدعية المذاكرة قبل البدء وأثناء المذاكرة وبعد الانتهاء منها
وبالتوفيق للجميع

[فديتني اماراتية]

وعليكم السلام ورحمه

ما عندي طريقه لمساعدة عيالج
بس ما حبيت امر على موضوعج بدون ترحيب



والله يوفقج ويوفق عيالج وكل غالي عندج دنيا وآخره
وسموحه ع القصور

[قمر في زماني]

ياهلا ومرحبا فيج بين خواتج

وبالنسبة لأولادج الله يحفظهم ويوفقهم حاولي يكون التسميع بأكثر من وسيلة (كتابة، مخطط،..) المهم لا تعتمدين على التسميع الشفهي لأن مثل ما يقولون "ما كُتب قر .. وما حفظ فر"
وكلما استخدم الطالب حواس أكثر في عملية المذاكرة زاد تثبيته للحفظ

ولا تنسين أدعية المذاكرة قبل البدء وأثناء المذاكرة وبعد الانتهاء منها
وبالتوفيق للجميع

اختي طيبة طيَب الله فالك جزاك الله خيرا وماقصرتي ويجعل عمرك كله سعادة وسرور عطيتيني فكرة اكثر من رائعة كانت غايبة عن بالي
مشكورة مشكورة مشكورة على الرد السريع منك اللي ماكنت حاطة ببالي اني القى من اول ساعة الحل عبر المنتدى
تحياتي ياختي في الله

[قمر في زماني]

وعليكم السلام ورحمه

ما عندي طريقه لمساعدة عيالج
بس ما حبيت امر على موضوعج بدون ترحيب



والله يوفقج ويوفق عيالج وكل غالي عندج دنيا وآخره
وسموحه ع القصور

الله يحييك اكثر حبيبتي....(فديتني اماراتية)بنت بلد العز والطيب....
يكفي طلتك الحلوة وكلامك العسل
والله يعافيك ويوفقك ويجعل لك دار عز وجاه في الدنيا ورغد وسعادة في الاخرة

[just lolita]

أختي في الله مرحبا بك بيننا .. أبنائك هم أبنائنا .. هذا الموقع مفيد وشيق وفيه الكثير من النصائح العملية وإدعيلنا بالذرية الصالحة .. اللهم صلي على حبيبك وحبيبنا محمد وعلى آل بيته وأزواجه وصحبه الطاهرين

http://www.majalisna.com/showflat.ph...b=1&o=&fpart=1

[قمر في زماني]

روعة روعة روعة جزاك الله الفردوس ياأختي العزيزة(just lolita) والله يفرح قلبك باولادك ويقرعينك فيهم وان كان ماعندك الله يرزقك نعمة الضنى وحبه وانسه ولا يطفي لك حس ولا يقطعك من نعيمة دنيا وآخرة

[الرزينـــــــه]

السلام عليكم .. حياج الله أختي والله يخليلج عيالج دومم شطار ومن الاوائل ^^ وان شاء الله البنات فادوج ..والسموحه

[قمر في زماني]

السلام عليكم .. حياج الله أختي والله يخليلج عيالج دومم شطار ومن الاوائل ^^ وان شاء الله البنات فادوج ..والسموحه

مشكورة اختي الرزينة على المرور وماقصرتي بهالدعاء الطيب