حكـه قويه لاتنتهــى في اثناء الحمل (تجربتـي)

**لمسة_الشوق** · 2007-04-23, 00:10

مرحبا خواتي .....

أنا حامل وفيـني حكـه قويه في انحاء متفرقه من جسـمي وفي اماكن حساسه بعد ومتضايجـه من هالحجـه وايد

يعني مو بس في بطني لالالالالا اتخيلوا في الاماكن العامه واقفه واتحجج الله لايبليكم

وسرت عيادات خاصه ومستشفيات ويقولولي ان الحجه هاي مالها دوا غير انج اتربين وبس وعطوني كريمات موضعيه بس بدون ادنـى فايده

وفي حملي الاول سوولي طلق صناعي والسبه الحجه اللي ماتنتهي على قرار انها تأثر على وظائف الكبد

سؤالي : حد يعرف اعشاب أو دوا أو اي شي يفيد الحكـه القويه اثناء الحمل ؟؟؟اللي عنده بارك الله فيه يفيدني ويزاكم الله الف خير

المزيد من آخر المواضيع من نفس القسم:

**غروب11** · 2007-04-23, 00:19

والله الغليه ما عندي فكرة بس ما حبيت اقرا الموضوع واطلع

**عروسة ريلها** · 2007-04-23, 01:46

الله يعينج

صابتني هالحكة في حملي السابق اتخلبت
اقوم من النوم اتحكك

اعرف صديقة لي صابها نفس الشئ ولدوها من الوقت بسبب الحكة
بس انا ظلت شهر وراحت
والله اتحكك لدرجة يطلع الدم وما سويت شئ
سوي لج زيت لوز

**سمــ الرياض ـاء** · 2007-04-23, 01:56

لمسة الشوق خيتو

انا بعد نفس الشي اقوم من عز نومي اتحكك وحكة عجيبة غريبة اخلص من مكان وتجيني حكة في المكان الثاني وامس رحت للدكتور وكتب لي حبوب والحمد لله بعد ما اخذتها ارتحت والله

بس ما ادري عن دكتورك

**samarmar** · 2007-04-23, 07:57

انا نفس الحالة و ما اعرف شو الحل

**قلب راشد** · 2007-04-23, 09:03

انا ف حملي الحكه كانت ف منطقة البطن اكثرررررر شيء عشان البطن يتمدد وخذت لوشن الكاكاو من بدي شوب

**فوف** · 2007-04-23, 13:14

الله يعينج

**لمسة_الشوق** · 2007-04-23, 14:16

غروب 11 يزاج الله الف خير بالعكس استانست يوم على الاقل حد قرا موضوعي يعطيج الف عافيه الغلا ماقصرتي

عروسة ريلها تسلمين الغلا على التفاعل وياي يزاج الله الف خير وان شاءالله بيرب زيت اللوز وبشوف عسى انه ينفع

سمــ الرياض ـاء تسلمين الغلا عالتفاعل ويزاج الله الف خير ، اتصدقين كل الحبوب القليله اللي استخدمتها مامنها فايده هذا كان بحملي الاول وألحـينه مااحب شي اسمه حبوب

samarmar الله يعـينج والله اختيه لانها فعلا حكـه متعـبه جدا توصلني لدرجـه اني اتم الليل كله واعيـه وماافتك منها إلا اذا الله رحمني برحمته وغفيت اشويه وماانتبهـت إلا في النهار
وتسلمين حبوبه عالتفاعل

قلب راشد تسلمين الغلا الرد ، بس فديت قلبج صح البطن اتيه حكـه لكن الاماكن الثانيه بعد موت والله لايراوي حد بصراحـه

فوف تسلمين حبيبتي والله يعـيني ويعـين لجمـيع يارب

**في قلب زوجي** · 2007-04-23, 14:18

انا نفس شيء لاكن احط على جسمي فلليل قبل ماانام زيت جونسون للبيبي لوم وردي وحمدالله ارتاح

**ميرال** · 2007-04-23, 19:41

انا نفس الشي الصراحه بستحي من زوجي كل شوي نازله حك اخلص من منطقه تطلعلي منطقه ثانيه

وخاصه منطقة البطن

**سومه** · 2007-04-23, 21:15

الغاليه

( لمسة_الشوق )

موضوعج وايد حساس فعلا هالحكه لها قصة معاي وفي حملي يتني حكة البطن في بداية الثامن حكه مش طبيعيه بطني يحكني موووووت ، قلت بتحمل وبعدين على بداية التاسع زادت الحكه مش بس في بطني لا بعد في جسمي كله حكه الله لايرويكم فظيعه . فظيعه ،،، فظييييييييييييييييييييييعه

والله حاسه فيج اختي ، ، ،

ما تتخيلون فظاعتها ، كنت اقوم من النوم من شدة الحكه واسير الحمام عزكم الله وارش على عمري ماي مب بارد لأ حااااااااااااااااااااااااااااااااااااار لين مايستوي جسمي ويغدي احمرررررررررررررر

ويوم اسير المستشفى عند دكتورة النسا تقول هاذي عاديه هالحكه اللي في البطن بس اللي في جسمج ممكن هذا تسمم واحتمال نولدج بسرعه ، خفت وقالت سيري عند دكتور الجلدية وسرت وقال بنسوي لج فحص دم وبعدين طلع لاتسمم ولا شي ، وعطاني حبوب خفت آخذهم ومرهم يخفف الحكه ، ولا حسيت بتحسن الحكه مثل ماهي ، سرت مستشفى ثانية قالت تعالي عندي وبسوي لج طلق ،

على فكره كلهم عيادات خاصه

وبالأخير سرت مستشفى حكومي ومافي فايده من دكتورة نساء وبعدين حولوني لدكتور باطني ، ولفه طويله عريضه لا وبعد مسكوني ورقدوني في المستشفى الله يستر على تحفيز للولاده ، وطلق وقلت لهم لأ ماابي طلق وأنا شغاله في هالحك ومراهم مسكنه

آخر شي لين ماربيت ولدت راحت الحكه مني

مااقول غير الله يعينك

كنت ارتاح لما اخلي خواتي يدهنون لي جسمي بزيت زيتون ويتمون يدلكون ويحكون لي ارتاح الله يريح عليهن ويرزقهن الزوج الصالح

بس اختي قلتي في حملج الأولي صار لج حكه ، بس قالوا لي احتمال ماتصير في الحمل الثاني
مثل مافهمت صارت لج في حملج الأولي

الله يشفيج ويقومج بالسلامه

**لمسة_الشوق** · 2007-04-23, 22:22

في قلب زوجي يسلمو عزيزتي عالتفاعل

ميرال هيه والله أقولج ساعات أسير اماكن عامه وأتم اتحجج غصبا عني وواتخيلي اماكن حساسه عيب الواحد يعني يسويها جدام الله وخلقه

سومه انا في حملي الأول واللي يبت فيه بنت ولله الحمد من الشهر الخامس كانت ارقد الليل كل دقيقه عزج الله اسير الحمام واحط بودر واتغسل وانظف واحجج من دون فايده

بس في حملي أحينه بدتلي الحجه من الرابع وانا احينه في السادس وبصراحـه شي مقرف بس شو أسوي يااختي مالبيد حيله مثل مايقولون لاني مااستحمل هالشي وهو غصب عني بس في النهايه اتحمل والشكوى لغير الله مذله والواحد والله نفسيته تتعب .

**ام العنود** · 2007-04-23, 22:52

انا ياتني الحكه بولدي الاول.... الثاني ما اذكر يمكن ماياتني ... بس كانت تييني حكه فظيعة .... والله يوم ريلي ايي ينام يشوفني احك يقولي بس ارحمي ...ارحمي . ...اقوله والله غصبن عني شو اسوي

**رقة وأنوثة** · 2007-04-24, 14:46

هييييييييه يعني أنا مش بروحي بس في هالمشكله... أثاريها مشكله شائعه عند معظم الحوامل ونا ما عندي خبر... وفعلا كنت دائما أستحي أتخالط مع الناس في حملي كنت أتحسب أنه الناس بيقولون فيها جرب! وحتى زوجي يالله كنت أموت وأدعي أنه ما يشوفني ونا أتحكك... بس الحمد لله أنه طلع طبيعي ومع معظم الحوامل. ما قول غير الله يعينا يارب.

**The Swan** · 2007-04-24, 15:56

انا جيه يوم كنت حااامل تيني حكه اتوعيني من النووم
ووكنت استخدم زبده الكاكاو عشان ماتستوي التشققاات ورحت مره الصيديلية وقلت لها ابا كريم عشان عقب الولاده ماتسوتي العلامااات خخخخ

جان تكتب لي كرم (ONAGRINE)
STRECH MARK CREAM

ويوم كنت احطه كانت تهدى الحكه ورد ارقد خخخخخخخخخ

استشيري الدكتورة عنه واستعملية لونه ابيض وغطاتة خضراا جيه

وربي يقومج بالسلامه

الموضوع: حكـه قويه لاتنتهــى في اثناء الحمل (تجربتـي)

أدوات الموضوع

عرض

حكـه قويه لاتنتهــى في اثناء الحمل (تجربتـي)

المزيد من آخر المواضيع من نفس القسم:

المواضيع المتشابهه

dostinex اثناء الحمل

نزول دم اثناء الحمل

التشقير اثناء الحمل

هل تريدين ان تعرفي كم سيذيد وزنك اثناء فترة الحمل ؟؟ فقط اكتبي وزنك وطولك قبل الحمل؟

برنامج مراقبه الحمل اثناء الحمل