ابي اطلق

[مناويـ]

الله يعينج ............

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[صمت الروووح]

حاوووووولي اختيه الصبر عشا عيالك بس ماعلية حااااااولي بس يكبرون عيالك
تراها مب سهلة حتى على عيالك بس اذا كانوا كبار بيتفهمون

[Miss.Feminine]

لا تتعذروون بالعياال

يعني العيال يوم يشوفون الام و حالتها النفسيه و صراخ الاب كل يوم

و تدمير الاب للأم و شكاوي الام

و يوم الاطفال يشوفون كل يوم كيف ابوهم يعامل امهم و يفرق بينها و بين الثانيه

هذا بحد ذاااته تدمير للطفل و شخصيته

يا بيكون عنيف و يكره الحريم ولا بيكون ضعيف الشخصيه

و لا بيكون معقد و يكره الام و الاب

في اطفال يكبرون يحملون الام المسؤوليه هي السبب في كل شي !!!!!!!!

لا تقعدون تقولون اليهال بيتشتتون

ترا هم الحين مشتتين بما فيه الكفايه

الطفل يبا استقرار و حب و رعايه

حب الاب و اهتمامه ممكن يتوفر من الجد و الخال و العم

مب لازم الاب

غير يوم الطفل يفقد حنان الام لانه حنان الام ما يتعوض ابدا

[كرومه]

اختي ما أنصحج بالطلاق تعرفين بقولج مشكلة اختي يمكن تهون عليج مشكلتج وتفكرين قبل لاتتخذين هالقرار

اختي عمها 34 سنه معرسه على ولد عمي من 20سنه حلوه وطيبه والكل يشهد بأخلاقها بس ربج إذا أحب عبدآ إبتلاه ( ياما عاملها بسوء وياما مد يده عليها وياما خانها مع حريم بس ماقدر اشهد عليه هل يوصل فيه الامر للزنا مانعرف بس كل اللي كنا نعرفه انه يرمس ويغازل حريم المهم مشت الحياه بينهم مد وجزر مرات متصالحين وشهر مظاربين وهي صابره وساكته ومتحمله كل هذا لان ابوي من النوع الحار ممكن من الغظب يجتله لانه مرها ظربها وهي حامل والوالد خذ المسدس وكان بيجتله لولا ستر الله وناس كانوا موجودين وزخوه المهم بعد كل هالمشاكل الوالد قاله يطلقها ماطاع تم يصيح اونه يحبها ومايبا يخسرها ووعد الوالد انه يتغير طبعآ الوالد مايعرف سوالفه البطاليه الهم عقب كل هالصبر من ثلاث سنين زخته اختي وهو يرمس وحده ويقولها رمسه تشيب الراس وهي مطرشه صور ماقدر اوصفها تظاربت وياه واستوت مشاكل ووصلت السالفه للوالد الوالد بحكم انه ولد اخوه زخه ورمسه وقاله عيب اللي تسوي الريال قدام الوالد اعتذر بس من وراه كان حاقد وسار وعرس عاى هالبنت الخايسه وبأت معاناة اختي كل يوم تدمير نفسي يعني مايمد يده بس كان يدمرها نفسيآ لين طاحت مريظه وكلنا وقفنا معاها لين ماتجاوزت هالمرحله وردت نفس قبل واقوى وقامت تواجهه وتتحداه وماطلعت من البيت ولا طلبت الطلاق بس عشان عيالها مايتشتتون ولحد اليوم وهي واقفه بويهه مع ان الوالد يقولها تطلقي واحنا كلنا نقولها شوتبين تطلقي بس مب طايعه مب حبآ فيه انما حبآ في الاجر وعشان عيالها اتمنى انج تحطين كل الاحتمالات فبالج وتجوفين كيف بتكون حياة عيالج وهل السبب يستاهل تطلقين عشانه والله يهدي ريلج ويستر عليكم ويصلح بالكم

أهني إختج على صبرها
ومثل ما قلتي هذا إبتلاء
والله يعطيها من جناته النعيم
صدقيني في حريم وايد جيه وصارو مايسوون سالفه للريال بعدين هو يرد بروحه وحتى لو مارد تكون رضت ربها بالي أمرها فيه

الله يعطيكم العافيه الموضوع الوحيد الي شاركت فيه وأنا مستانسه من ردود الأخوات
لأن في مواضيع ثانيه تنحط بس الردود ما تسر

نصيحه يا أختي الي طالبه الطلاق
شو في شو يعني طلاق ولا تقولين كيف باعيش مطلقه
بس شوفي شرعنا مثل ما عدد الزوجات وحطى أسباب
شوفي شروط طلب الطلاق يعني الأسباب وإنتي إحكمي

حاولي تحتسبين الي يصير منه أجر والله معاج

[عنيدة m]

ماعليـه حبيبتي عشـان خاطر عيون عيـالج تمـي مهما كان هذا ريـلج بو عيالج اسمه لاصق في اسم عيالج

لاتنسين انتي اخترتـي شريـك حياتج ~

ان الله مع الصابريـن انتي ماعليج منا انتي عليج من نفسج وصحتج وعيالج الي بيقول خله يقول لاتنسين رب عالمين فوق وبحاسبه والدينا مسأاله حسابيـه ~

[كرومه]

لا تتعذروون بالعياال

يعني العيال يوم يشوفون الام و حالتها النفسيه و صراخ الاب كل يوم

و تدمير الاب للأم و شكاوي الام

و يوم الاطفال يشوفون كل يوم كيف ابوهم يعامل امهم و يفرق بينها و بين الثانيه

هذا بحد ذاااته تدمير للطفل و شخصيته

يا بيكون عنيف و يكره الحريم ولا بيكون ضعيف الشخصيه

و لا بيكون معقد و يكره الام و الاب

في اطفال يكبرون يحملون الام المسؤوليه هي السبب في كل شي !!!!!!!!

لا تقعدون تقولون اليهال بيتشتتون

ترا هم الحين مشتتين بما فيه الكفايه

الطفل يبا استقرار و حب و رعايه

حب الاب و اهتمامه ممكن يتوفر من الجد و الخال و العم

مب لازم الاب

غير يوم الطفل يفقد حنان الام لانه حنان الام ما يتعوض ابدا

صح لسانج
فعلا الي صار صار وإنطبعت ذكرى مؤلمه في أذهان عيالكم
الحين يجي دورج يالأم الحنون
ضمي عيالج وعطيهم حنان فوق الطاقه عشان يحسون بالأمان
ولا تكرهينهم في أبوهم
هذا أب
ما تعرفين باجر لا كبرو شو بسوون فيج

ضمي عيالج وأحسني تربيتهم عشان ما يصير في حريمهم الي يصير فيج
رغم إننا ما نعرف شصاير

[رووحي]

أبغض الحلال عند الله الطلاق

ووالله يعينج ج ج ج

[بنت الخواطر]

الله يعينج ولا تفكرين بالطلاق دام بينكم عيال لانه بيتم متواصل ويااااااااااااااااج عشان العيال اقري البقرة وبنية الله يهدية ويسخرة لج ولعيالج ترا الطلاق صعب عالوحدة واصبري الصبر مفتاح الفرج ويمكن هذا اختبار من ربج يشوف مدى صبرج
الله يوفقج

[زهرة عيمان]

هلا اختي

ما انصحج بالطلاق انا شفت الويل من ريلي من عرست بس الحين الحمد لله الله هادنه واحسن من قبل ب 100000000 مره
وعلى قولت خواننا المصريين

(ظل رجل ولاظل حيطه)

[فتاة بوظبي]

تخيلي شكلج وانتي مطلقه..................... يعني انتي بيت وريليج اللي عشتي عنده بخير وشر فبيت ثاني ....................تقدرين تحملين وحده غيرج ترقد عنده بمكان اللي كنتي انتي راقده فيه ..............شو مصير عيالج اقصد كيف راح تصير ....من راح يفر لهم طلباتم ...............من بيونسهم حتى لو بالشهر مره ......لاتقولي خوالهم ولا عمامهم ترا بهالزمن ماحد يعرف حد الا بالمصلحه فقط وحتي لو اخدموج يوم بس ماراح يخدموج دوم انا اقول تحملي عسي الله يهدي وانتي بعد حاولي تفهمي شخصيته حتى لو تنازلتي اشوي من شخصيتج ..........بالنهايه هي حياتج

[مريووومه]

كل وحده تشوف البيئة اللي عايشه فيها
شوفي بيئتج تتقبل الطلاق و لا لا
انا عن نفسي خلعت و الحمد لله ف بيت ابويه تقبلو هالشي
صح اهلي من عموم و خوال ما تقبلو و فالبداية كنت اسمع وايد كلام جارح وعقبها نكت بايخه
بس بعدين تعودو
و الحين الحمد لله تزوجت و الحين مرتاحه

[الغنادير]

حبيبتي...
الله يهون عليج مصيبتج... في راييي انتي اكثر وحده عارفه ظروفج ومعاناتج من هالريال.. وبعدين "محد يحس بالنار غير واطيها"
فنصيحتي لج الغالية اولا انج تستخيرين, وثانيا :تقارنين بين سلبيات هالريال وايجابياته وشوفي اي كفةه ترجح في المقارنه, وبعدين الطلاق شي كبير وجدا صعب على حياة اي امراة عندها عيال او ماعندها "وبعد مب شرط" في حريم يطلقن ويقعدن في البيت, وفي اللي عندها عيال وتتطلق ونصيبها يكون رجل ثاني افضل.. يعني كل شي في الدنيا نصيب...
اعتقد محد يقدر يفيدج غير هلج ونفسج في المقام الاول لانج عارفة البير وغطاءه....
الله يعينج ويسر امرج ويصلح اللي فيه الخير...

[جويرية]

يالغاليه اذا انتى ما تشتغلين تراه وااايد صعب لان الحياه استوت صعبه

وان شالله الله يكتب فيه الصلاح اصبري عليه واتغاضي عن الاشيا اللي تضايقج منه

وحلاوة الصبر تراها ما تتعوض

والله يعطيج على قد نيتج ...


بس نصيحه منى لج مادام ما تداومين ماله داعي للبهدله والمجتمع تراه ما يرحم

[ام شامه]

الله يعينج

㋡

[الأمل الساطع]

أبغض الحلال عند الله الطلاااق..