ابي اطلق

**أم كشه،،** · 2009-11-21, 04:21

فكري مليوون مرة قبل لا تقررين واستخيري...

والله يهدي الجمييع ياارب..

**×سمحاويه×** · 2009-11-21, 04:44

المشاركة الأصلية كتبت بواسطة أم كشه،،

فكري مليوون مرة قبل لا تقررين واستخيري...

والله يهدي الجمييع ياارب..

لا تتتسسسسرعيييييين الغاليه
فــــــــــــــــــــــــــــــــــــــــــــــكري بالعيال

**عشيق الروح** · 2009-11-21, 05:52

فكري عدل واستخيري ربج وادعي ربج من كل قلبج
ادعي ان الله يهديه ويغيره ويصلحه..ماشي احسن عن الدعاء
واشكي لربج بكل اللي بداخلج لن ربج كرييم وسميييع ومجيييب
الله قال" أمن يجيب المضر اذا دعاه ويكشف السوء"
والله قال" واذا سألك عبادي عني فإني قريب أجيب دعوة الداع اذا دعان"
الله طلب منج الدعاء ووعدج بالاجابه....شو تريين عندج رب كبيير وعظييم وهو الوحيد اللي قادر انه يفرج همج ويطلعج من الضيج اللي انتي فييييه......
يالله قومي توضي وصلي ركعتين وادعي وادعي وادعي واستغفري وااااايد وتصدقي (الصدقة تدفع البلاء)
وعليج بقيام الليل والدعاء خصوصا فالثلث الاخير من الليل لن الله يكون نازل للسما ويسمع الدعاء
وما تعرفين سبحان الله ربج يسوي المستحييل..يمكن يتغير حاله ويصطلح..ما تعرفين يختيييه كل شي جايز..
وربج كريييم وكبيير ورحيييم...
والسمــــــــــــــوحه والله يفرج همج يارب...

**ابتسامة قمر** · 2009-11-21, 10:01

الله يعينج

يارب تنحل مشاكلكم و ما تتطلقين

اختيه اكثر من الاستغفار و الدعاء

الله يسعدج و يخليج لريلج و لعيالج

**نيازي** · 2009-11-21, 10:02

اختي ما أنصحج بالطلاق تعرفين بقولج مشكلة اختي يمكن تهون عليج مشكلتج وتفكرين قبل لاتتخذين هالقرار

اختي عمها 34 سنه معرسه على ولد عمي من 20سنه حلوه وطيبه والكل يشهد بأخلاقها بس ربج إذا أحب عبدآ إبتلاه ( ياما عاملها بسوء وياما مد يده عليها وياما خانها مع حريم بس ماقدر اشهد عليه هل يوصل فيه الامر للزنا مانعرف بس كل اللي كنا نعرفه انه يرمس ويغازل حريم المهم مشت الحياه بينهم مد وجزر مرات متصالحين وشهر مظاربين وهي صابره وساكته ومتحمله كل هذا لان ابوي من النوع الحار ممكن من الغظب يجتله لانه مرها ظربها وهي حامل والوالد خذ المسدس وكان بيجتله لولا ستر الله وناس كانوا موجودين وزخوه المهم بعد كل هالمشاكل الوالد قاله يطلقها ماطاع تم يصيح اونه يحبها ومايبا يخسرها ووعد الوالد انه يتغير طبعآ الوالد مايعرف سوالفه البطاليه الهم عقب كل هالصبر من ثلاث سنين زخته اختي وهو يرمس وحده ويقولها رمسه تشيب الراس وهي مطرشه صور ماقدر اوصفها تظاربت وياه واستوت مشاكل ووصلت السالفه للوالد الوالد بحكم انه ولد اخوه زخه ورمسه وقاله عيب اللي تسوي الريال قدام الوالد اعتذر بس من وراه كان حاقد وسار وعرس عاى هالبنت الخايسه وبأت معاناة اختي كل يوم تدمير نفسي يعني مايمد يده بس كان يدمرها نفسيآ لين طاحت مريظه وكلنا وقفنا معاها لين ماتجاوزت هالمرحله وردت نفس قبل واقوى وقامت تواجهه وتتحداه وماطلعت من البيت ولا طلبت الطلاق بس عشان عيالها مايتشتتون ولحد اليوم وهي واقفه بويهه مع ان الوالد يقولها تطلقي واحنا كلنا نقولها شوتبين تطلقي بس مب طايعه مب حبآ فيه انما حبآ في الاجر وعشان عيالها اتمنى انج تحطين كل الاحتمالات فبالج وتجوفين كيف بتكون حياة عيالج وهل السبب يستاهل تطلقين عشانه والله يهدي ريلج ويستر عليكم ويصلح بالكم

**ام ندى الحلوة** · 2009-11-21, 11:44

حبيبتي قبل كل شي استخيري وان شا الله خير
بس لو كنتي كاتبه عن مشكلتج عشان نفيدج بالحلول احسن من انج تسالين عن نتايج الطلاق
وان شا الله تتيسر امورج
عليج بكثرة الاستغفاروبتنسين الهموم ان شا الله
عن تجربة

**صفوويه** · 2009-11-21, 11:54

المشاركة الأصلية كتبت بواسطة غاليه الدلوعه

هذا القرار ما في اي احد في هالدنيا يقدر يجاوبج عليه غيرج انتي وبس ........
فكري بنفسج وفكري في عيالج مصاريف وسكن الخ ........
بعد الطلاق اللهم اعوذ بك من هاذي الكلمه......حطي في بالج يمكن ما نحصلين على شي ويمكن العكس
هذي حياتج وانتي عايشتنها وعارفه اظروفكم من طق طق لين سلام عليكم........
ولله حكمه انه ما خلا العصمه في ايد الحرمه،،لانه في اي لحظه راح تذكر هالكلمه
اذكري الله وعليج بالاستغفار ثم الاستغفار ثم الاستغفار ولج الاجر اذا صبرتي

**جورجي6** · 2009-11-21, 11:56

الله يسر امورج الغلا

**مزيونه 2** · 2009-11-21, 11:58

الله يعينيج ويصبر حاولي تصبرني عشان العيال لإني مب سهل الطلاق

**ام لكشان** · 2009-11-21, 12:14

اختي كلمه طلاق هي عاديه في الكلام او الكتابه بس يا اختي هي كلمه صعبة وايد وايد ما تحس فيها الا المطلقة صح انج بتكونين فرحانه ومستانسه وتضحكين وتطلعين وتلبسين وتاكلين على راحتج بس داخلج ما بتكونين مرتاحه وبتقولين ياليتني ما تطلقت لو تميت على حالي وصبرت احسن لي وانا دايما افكر شي والله اني ساعات اصيح اقول ليش تطلقت لو تميت احسن لي احسن بالم في قلبي صح اني اسلولف واضح ويا خواتي وربعي لاكن احسن ان داخلي مكسور والله حتى شعر راسي ابيض من كثر التفكير صدقيني لا تطلقين وفكري في عيالج واتحملي وباجر عيالج بيكبرون هم اللي بيشلونج وبيساعدونج فكري اختي والله انه كلمه طلاق عذاب

**صمت الجفون** · 2009-11-21, 13:08

لاتطلقين الغلا فكري بعيالج لوكان فيه مشاكل المشاكل ملح الحياه ..بس أنتي استغفري عشان الله يشرح قلبج بالإيمان ويرسل لج اللي فيه الخير ماتدرين شو نصيبج ...بس أقصري الشر وأنسى الطلاق ...اطلاق مشتت بالعيال والعيال يتبهدلون ...أنا نقلت لج واقع ريلي وأخوانه بسبب طلاق أمه وأبوه منذ الصغر

**كرز مرر** · 2009-11-21, 13:43

المشاركة الأصلية كتبت بواسطة قانونيه

الله يعينج و يعوضج خير
بس أتذكري ان لج أجر إذا صبرتي
و بالنهايه هاذي حياتج و القرار بيدج
و ان شالله باجي البنات ايفيدونج

سلام

**شهد الظاهري** · 2009-11-21, 13:50

فديتج اذكري الله وصبري ودعيه كل سآعه ,الريآل اذآ انتي فعلآ رآيدته الله بيهديه لج ^ ^
يآآآآآآآآآرب الله يسر اموووركم ويهدي النفوس امبينكم ... يآآآرب

**مسكاويه** · 2009-11-21, 13:51

غيييييييري نمط حياتج ولا تطلقين غيري اهتمماتج شكلج جوج اتعرفي على ناس فيهم خير حتى تعاملج مع ريلج غيريها حاولي بكل الطرق بس الاستسلام لاتخلين له طريق لج خليج قويه وعليج بالاستغفار وسووووووووورة البقره عجيبة والصلاة ترا الدنيا ولا تسوى موت وحياه

**شمايل العين** · 2009-11-21, 13:58

حبيبتي فكرة الطلاق شليها من راسج واتحملي عشان خاطر عيالج
واكثري من الاستغفار وادعي من ربج يسخرلج ريلج

الموضوع: ابي اطلق

أدوات الموضوع

عرض

المواضيع المتشابهه

مالجة ... واريد اطلق..

ابا اطلق منه خلااااااااااااص

ابغي اطلق .........؟

ابي اطلق

ابا اطلق بس متردده