ساعدوني بلييييز..ماعرف شي ف العادات والتقاليد والكل يجبرني!!!

**ملاك_022** · 2007-04-22, 20:50

هلا بنات حبيت اعرف هل اجباري ان الحامل تكون عند اهلها 40 يوم بعد الولاده؟وهل لازم امي تكون معاي بالمستشفى؟وشنو سالفه الجحال اللي يحطونه للبيبي لعيونه وحواجبه!والصبغ الازرق الي يحطونه ع اطرافه؟!وضروري سالفة حلاقه شعر البيبي؟؟وبعد ليش يربطونه باللحاف جنه جثه؟؟؟!!!سوري اذا سالت وايد بس لان امي اجنبيه وعودتنا على سوالف وطرق الاجانب وانا الحين حامل ف السابع وابوي واهل زوجي وايد يضغطون علي بس ان وزوجي متفاهمين ومتفقين على الطرق الحديثه بشرط تكون مفيده وصحيحه..

المزيد من آخر المواضيع من نفس القسم:

**زوجة المرشدي** · 2007-04-22, 21:34

لا الغاليه مب اجباري ولا شي من اللي فوق
بس تكون الحرمه بيت اهلها 40 لان هاي هي فتره النفاس وتبالها رعايه وعشان ترد لريلها وهي مشتاقتله ومتغيره...

الجحال حبوبه لو طبي زين لعيون الياهل بس مب اجباري والقماط يوم يلفونه على الياهل ويرصونه عسب عظامه تشتد (هذا اللي يقولونه)

والحلاقه حبوبه سنه من سنن رسولها محمد صلى الله عليه وسلم ونحن كمسلمين لازم نقتديبه

والسموحه الغلا ان شاء الله افدتج

**الحياة** · 2007-04-22, 21:41

مب شرط
انتي على كيفج
والجال اكتشفوا انه مضر من كم يوم اختي خبرتني كاتبين موضوع عن الكحل وشو اكتشفوا
بس ماذكر بالضبط
والقماط خواتي يقمطون عيالهم بس بدوون مايربطونهم بشي مثل اولوالحمدلله كل شي تمام
لا تحطين شي لعيالج ابد مثل الكحل اصلا العين هي العضو الوحيد اللي مايكبر وكل شي بالوراثه

لاتسوين هلاشياء
واذا انتي بكر فالافضل اتروحين عند امج لانها تجربتج الاولى ويمكن تحتاجينها
لانه بلعض النساء يتعبوون بعد الولادة

اما حلاقة الشعر فاكيد نتبع سنة نبينا محمد

**طيبة الكويتية** · 2007-04-22, 22:05

يا اختي شوفي راحتج انتي و زوجج وين و سويها
يعني اذا بالنسبه له عادي تتمين عن امج حتى لو تقعدين عندها بس اول اسبوعين تساعدج اشويه و تعلمج اشلون تتعاملين مع الطفل.
اما عن الكحل, هذا كلش ماله داعي لأنه يقاله انه فيه نسبه من الرصاص تأثر على مخ الأطفال.
و لف الياهل بالمهاد, احسن له علشان لما تشيلينه ما تخافين. و مو شرط تربطين المهاد ماله داعي.
و الحلاقه سنه عن الرسول صلى الله عليه و سلم, سويتوها مأجورين ان شاءالله ما سويتها ما عليكم اثم. و البحوث العلميه الأخيره تقول انه الحلق احس للطفل علشان راسه بس ناسيه بالضبط شنو مكتوب.
و تقومين بالسلامه يارب. و اذا محتاجه اي شي طرشي علىالخاص انا حاضره.

**ام العنود** · 2007-04-22, 22:42

انا افضل انج تروحين عند امج عشان راعيج وتعتني فيج بالاربعين والمربية يبالها من يساعدها ويعلمها كيف تتعامل مع البيبي .... والكحل ما انصحج فيه مثل ما قالوالاخوات لانه مضر...والقماط يشد العظام ولاحظي هالشي يوم ما تقمطين البيبي ما يرتاح بنومته وتحسيه دومه يتروع ....هذ اللي اقدرافيدج فيه

**مضاوي** · 2007-04-22, 23:26

اول مرة اسمع انه الجحال مضر انا استعمله والحمدلله ماضرهم

**ملاك_022** · 2007-04-22, 23:41

ثاااااانكس وايد لكل الي ردوا علي ونفعوني.. يعطيكم العافيه ويزاكم الله خير وانشالله استفيد من ردودكم.

**شيما333** · 2007-04-23, 01:58

أظن البنات فادوج الغاليه

**"مرحبانيه"** · 2007-04-23, 02:21

اذكر يوم كانو اخواني صغار انا كنت اساعد امايه وتعلمت على اليهال خخخ بس اقولج لازم حد يكون
ملتزم ياذن في اذن الياهل -ولازم اطعمونه سحه-القماط يكون مرصص عشان يقوي العظام - الشعر
الي يكون على راس الياهل يكون شعر بطن الحرمه يعني الافضل انج تقرعينه لاانه ها الشعر كله
بيطيح -الجحال زين بس خذي الي يسونه العيايز يطحننه ويحطن معاه ماي زمام وجذي
اتمنى افدتج

**ملاك_022** · 2007-04-23, 02:45

ثانكس يا مرحبانيه وشيما333...انشالله استفيد منكم ومايصير الا كل خير

**الأميرة2** · 2007-04-23, 02:46

صح الجحال مضر لانه المتوفر حاليا كله رصاااااااص

ومعروف ان الرصاص مادة سامه..تحملوا على عيالكم منه

**فديت ريلي ابراهيم** · 2007-04-23, 06:53

أظن البنات فادوج الغاليه

**Candle** · 2007-05-04, 06:59

المشاركة الأصلية كتبت بواسطة زوجة المرشدي

لا الغاليه مب اجباري ولا شي من اللي فوق
بس تكون الحرمه بيت اهلها 40 لان هاي هي فتره النفاس وتبالها رعايه وعشان ترد لريلها وهي مشتاقتله ومتغيره...

الجحال حبوبه لو طبي زين لعيون الياهل بس مب اجباري والقماط يوم يلفونه على الياهل ويرصونه عسب عظامه تشتد (هذا اللي يقولونه)

والحلاقه حبوبه سنه من سنن رسولها محمد صلى الله عليه وسلم ونحن كمسلمين لازم نقتديبه

والسموحه الغلا ان شاء الله افدتج

**اماراتيه كيوت** · 2007-05-04, 15:54

المشاركة الأصلية كتبت بواسطة ملاك_022

هلا بنات حبيت اعرف هل اجباري ان الحامل تكون عند اهلها 40 يوم بعد الولاده؟وهل لازم امي تكون معاي بالمستشفى؟وشنو سالفه الجحال اللي يحطونه للبيبي لعيونه وحواجبه!والصبغ الازرق الي يحطونه ع اطرافه؟!وضروري سالفة حلاقه شعر البيبي؟؟وبعد ليش يربطونه باللحاف جنه جثه؟؟؟!!!سوري اذا سالت وايد بس لان امي اجنبيه وعودتنا على سوالف وطرق الاجانب وانا الحين حامل ف السابع وابوي واهل زوجي وايد يضغطون علي بس ان وزوجي متفاهمين ومتفقين على الطرق الحديثه بشرط تكون مفيده وصحيحه..

هلا الغااااااالية

مب شرط الحرمة في الاربيعين تكون في بيت امها عااادي أذا كنتي في بيت اهل زوجج ... وعااادي لو تكون امج معاااج في المستشفى أو عمتج في غرفة الولادة ... الكحل مب الكل يستخدمه أنا يوم استخدمته حق ولدي الثاني حسس منه وما قمت احط له وقفته بس تقدري تحطي على حواجبه علشان تغلظ ... والصبغ الازرق على قولتهم النيل بعد على كيفج انا ما حطيته لولدي ... ولازم اتقمطين البيبي علشان تعتدل ... وقص الشعر من السنة لازم تقصين شعره بس في ناس ما يقصوون شعر البيبي بعد الاربعين

**ملاك_022** · 2007-05-04, 16:44

ثانكس حبوبات انشالله مايصير الا الخير وانتفع من تجاربكم..

الموضوع: ساعدوني بلييييز..ماعرف شي ف العادات والتقاليد والكل يجبرني!!!

أدوات الموضوع

عرض

ساعدوني بلييييز..ماعرف شي ف العادات والتقاليد والكل يجبرني!!!

المزيد من آخر المواضيع من نفس القسم:

المواضيع المتشابهه

محتارة بين العادات والتقاليد وبين المعلومات الطبية .. أفيدوني

العادات والتقاليد في اليابان!!!

فتاة المدينة و رجل العادات والتقاليد

اذا تعارضت العادات والتقاليد مع الدين فأيهما تطبق