راح حبيبي قلب

**ميميتو** · 2009-11-19, 14:43

ياللـي دفنتـوا جثـتـه.. لـيـه تبـكـون؟
لـولا الحيـا..لأقـول : معـكـم خـذونـي

ياليتنـي ..كنـت الكفـن يـوم تمشـون
أبـقـى مـعـه بالـقـبـر ثـــم تدفـنـونـي

أو ليتني .. من خلفكم كنت مجنون
أتـبـع خطـاكـم والـعـذر هــو : جنـونـي

تكفـون هاكـم عمـري اليـوم تكفـون
بـرخـص حيـاتـي دام خـابــت ظـنـونـي

مـا فادنـي صبـري ولا فـادنـي عــون
ولا فادني دمع(ن) .. حرق لي جفوني

يـا مـا بكيتـه والبكـي يحـرق عيـون
ميت أو انه حي .. دمعي بعيونـي!!

العـام كـان بفرحتـه.. يعـزف لـحـون
واليوم ؛ تحت الأرض .. ماهو بكوني

لكن أنا في فرحتـه.. كنـت مدفـون
فوق الثرى .. واليوم موته سجونـي

ياليتنـي.. ماعشـت لحـظـه بهالـكـون
و ياليت ربعي .. في سكات اذبحوني

وياليتكـم .. عـن همّـي اليـوم تــدرون
منه انحرمت ومن عزاه .. احرموني

حتى بوفاته يـوم أنـا طحـت مطعـون
أخفيت طعناتـي .. قبـل لا يفضحونـي

بكـيـت لـكـن .. ماتظـاهـرت بالـهـون
أبكي وأقول : الموت هو سبة طعوني

و إن كان في حبّـي أنـا ..ماتحسّـون ..؟!
دلوني لقبـره .. وهنـاك .. اتركونـي ..!

( منقول )

المزيد من آخر المواضيع من نفس القسم:

**سهارى1** · 2009-11-19, 14:53

آآآآآآآآآآآآآآآآآآآآآآآآآآآآآآآآآآآآه عورتي قلبي ما في كلام ينقال الله إيعين

**أمي جنتي** · 2009-11-20, 14:40

دمعت عيني

الله يحفظ لي الغالي

**×سمحاويه×** · 2009-11-21, 00:10

ححرام عليكن
ما في شي غير الكفن والموت
ترا الحياه حلوه

**وردة وبس** · 2009-11-23, 02:29

ماشاء الله عليج روعة روعة بالتوفيق

**وشآءت الآقدار** · 2009-11-25, 04:45

؟؟؟

**سامحني خنتك** · 2009-11-30, 02:25

وربي الكلمااات روعة

وااااااااااااايد مؤثره وربي

الله يعييين ال كتبها والله

**شيخه الابد** · 2009-12-02, 12:15

الشعر موهبه من عند الله
ياللي كتبها لانه مر في موقف صعب بصراحه كلمات والله ماثره
بكاتني والله ذكرتني باختي المرحومه رحمه الله عليها .

**ساره الحبوبه** · 2009-12-06, 09:25

مرات هالكلام ينقال لناس عايشين بها الدنيا
تركونا ولانعرف وين دارهم

**دمعة الفراق** · 2009-12-06, 09:59

تسلمين عزيزتي ميميتو على الطرح الرائع ولا تحرمني جديد مشاركاتك .. تقبلي مني أجمل وأعذب تحيه ..

**ريم الفلا4** · 2009-12-06, 11:49

مشكورة اختي علي الموضوع حلو جميل روعة نايسسسسسسسسسسسسسسسسسسسسسسسسس

الموضوع: راح حبيبي قلب

أدوات الموضوع

عرض

راح حبيبي قلب

المزيد من آخر المواضيع من نفس القسم:

المواضيع المتشابهه

الووووو.... حبيبي رقدت .... حبيبي حبيبي

حبك حبيبي

لك حبيبي

حبيبي ... قل لي..