العصيده النجديه معشوقة الملايين بس من غير صور

[زنبقه]

هذي ياخواتي الفاضلات العصيده النجديه
وانا سميتها النجديه لان كل منطقه عندنا لهم عصيدتهم ولهم طريقتهم في صنعها وهذي بعد على طريقتي الخاااااااااااااااصه يعني مابي وحده تقول لاء عندنا مايحون كذا والا لازم تحطون كذا تعرفون كل وحده ولها طبها

زين الان نبدأفالمقادير:1 (69): :1 (8):
اولا كيلو لحمه مع العظم مقطعه قطع متوسطه
بصل احمر مقطع صغير +سن ثوم وسط
ونحمس البصل والثوم لحد مايتحمروووووووووون زين ونحط اللحم ونحركه شوي ونغطي القدر لحد مايعرق اللحم وتطلع عصارته وتنشف ويتحمر شوي تكون حبتين الطماطم مقطعه صغير او مطحونه ونحطها عاللحم ونوطي النار لحد يصير بشكل صلصه عاد نقوم نزيده كاستين ماء ونخليه يطبخ لحد ماتستوي اللحمه وطبعا بيكون الماء نقص فلا تزيدينه وتحطين عليه البهارات التاليه( نص ملعقه كبيره كمون+اقل من ربع اللعقه فلفل اسود+ونفس الشي حبه سوده وفرفه ورشة قرنفل وكلها مطحونه طبعا)+حبة لومي اسود مخروقه وقرنين فلفل اخضر(اموت عليه):1 (23): وملح ناعم ملعقه كبيره وتخلينه يطبخ شويه وبعدها تاخذين نص كاسة مويه وتحطين عليها ملعقتين طحين وتذوبينها عدل وتصبينها على قدر المرق علشان يعطيه سماكه وليس (سمكه) (اقري عدل):1 (39):

الحين خلصنا من القدر الاول (المرق)
فالقدر الثاني(العصيده)
نحط 6 كاسات ماء تفوح عالنار +مكعبتين ماجي+ملعقة بهار مشكل+نص ملعقة اجينوموتو+نص ملعقه كموووون (مجنونة كمون):1 (19): +نص كاس زيت +ملعقة ملح ناعم
اذا ذاب الماجي ناخذ شويه من المرق ونحطه على جنب لوقت الحاجه و نكون مجهزين 3كاسات طحين (بر)(طحين الهريس) في باديه ونكبها دفعه وحده عالقدر بعد مانوطي النار ويكون (المسواط)(ملعقة تحريك العصيد وغيره) جاهر ونبدأ في تحريك العصيده بسرعه وبقوه كي لاتتكتل:1 (22): واذا حسينا انها محتاجه مويه نحط عليها من اللي اخذناه قبل على جنب ونحركها بقوه لحد ماتبداء في التكور ثم نتركها ترتاح ونرتاح قليلا(مكر:1 (43): مفر) ولا نغطيها وانما نجعل الغطاء(موارب) ثم نعود للهجوم بعد خمس دقائق نضيف عليها قليل من الماء المعزول واذا خلص نزيدها شوية مويه عاديه ساخنه مابيضر اهم شيئ انه نحطه من اسفل كي لاتحترق وبعد هذا الهجوم المباغت الذي استعملنا فيه المسواط كسلاح لترويض العصيده وتليينها نعاود فترة الراحه الثانيه ومتى ماصبحت العصيده طريه وناعمه ومستويه (زي عجينة الفطاير)نكون حققنا الانتصار وتم الترويض:1 (83):

ونأتي على مرحلة التقديم
ناخذ صحن التقديم عميق بعض الشيئ وندهنه بالسمنه ثم نضع العصيدة فيه ونبدا في تدليكها وذلك بطيها بيدينا المبلوله بالماء (مضاد للحراره ومانع للاتصاق(بندول ههههه)) فنطويها طيتين ونثنيها للداخل حتى يصبح شكلها كالكره الملساء ونضعها في قلب الصحن ويكون هناك مسافه بسيطه عن حوافه ونأخذ ملعقتين من العسل في بادة جلي زجاجيه صغيره +ملعقة سمن بلدي ونضعها في اعلى العصيده (فيصير شكلها زي التاير) ونصب حواليها المرق ونقدمها
نأتي لطقوس الاكل نأخذ قطعه من العصيده بالاصابع ونغمسها فالسمن والعسل وبالعافيه او نغمسها فالمرق وناكل اللحم وبالعافيه او نغمسها فبوادي اللبن وبالعافيه(مسويه حميه:1 (36): )
بالعافيه
بالعافيه
تعبتوني والله كني جالسه اضربها بالمسواط
هاي الاكله نفضل ان تأكلها النفاس:1 (2): بعد اضافة الحلبه وبعض الاعشاب للمرق ويحبها الاطفال :1 (19): كثيييييييرا ولا يملونها مع العسل والسمن يحبها كبار السن لانها طريه(ولافيهم اسنان):1 (19): يحبها الرجال لان البر واللحم منشطات:1 (58):
يعني تنفع لكل الحالات
عاد تكفون اللي تطبخها تقولي شرايها فيها ترا تعبت وانا اكتب:1 (49):

المزيد من آخر المواضيع من نفس القسم:

• طريقة عمل الدجاج المشوي اللذيذ
• طريقة عمل اللحم بالبطاطا الحلوة الشهي
• طريقة عمل كباب باللحم المفروم الشهي
• طريقة عمل لحم مشوي في المنزل
• طريقة عمل عدس باللحم والخضار السهل
• طريقة عمل سمك مشوي بالفرن اللذيذ
• طريقة عمل فاصوليا باللحم السهله
• طريقة عمل الكفته بالفرن اللذيذه حصري
• طريقة عمل طاجن الدجاج الشهي حصري
• طريقة عمل برياني اللحم السهل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[طي السنيين]

تسلميييييييييييييييييييييييين

[samr]

يسلمو خيتو على الطبق

لو في صورة كانت شجعتنا اكثر لووووووووووووول

تسلم يدك يا الغاليه

[زنبقه]

يسلمو خيتو على الطبق

لو في صورة كانت شجعتنا اكثر لووووووووووووول

تسلم يدك يا الغاليه

2لووووول
مافيه صوره
وعيزانه اسويها لاني متبعه نظام حميه>>>>>>>لووووول من جد كسل:1 (83):
باجر ان شالله اوبعده مادري :22 (8):
اذا صورتها بنزل الموضوع مره ثاينه وباتريا ردودكم:22 (25):

[زنبقه]

جربوها مابتخسرون شي والصغاريه يحبونها واااااااااايد

بس شكلكم اعيز مني لوووووووووول

[ريم الوضح]

ياالله حيها جعل تحج يمناج على الوصفه بس لو تطرشينا العصيده يكون افضل ههههههه
العصيده النجديه حلوه مره
انا ذيقتنها عند ربيعاتى اللى فى الرياض
تحاتى لج واهل الرياض والله لكم وحشه

[dream-land]

يسلمو
الطبخ فن ونفس

[الحب الاول]

العصيده فالامارات غير عن اللي فالسعوديه ,,نحن عندنا حلو وهناك طبق رئيسي

مره كنا رايحين نشتري ذهب ,,وصاحب المحل سعودي..وخبل فينا ماطاع يرخص وجي وجان يقوله خالي انت شو متغدي هههه وجان يقول عصيده نحن استغربنا شو عصيده وغدا هههه

[ام مـحـمـد]

تسلمين أختي

[ام الولاد]

مشكووووووووووووورة

[شهد غابش]

يعطيج الف عافيه الغاليه