اريد اضعف ساعدوني...

[همسة حب2009]

السلام عليكم

بنات انا وايد مقهورة ومضايقه من وزني الزايد
اريد اضعف بس مب عارفه شو الحل
انا جسمي من النوع الي يمتن بسرعه

انا خاطري اوصل 58 والله خاطري بس مب عارفه كيف
انا الحين وزني 65
بنات بليييييييييز شجعوني ودي اضعف بس مب عارفه شو النظام الي لازم اتبعه
الي عندها افكار ما تبخل علينا...

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مهاجره بأحساس]

حبوبه امشى كل يوم ساعه

وخففى اكل

وعليج بتمارين البطن^^

انا سويت ها كله وحصلت نتيجه والحمدالله

[ام المزيون]

هلا اختي

ماشاءالله مايبيلج وايد يعني تقدرين على هالكيلوات ..

خففي اكل الكل يسوي الحين جذيه افضل من اتباع ريجيم معين ..

وخصصيلج وقت للرياضه .. اي نوع رياضهـ ..

ومع الوقت بتشوفين النتيجهـ ..


ابدي انتي واحنا بنشجعج ان شاءالله .. لاتحاتين ..

موفقهـ يارب ..
الله يسهل عليج ويعينج ويوصلج للوزن اللي تبينه وانتي بصحه وعافيهـ .. يارب ..

[همسة الغلا]

للرفع....

[ضي 99]

وانا وراج خاطري اضعف

[الغلاة]

هي والله انا بعد خاطري اوصل في الخمسينيات
وزني احين 75 و طولي 156 يعني دبة
يوم عرسي كنت 62 كنت وااااااااااايد زينة

[وصايف العين]

مثل ماقالن البنات

وزنج مايباله وايد وتقدرين عليه بسرعه مب شراتي خخخخخخ

خففي الاكل واهم شي الرياضه

واذا تبين نظام معين دشي يوميات البنات واستفيدي منهن

والله يوفقج يارب

[الشمعة المضيئة]

السلام عليكم

بنات انا وايد مقهورة ومضايقه من وزني الزايد
اريد اضعف بس مب عارفه شو الحل
انا جسمي من النوع الي يمتن بسرعه

انا خاطري اوصل 58 والله خاطري بس مب عارفه كيف
انا الحين وزني 65
بنات بليييييييييز شجعوني ودي اضعف بس مب عارفه شو النظام الي لازم اتبعه
الي عندها افكار ما تبخل علينا...

وأنا معاج بعد عالخط
ابا أنزل وزني 5 كيلو عشاني قصيرة... وكل ما زدت كيلو صرت جني زايدة 10 كيلوات...
القصر مشكلة والله

وغير جذيه الحين اشتغل وكل يالسين.. ما شي حركة... مع انه اكلي مب وايد... والحلاوة ما آكلها
لكن صدق الجلوس لوقت طويل يسبب السمنة حتى لو ما كليتي شئ
الله يستر بس...

المهم يالله انا وانتي بنبدى وانشل عمارنا... وبنسوي رجيم على مشي بسيط أو رياضة خفيفة
واذا فيه بنات يعرفون مركز ابيلا اللي بالعين... تخبرني عنه
واطرش رقمهم لي ...

والله يوفق الجميع

[همسة حب2009]

مشكورين ع الردود الحلوه
بس بعد ابا تشجيع وحماس

[.:شذى الورد:.]

حبوبهـ وزنج مب ذآكـ آلزود
وهذآ آرووحهـ آلمفروض يشجعج
لأن غيرج مآ شآلله وين كآن وويـن صـآر
وقدر ..
مآ بآلج انتــي .. !!
اهم تخفيف + ريآضة + شرب مـآي عدل

موفقة ان شآلله

[KFK-GRL]

انا ويا اختي شذى الورد
جوفي تجارب وايد عضوات ويانا كاااااااانو وين وصارو وين
ما شاء الله عليهم شدي حيلج
وخلي ارادتج قويه
وان شاء الله مع التخفيف والرياضه
راح توصلين للهدف

[لفلي جيرل]

اهم نصيحة راح اقدمها لج
وهي لو اتبعتيها ان شاء الله راح تضعفين

(اسعى ياعبدي اعينك) انتي خففي اكل وسوي رياضة
وبنفس الوقت ادعي الله انه يقوي عزيمتج

والله يوفقج وتضعفين بصحة وعااافية
آمين يارب العالمين

[همسة الغلا]

للرفع
للرفع

[حنين البدر]

انا بعد أبي أضعف .. قسما بالله مقهورة من جسمي ... انا وزني شرات وزنج... وأبي أوصل 56 .... من اليوم بادية ... ما قمت آكل عيش ... وأحاول أسوي تمارين لو عشر دقايق ... خاطري التزم ... أبا تشجييييييع ...

[شيطونة]

انا بعد خاطري أضعف
حلمي انقص 15 كيلو .... اذا قدرت أنزل 12 بيكون ممتاز
والهدف الاول هو اني انزل 8 كيلو

حاليا اخفف الاكل واسوي رياضة