~ معايير النقد والتقييم للصور ( نقاش جاد ) ~

[ام حمني و طمطم]

السلامـ عليكمـ ورحمة الله وبركاته

صراحه من فتره وانا أفكر بموضوع

" معايــير تقييم الصور الفوتوغرافيه "

يعني أحيان نشوف صور حلوه والردو عليها قليله وصوره جميله بمعني الكلمه ولا تتعدر الردود في الموضع اكثر من 8 ردود

يعني أكيد في معيار معين ومقياس تقاس به جودة الصور

ويمكن ما أتضحت لنا بشكل كامل من خلال الناقدين للصور

ودائما أقرا انه مافيه صوره فوتوغرافيه كامله ..

أو مثل مايقولون Perfect Photograph

ولو نسأل أي أحد: ماهي الصوره المثاليه بنظرك ؟

راح تكون الاجوبه مختلفه تبعا لإختلاف وجهات النظر وإختلاف الأذواق

لكن في نظري ونظر الأغلبيه .. من مقومات الصوره الكامله انها تكون ممتعه للنظر بالدرجه الأولى

لأنه مش شرط أن كل صوره حلوه تكون ممتعه للنظر وجذابه ..

طيب بالنسبه للمعايير ..

عندي إقتراح بسيط ..

ليش مايكون للنقد نقاط معينه يتبعها الناقد في كل صوره حتى يكون المصور على بينه ويعرف عيوبه

ومحاسنه في نفس الوقت

لأن من الظلم أن نخرج محاسن الصوره كلها دون مساوئها والعكس صحيح

مثلا.. في كل موضوع نتبع الآتي :

1- التكوين : إبداء الرأي بفكرة المصور ككل .. هل الفكره واضحه أم لا .. وهل العناصر مترابطه ام فيها تشتت

2- الإضاءه : الاضاءه موجهه صح .. التعريض زايد ولالا ..

3- الزاويه : هل الزاويه صحيحه ولم تخل بالصوره أم العكس .. ويمكن يدخل في هذا بعض القاعدات مثل " الإثلاث"

4- المعالجه : هل الصوره _ أو جزء منها _ تحتاج لمعالجه كالتنعيم او الإشباع وغيره .. أو ممكن تكون معاجلة المصور زايده عن حدها

ملاحظه : ماذكر أعلاه مجرد أمثله من عندي ومو ثابته .. يعني أكيد فيه اضافات ونقاط كثيره

ترى كل هذي فلسفه من راسي وممكن انكم تزيدون عليها وكل واحد يقول رايه

بس ياليت كل مواضيعنا الجايه تطبق عليها طريقه مثل هذي.. أحس انها أفضل للمصور والناقد

والسموحه

المزيد من آخر المواضيع من نفس القسم:

• تنسيق الالوان في التصوير الفوتوغرافي
• التكوين في التصوير الفوتوغرافي و تشكيل الكادر
• اهم نصائح للتصوير الليلي الاحترافي
• اساسيات تكوين التصوير الفوتوغرافي وترتيب...
• انواع الاضاءة في التصوير الفوتوغرافي
• دور الضوء في التصوير الفوتوغرافي
• معدات الاضاءة في التصوير الفوتوغرافي
• التعريض الضوئي في التصوير الفوتوغرافي
• تطويق الحركة في الصورة في التصوير الفوتوغرافي
• فن التصوير الفوتوغرافي البطئ

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[التــووح]

عيييييين العقل
والله فكرج واااايد حلوه.. ومفيده.. وتعطي الصوره التقييم العادل لها
وبعد تعوّد العين على التركيز على هذي الاساسيات للصوره اثنا التصوير
وباتباع هالانقاط بالطريقه الصح .. تظهر لنا نتايج زينه وصوره صحيحه من كل الجوانب

يعطيج العافيه يا ام الغاليين على هالجهد.. وفي انتظار ردود باقي العضوات ورايهم بالفكره .

[ام حمني و طمطم]

اشكرك على مرورك و تعليقك على كل مواضيعي

[(( عيون ))]

الله يعطيج العافية ع ما تفضلتي فيه

ف ميزان حسناتج ان شاء الله

الرب عليج حافظ

[إستبرق]

عشرة على عشرة ياأم الغالين ..