الحمل والسواقه

**الحياة مدرسة** · 2009-11-15, 14:14

اخواتي اناتوني حامل واسوق فهل يضر استمر يوميالمدة ساعتين

المزيد من آخر المواضيع من نفس القسم:

**عطر الكلمات** · 2009-11-15, 14:23

ألف مبروك و ربي يتمم لج على خير
انا في حملي الأول سقت لين التاسع والحمدالله عدى على خير
وفي حملي هذا بعد اسوق..اروح الدوام تقريبا المشوار ساعة..واروح السوق..وعادي يعني ما خففت
من مشاويري بالسيارة و الحمدالله ما صار شيء
بس تحسين بشوية تعب..ممكن تخلين لج مخده صغيرة عشان ظهرج

**نجمة اليم** · 2009-11-15, 14:28

أنا بعد أختي في الشهر الثاني للحمل الله يتتمه علي وعليج إنشالله .. وإحاتي بعد السواقه في هذي الأيام .. بس أحاول إني ما اسرع أو اتوتر وأخفف يوم في مطبه وقرقره أتمممممم ماشيه على راحتي وإلا مب عايبنه مايدور ورايييييي
خخخخخخخخخ ..

**اسعد تعيسه** · 2009-11-15, 14:32

علي حسب كل حرمه

انا لين طلعتلي كرشه تقريبا الحين بسادس وقفت مااسوق..لاني اتعب الصراحه

**Dubai designer** · 2009-11-15, 14:46

أولا
مبروك ألف مبروك على الحمل أختي وإن شاء الله تقومين لنا بالسلامة انتي والبيبي على خير بعد 9 شهور إن شاء الله

ثانيا
السواقة حذرتني منها الدكتورة في بداية حملي علشان جذي خذت إجازة اسبوعين تقريبا .. وآخر 3 شهور بعد احذري من السواقة ..

**شجون الغرام** · 2009-11-15, 14:46

مبروووووووووك
والله يتمم لج على خير

**x.maitha.x** · 2009-11-15, 15:14

عادي انا اسوق واظرب خطوط بعد خخخ
الله يحفظني يارب

**حرم زوجي** · 2009-11-15, 23:26

مبرووك فديتج والله يتمم عليج بخير..
الله يثبتلج حملج حبيبتي ويسهل عليج..
اناا يوم كنت حامل حذرووني من السوااقه لانها واايد خطيره وتميت 6شهور ماا اسووق..بس بعد ماربيت رجعت اسووق..
انتي مب مجبوره اتسوقين فديتج..اهم شي اللي فبطنج..اهتمي فعمرج وريحي..وشوفيلج حد يوديج وييبج بس لاتجازفين بعمرج..

**بثـينه** · 2009-11-15, 23:55

الغاليه تفرق من وحده لوحده في ناس ظهورهم ما تتحمل ... خاصه الخطوط الطويله يعني قعده ساعه هاي وااايد متعبه للحامل خاصه في الشهور الثلاث الاولى والشهور الاخيره ... انا والله أعلم يقولون اني سقطت في بدايه الشهر الثالث كنت سايره خط ساعه ونص وانا تعبت في الطريج صج ومن الاحتمالات اللي ورى الاجهاض الطريج مع انه ريلي اللي كان يسوق انا بس قاعده يعني ... بس في ناس ظهرهم يتعب من القعده الطويله فما بالج بالحركه و الضغط و التركيز وبلاي والشارع ... اذا تحسين عمرج تتعبين اخذيلج اجازه واذا لا ما عليج شر ان شاء الله وتوكلي على الله وربي يحفظج .. في وايدات يسوقن من اول ما يحملن لين ما يربن والحمدالله ما يصيبهن شر .. يعني يفرق انتي شوفي عمرج لو تعبتي من السواقه اقطعيها في الشهور الاولى على الاقل وخلي حد يوصلج لمشاويرج ...

و ربي يتمم لج على خير ان شاء الله ...

**دنياكـ** · 2009-11-16, 00:02

انا لين الحين اسووووق

احس عااادي

**شوق _ زايد** · 2009-11-16, 00:03

للرفع

**ري Dubai ـم** · 2009-11-16, 00:04

انا في الثامن وبديت اتعب من السواقه فأظن لابد اني احط مخده لظهري عشان ارتاح

**Romanove** · 2009-11-16, 00:07

السلام عليكم ورحمة الله وبركاته

أنا كنت أسوق لين الشهر السادس

وعقبها وقفت

والحمدلله ربيت بالسلامة والبيبي بخير

**الحياة مدرسة** · 2009-11-18, 08:07

مشكورات حبيباتي على الردود والله يجزي كل وحدة دخلت وان شاء بسوي باللي قلتو
فديتكم اسمحولي ما رديت لانه الوحامه متعبتني

**fashions** · 2009-11-18, 08:19

اذا كل شي سلييييييييم ووضع البيبي تمام .. عادي السواقه ..اذا بتحسي بتعب وقفي
ويختلف من وحده لوحده .. احنا ماعندنا سواقه وبس يصير عندنا علطول اخذ الليسن

الموضوع: الحمل والسواقه

أدوات الموضوع

عرض

الحمل والسواقه

المزيد من آخر المواضيع من نفس القسم:

المواضيع المتشابهه

سكر الحمل - علاج سكر الحمل - معدل سكر الحمل - معلومات سكر الحمل

العمليه القيصريه والسواقه

جداول حساب أسابيع الحمل وتحويلها للأشهر .. وتطور الحمل فيها

البتان والسواقه