هل جزاء الإحسان إلا الإحسان

[أمزان]

السلام عليكم ورحمة الله

حبيت أبوح بالقليل من مافي قلبي وأتمنى أجد أخوات يسمعوني

مشكلتي يا اخوات ممكن فيه ناس يشوفونها تافهه بس يعلم الله وشكثر انا تعبانه نفسيا

تزوجت وانا صغيره وكانت لي ظروف صعبه قدرها الله سبحانه وتعالى علي أسأل الله العلي

أن يعوضني خيرا في الدار الأخره

كانت لي احلام الصبايا إني اجد الإنسان اللي يعوضني بالحب والحنان اللي فقدته في صغري

ولكن انصدمت بالواقع المر فالإنسان اللي كان نصيبي عنده قاسي القلب عصبي مايحترم

المرأة ولا لها رأي عنده أو إحترام... له رغبات كثيره علي اني انفذها بدون نقاش

اسمع واطيع ... وغير مسموح لي بالتعبير حتى عن اقل شي .. عشت معاه ظروف قاسيه

ووقفت معاه وصبرت على جميع أموره.. وهذا طبعا واجب أي زوجه.. بس هو ماقدر أي

تضحيه.. ترقى وكمل تعليمه وانا اللي كنت أشيل عنه المسؤوليه .. لما وصل للمرحله هذي أول

هديه قدمها لي انه تزوج بالثانيه ... حمدت ربي على كل حال .. وفكرت بعيالي قبل أفكر بنفسي

وكان معاهدني انه بيعدل وبيعوضني عن كل أذى سببه لي .. صدقته واقنعت نفسي بإنه ممكن

يتغير.. باقي على موعد زواجه شهرين .. وهو بفترة ملجه الآن وقاعد يتهرب مني ومن عياله

ويتهاون في امور كثيره يبينا اغلب الوقت برى البيت وصار عادي عنده نرجع في وقت متأخر

برغم انه كان مورينا الويل في الأمور هذي.. هنيه عرفت انه جذااااااب

وخاين للعهد... ومن يومها وأنا الخوف ذابحني أنه يصير أسوأ من هالمشاكل.. وأنا تعبت

أبي ارتاح ... وكون إنه بيتزوج الثانيه مو مشكلتي هذا شرع الله والله مايظلم أحد بس هم

الرجال اللي كرهونا ... في التعدد.. كأنه هو بس اللي محتاج للسعاده والزوجه الأولى خلاص

تتوقف حياتها بمجرد زواجه .. وتنلغي حقوقها ..مع العلم إني أصغر من زوجته الثانيه..

وهي أكبر منه بعد... أسأل الله العلي العظيم أن يصبر قلبي ويجيرني في مصيبتي ويخلف لي

خيرا منها... دعواتكم لي انه يخف خوفي,,,

ولكم عظيم الود... وأجمل الورود أنثرها عبر أحرفي هذي لقلوبكم...:22 (26):

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Um-Rashid]

مالج الا الصبر حبيبتي وادعي ربج ان يهديه

[إمارات]

الله يصبرك إن شالله والله يهديه ويهدينا جميعا ...

[umm maryam]

الله يصبرج حبيبتي ..
وياجرج في مصيبتج ويخلف لج خيرا منها .. انه على كل شيء قدير ..
أميييين

[طي السنيين]

((وكان الله على كل شيء رقيبا ))


اطمئني ولا تقلقي ((إن الله لا يظلم مثقال ذرة ))

نصيحه أختي اشغلي نفسج بطاعة الله والقرب منه هو الرحمن الرحيم تقربي اليه بالسنن والنوافل والاستغفار والذكر وقراءة القراءن اذهبي الى المكتبه واشتري الأشرطه الاسلاميه تفقهي في دينج ولا تجعلي زوجك شغلك الشاغل مصيره بيحس وبيرجعلج بس الفتره هذه ابعدي عن ريلج لأنج ما بتستفيدين الا حرق الأعصاب فكري بنفسج وبصحتج وتهني انتي والأولاد وعليج بالدعاء والخضوع لمقلب القلوب

[مامة ووسي]

حسبي الله ونعم الوكيل

[فجر_دبي]

وعليج السلام والرحمة

الله يصبرج ان شاء الله...الغالية الزوج مب اهم شي بالدنيا .. في اشيا وايده اهم
تربيتج لعيالج وحياتج الاجتماعية...واهتمامج بنفسج...
...اولا عليج بالدعاء والاستغفار ولا تنسين ان الله ما يضيع حق انسان
سوي نيولوك غيري من طريقة لبسج وعطورج ..تعلمي الجاذية ولغة العيون
اهتمي بنفسج ولا تعورين راسج اذا مو مكملة دراسة كملي واذا عندج هواية نميها
سوي رياضة .. تعلمي اشيا جديدة في فن التعامل والايتيكيت طوري شخصيتج الغالية
لا تبينين له انج تخافين منه خليج قوية ولا تضعفين عيشي حياتج انتي بعدج صغيرة
صدقيني راح يرد لج ولهااااان وندمان...
اتمنى لج التوفيق ومن كل قلبي
دمت بحفظ الرحمن
اختج
فجر

[هطول]

لا حول ولا قوة الا بالله

[قماري]

مابعد الصبر الاالفرج
وادعي ربج

[فيولا]

الله يعينج اختي ويفرج همج .. عملتني الحياه ان جزاء الاحسان (في بعض الاحيان) الاسائه!!!

لكن الله يسامح ويهدي الجميع

[khimat_alemarat]

الله يصبرك إن شالله والله يهديه ويهدينا جميعا ...

[أم حنان]

الله يعينج على بلواج اختيه

[نوارت بوظبي]

قلبي معاج ياعمري صدق اللي اتقولينه صح ميه ف الميه الرياييل يوم ايلاقون الحرمه الثانيه يموتون وينسون الدنيا باللي فيها بس ماعليج هذي فتره وبتعدي باذن الله وبيردلج انتي لانج انتي اللي صبتي وضحيتي والله مايضيع حق احد وهذي نزوه بيريقها بيروح بعد فتره ومايتم اللا البريق الاصلي والله يصبرج وخلجح مثل ما انتي بطيبتج وحبج ولا تتغيرين لانه هو بييه يوم وبيندم كيف بدل الثرى بالثريه لان بييه يوم ويراجع نفسه ويراجع حساباته وكفتج اللي بترجح لان انسانه وقفت هالوقفه وضحت محد ينسالها هالموقف والله كريم ويصبرج ويهديه...واتمنى ماكون زوت عليج والسموحه منج

[لولو21]

اسال الله الكريم ان يعينك
ويعوضك بالجنان يارب