أبغي اسألكن؟؟

**نبض حبك** · 2009-11-13, 12:08

السلام عليكم حبوووبات

شخباركن؟؟

حبيت اسألكن؟؟

انا بعد باجر بدخل التاسع باذن الله

ريلي كله يسألني متى بتمشين متى بتسوين رياضه اقوله توه الناس
بعده وبعده...وهو يحاتي وايد ف امس حطيت موضوع اسأل فيه كروشات
المنتدى بعد تشجيع من ريلي و نصحوني كروشات المنتدى امشي نص ساعه او ساعه
وخبرت ريلي ...فـ بعد العشا مسكني من أيدي وخذاني لبرع المزرعه تمشينا ربع ساعه تقريبا
وحسيت بتعب وعوار فضيع ف بطني من اول خمس دقايق حسيت بعوار وسكت وما قلت شي
لين ما ردينا ...

بس ما ادري اذا هالشي طبيعي ولا..لا؟؟
كيف بقدر امشي وانا ما اقدر اتحمل واحس بعوار؟؟
ولازم يكون المشي سريع ؟؟ولا بطئ؟؟

والله يسهل على كل حامل

ويرزق كل محرومه باذن الله

المزيد من آخر المواضيع من نفس القسم:

**شجون الغرام** · 2009-11-13, 12:18

ان شألله يفيدوج ونستفيد
لأني بعدي ماعرف شي

**pinkyflowe** · 2009-11-13, 12:22

ان شاء الله البنات يفيدونج
والله يسهل عليج ان شاء الله

**أمـ عمران** · 2009-11-13, 12:27

الله يسهل عليج يااارب

**نبض حبك** · 2009-11-13, 12:39

ان شاء الله

ويسهل على كل حامل يارب

ويرزق كل محرومه باذن الله

يزاكن الله خير على دعواتكن

والله يعطيكن على قد نيتكن

**حرمه كيوت** · 2009-11-13, 13:20

لازم تمشين الغاليه لانه الحمل يسرع موعد الولاده ويسهلها باذن الله
حاولي تمشين فترات منقطعه اذا انتي تتعبين
ومب لازم يكون سريع اذا تحسين بثجل
ربي يسهل عليج

**bint_alzaabi** · 2009-11-13, 17:42

حبوبه المفروض المشي يكون من نهاية الشهر الخامس عشان اتنشطين البيبي وتنشطين الدورة الدمويه
يعني المشي الحين ما منه فايده الا اذا ياج الطلق لانه البيبي خلاص كبر وثابت في الحوض

**عنودة83** · 2009-11-14, 14:41

للرفع

**bntuae1** · 2009-11-14, 15:42

الله يسهل عليج يااارب

**رنج ابيض** · 2009-11-14, 15:55

انا عن نفسي كنت امشي من نص الثامن

طبعا اول مرة يكون شوي شوي ربع ساعه وكل يوم تزيدين شوي لين تتعودين

لان اول مرة وسريع بتتعبين وايد

وكنت من ادخل التاسع ابدا بالمشي السريع اللي احرك فيه ايدي وانا امشي

والحمدلله كل مرة كانت ولادتي سهله من الله وثم المشي كل يوم

**نبض حبك** · 2009-11-14, 16:02

المشكلة انه الدكتورة منعتني من المشي

لانه كن عندي مشاكل بالحمل

مرات نزل علي ماي..ومرات تقولي الياهل نازل لتحت
ولازم ترتاحين..مع اني احس انها ما تعرف شي ونصايحها غلط بغلط

بس شو اسوي..بس الحمدلله امس تمشيت فالحديقه ساعه تقريبا

بس ما حسيت بتعب نفس امس ..ولله الحمد

يسلموو ع الردوود

ويزاكن الله خير

**رنج ابيض** · 2009-11-14, 16:10

الحمدلله

الله يسهل عليج ان شالله الغاليه

**نبض حبك** · 2009-11-14, 18:20

آمين ..اجمعين حبووبة

ويزاج الله خير

**ام فصووولي** · 2009-11-14, 18:30

عادي حبيبتي ثقل الياهل هو اللي يحسسج بالتعب وخصوصا انه نازل خلاص وراسه داخل الحوض امشي مشي لابطئ ولا سريع عادي واذا انتي عندج مشاكل بالحمل وانصحتج الدكتور بعدم المشي لاتمشين حبوبه

**نبض حبك** · 2009-11-14, 18:35

مشكووورة حبووبة

يزاج الله خير

الموضوع: أبغي اسألكن؟؟

أدوات الموضوع

عرض

العرض المتطور

أبغي اسألكن؟؟

المزيد من آخر المواضيع من نفس القسم:

المواضيع المتشابهه

هلا خواااتي حبيت اسألكن

بليز خواتي تعالن ضروري أبغي اسألكن

بغيت اسألكن ....

خواتي بغيت اسألكن ؟؟؟؟

بغيت اسألكن شوى للمساعدة