زهبتي

**jro0o7** · 2009-11-11, 09:54

مرحبا صبايا شحاااااااااااالكن؟
اقولكم انا زهبتي بتكون تقريبا 50 حق الملابس والفستان مال العرس مع الميكب
ابا اعرف بتسدني البيزات ولا لا
وكيف اقسمهن

المزيد من آخر المواضيع من نفس القسم:

**jro0o7** · 2009-11-11, 10:01

نسييييت اقووووولكن ادعوووولي

**kookoo** · 2009-11-11, 10:08

بالتوفيق حبيبتي .. 50 وايد أشوي بالنسبة لأسعار السوق الحين .. بس يالله ما عليه فيج البركة إن شاء الله بقولج الغالية استأجري فستان وأشتري أطقم الذهب الخفيفة وساعة ماركة لا تشترين وايد ثياب وعبايا لأن هذا ممكن تشترينه يوم تعرسين ويا ريلج لكن الذهب صعب إنه يشتريلج إياها وخاصة إذا عليه ديون ..

**رحباويه** · 2009-11-11, 10:08

موفقه يارب

**صحن هريس** · 2009-11-11, 10:09

المشاركة الأصلية كتبت بواسطة kookoo

بالتوفيق حبيبتي .. 50 وايد أشوي بالنسبة لأسعار السوق الحين .. بس يالله ما عليه فيج البركة إن شاء الله بقولج الغالية استأجري فستان وأشتري أطقم الذهب الخفيفة وساعة ماركة لا تشترين وايد ثياب وعبايا لأن هذا ممكن تشترينه يوم تعرسين ويا ريلج لكن الذهب صعب إنه يشتريلج إياها وخاصة إذا عليه ديون ..

صح كلامج

**احتاجك..** · 2009-11-11, 10:10

حبيبتي لا تحاتين (اقلهن مهرا اكثرهن بركة) وان شالله الله بيباركلج فيهم وتشترين كل اللي ف خاطرج

**ورد جـوري** · 2009-11-11, 10:15

حبيبتي لا تكثرين ملابس وعبي و جنط وخرابيط
مثلا فصليلج عدد معين من المخاوير .. والجلالبي والبدل.. وما تدرين يمكن تمتنين عقب العرس
خذيلج ذهب.. احسن وبيتم

وبالنسبة للمكياج والشعر.. حطي لهم ميزانية معينة.. شوفي فالمنتدى وايد ماكييرات واسعارعن حلوة

بيكفونج بس اهم شي قسميَ البيزات لكل شي
والله يوفقج يارب..

**Malgoofa** · 2009-11-11, 10:34

بتكفي فديتج انا 80 مع القاعة والكوشو وكللل ششيييي روووحي سويييت

**عنوان الغلا** · 2009-11-11, 10:41

الله يتمم عليكم بالخير

نفس ما قالوا أخواتي اهم شي الذهب ...

والباقي مقدور عليه ولا تنسين بيوصلنج هدايا من أهلج و ربيعاااتج

**شمعة عمري** · 2009-11-11, 10:42

في عرس اخويه سوينا طريقه بصراحه وااااااااااايد ارتحنا منها

عزلنا كل شي بسعره ..

مثلا فلوس الملابس في ظرف وكتبنا عليه
والصالون في ظرف
والميكب في ظرف

رتبي امورج والله يوفقج ويسسسسعدج اختيه

**بدرالبدور** · 2009-11-11, 10:45

الله ايوفقج ..ويسعدج الغاليه ..

**Malgoofa** · 2009-11-11, 10:56

http://forum.uaewomen.net/showthread.php?t=283725

هاي وحدة حاطة جدول زهبتها انشالله تستفيدين

**um 6m6m** · 2009-11-11, 10:58

أول شي مبروووووك يا عرووووسه والله يتمم لج ع خير

ثاني شي انتي قلتي (زهبتي بتكون تقريبا 50 حق الملابس والفستان مال العرس مع الميكب)

اذا اجرتي فستان بتوفرين وااااااااااايد

الميكب ما بيكلفج فوق الـ 3000 مع تسريحه وفي بنات شاطرات في المنتدى ممكن يساعدنج

اما لو تقصديق ميكب لج انتي عقب العرس خذي الاشياء الرئيسيه مب لازم كل العده و ترى
عقب كل ما بيعجبج شي بتشترين

اما للملابس فقسمي كل شي في صوب

مخاوير: سمعت الي في عجمان والعين حلوات ورخاص

قمصان نوم: لا تكثرين واايد لان كل فتره بتشترين يداد وبتبدلين

بدل: خذي تنانير الوان اساسيه و كم قميص

فساتين: 2 او 3 بالكثيـــــــر

عبي وشيل: 4 او 5 اطقم

و تراج عقب العرس بتشترين و يمكن الله يوفقج وتحملين وبيتغير قياسج

والله يوفق الجميع

**دلوعة1** · 2009-11-11, 11:23

**ميـ أم ـودي** · 2009-11-11, 11:37

مبروووك الغالية
والله يتمم لج على خير إن شاء الله

أنا اللي فهمته 50 حق الملابس والفستان والمكب يعني بدون الذهب فأكييييد يكفونج حبيبتي،، أهم شي لا تكثرين ملابس عشان ما تعرفين شو يصير عقب العرس يعني خذي اللي يكفيج حق شهر وعقب بتسافرين وإلا بتطلعين ويا ريلج بتاخذين لج شي أكيد يمكن اللي تكثرين منه قمصان نوم،، وفي وحدة من التاجرات كانت عارضة 40 قميص نوم مختلف بـ 2000 وااايد حلو سعرها ممكن تستفيدين من بعض التاجرات هنيه..
أنا للأسف كثرت في المخاوير والعبي وحملت بسرعة -الحمدلله على كل شي- بس عقيت ملابس وايد عالفاضي وحتى الميكب حق عقب لا تاخذين واايد خذي الأساسيات والعلب اللي يكون فيها أكثر من لون حق الأرواج والآي شدو..
ومثل ما قالوا الخوات قسمي الفلوس أحسن عشان ما تتوهقين عقب...
وإذا عليج الذهب الله يعينج الذهب ظو الحين خذي الأشياء اللي تحبينها خواتم أساور والأشياء البسيطة اللي تلبسينها دووم وعشان يوم العرس تقدرين تاخذين من حد وجيه .. دبري نفسج الغالية ولا تتكلفين ولا تكلفين على ريلج والله المظاهر ما بتنفعج ولا الناس بيسألون عنج عقب..
والله يوفجج إن شاء الله ...

الموضوع: زهبتي

أدوات الموضوع

عرض

زهبتي

المزيد من آخر المواضيع من نفس القسم:

المواضيع المتشابهه

زهبتي؟

زهبتي