قصه ولاده ولدي ... ربي يحفظه

**عائشة الكندي** · 2009-11-10, 13:13

السلام عليكم ورحمه الله وبركآته

شخباركم بنآت ..

باركولي ربيت بتاريخ 29 - 10 - 2009 والمفروض اربي 25 لكن تعديت الموعد ..

فالبدايه من دشيت التاسع وانا مريضه وتعابنه زجام وحكه .. وغير نفسيتي اللي كانت تعبانه وايد عشان ريلي بيكون محجوز وكان خاطري ريلي يكون وياي .. نتمشى وكل شي .. لكن قدر الله وما شاء فعل ..

دشيت التاسع وانا امشي فاليوم ساعه واو نص ساعه .. ومول ما احس بالم ابدا .. الكل يقولي شربي زعتر وخروع .....الخ .. لكن للاسف كل شي ما فاد وياي ..

كل ما اسير المستشفى الدكتوره تقولي الماي حول البيبي قليل .. ولازم تسوين طلق صناعي لكن انا كل مره ارفض وبشده بعد ..

كلمت اختي .. قالت سوي طلق بس انا فخاطري اربي شرات الناس .. يحسون بويع وابي امر بكل مراحل الربى .. بس رب العالمين مب رايد هالشي ..

عديت موعد الولاده وكملت عليهن اربعه ايام زياده .. هالاربعه ايام كانن كلهن صيآح لان ريلي مب موجود وهذا بكري .. احس غيييييير وربي ..احس اللي اباهم يوقوفون وياي الله مب رايد يكونون وياي وغير اني اراجع في مستفى بعيد عن بيت اهلي واهلي ما عندهم سياره .. وفنضطر انوقف كل يوم تكسي وانتوا تعرفون يوم نبغي التكاسي ما نحصلهن الا بالزور .. تعبت نفسيا من هالظروف اللي انا فينآ .. كله اصيييييييييييح وما ابي اكلم حد .. واذا كلمت حد بيلس اصرخ عليه ..

يا اليوم وراجعت فيه الدكتوره اخر مره .. قالت لي لازم تسوين طلق صناعي ضروري الماي واااايد قليل والبيبي بيتعب جذيه .. وطلبت مني اسوي تخطيط .. فالتخطيط تظهر الام مره قويه ومره بسيطه .. والدكتوره تقولي معقوله ما تحسين قلت لها لا .. عقب خشت ايدهآ وهذا اصعب الم حسيته بصراحه هههههههه وصدمتني بانه ولا سانتي فاتح ...

عقب تمت تحن على راسي يا فلانه البيبي فخطر .. واختي من صوب ثاني .. سوي طلق وافتكي .. بس انا متردده وخايفه ويلست ادق على ريلي عشان اخذ رايه لكن للاسف حرقت تلفونه وما رد عليه وفالاخير توكلت على الله وقررت بروحي اني اسوي طلق صناعي .. ووقعت

عقب ودني فوق وكان الوقت ساعتها الظهر .. كنت وايد يوعانه طلبت من الممرضه تييب لي الغدى وانصدمت انه الغدى كله سؤائل ههههههههه وعقب يات الممرضه وحطت لي تحميله فاحم فاحم وحطوا التخطيط .. بدت الام تزيد وتزيد وتزيد فالتخطيط وسبحآن الله انا مول ما احس بشي .. من الظهر لين اليوم اللي بعده وانا على هالحال عالشبريه وعبطني التخطيط بس مول ما احس بالم تعبت نفسيا وجسديا .. يوعانه .. وزعلانه .. كل اهلي كانوا صوبي بس وربي ما كنت ابغي غير ريلي لكن ريلي مب موجود معاي .. وهالشي اللي محطمني اكثر .. وعقب عالمغرب وصل ريلي يلست اصييييح وهو يمسح على ايدي ..

وصلت الدكتوره وحطت لي تحميله ثانيه وشيكت مره ثانيه وقالت فاتح واحد سانتي .. وقالت تحسين بالم قلت لهآ لا ...!!!!!!!

مر اليوم كامل بدون الم ولاشي .. واليوم اللي بعده يات الدكتوره وقالت لازم عمليه نبض البيبي يوقف .. واهنيه ريلي رفض بشده وقال لا مستحيل عمليه وتم رافض والدكتوره ترمسه وتقوله التاخير مب لصالحك ولا صالحها البيبي فخطر وقعدت ترويه تخطيط نبض البيبي وانه احيانا يوقف ..

وانا اترجااااااااااااااه يوافق لاني تعبت من هالحال ..

اخر شي اتصل فاخووووه وقعدت يصييييييح ويقول انا ما ابيها تسوي عمليه حرمتي بعدها صغيره عهالسوالف اخوه قاله توكل على الله الكل الحينه يربي بعمليه واذا تبيهم استعيل ووقع .. واخر شي وقع .. وانا اول ما شفته يصيح كملت صياح ويااااااااه هههههههه وامي بعد ما قصرت صاحت ويااانا .. يعني باختصار ما في حد يشجع .. عقب وافق ودخلوني على غرفه العمليات وفجاه نشيت وقالي الدكتور مبروك ياج صبي هههههههههههههههههه ... قلتله مشكور ههههههه ورديت ارقد

والحمد الله على كل حال .. احيانا تجري الرياح بما لا تشتهي السفن ..

وشفت ولدي بخير وعافيه والحمد الله على كل حآل ..
رب العالمين مب رايد لي احس بالام الولاده ورحمني منهآ ..

واليوم اللي بعده وحده كان فاتح عندهآ 8 سانتي وفاخر لحظه انجلب عنها البيبي وصاير بالعرض وسولها عمليه .. اول ما سمعت بسالفتها قلت الحمد الله على كل حآل ..

والله يسهل على كل حآمل ان شاء الله ..

بصراحه خدمه المستشفى من حيث اهتمام والرعايه وايد وايد ممتازه ..

الموضوع: قصه ولاده ولدي ... ربي يحفظه

أدوات الموضوع

عرض

مشاهدة المواضيع

قصه ولاده ولدي ... ربي يحفظه

المزيد من آخر المواضيع من نفس القسم:

المواضيع المتشابهه

ولدي الله يحفظه تعبني ف رقاده

ولدي الله يحفظه ويخليه

ولدي عمره 8 سنوات والله يحفظه آآآآآآآمين

طهور ولدي الله يحفظه..مصطفاوي ولا الحسيني ولا الجاعوني