امهات أبناء صعوبات التعلم ...حياكن ...

[سنا الفضه]

كما هو واضح من العنوان..فهو موضوع خاص..
حبيت فيه أن كل وحده عندها ولد يعاني من صعوبة التعلم ان تتدخل وتخبرنا عن تجربتها مع ولدها وكيف واجهت هالمشكله ..ووين ولدها يدرس ..ومنويساعده في الدراسه ..وكل ما يختص بهالموضوع ...
عني انا سالفتي طويله ووقتي الحين ضيق ..فياليت الاخوات يسردن اللي عندهن ...

المزيد من آخر المواضيع من نفس القسم:

• انواع صعوبات التعلم عند الاطفال
• معلومات عن متلازمة بارث
• تشخيص وعلاج التهاب الغضروف الضلعي
• اهم معلومات متلازمة بارث
• أهم ما ينبغي معرفته عن متلازمة الداون
• معلومات عن متلازمة كارني المعقدة
• اعراض متلازمة إهلر دانلوس
• خصائص واعراض متلازمة الإسكندرية
• اضطراب طيف التوحد وكيفية التعامل معه
• اسباب وعلاج متلازمة غريستمان

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[هند سلطان]

للرفع

[*** أم ميرة ***]

uuuup

[أم ود!د]

الله يعينكم ياارب

أنا بغيت أسأل كيف عرفتن انه ولدج او بنتج عندها صعوبة تعلم

على اي مقياس عرفتي

هل وديتيهم عند مختص واهو حدد لج وقال ها صعوبة تعلم

[بنت زايد 557]

السلام عليكم ..

هلا اختي انا اعندي ولد صعوبه التعلم...
هو درس في الحضانه كان عمره 3 سنوات وبعدين من الروضه الى الان في مدرسة المواكب الخاصة
ولدي صف اول ابتدائي.. هو ماشاءالله عليه في البيت حركي وايد .. بس في المدرسه يكون هادي والمشكله مب في الهدوء المشكله انه ما يشارك... كل ما ارمسه اقوله ماما شارك في الصف رمس الابله ..يقولي زين بشارك
والمشكله الثانية والاهم هو استيعابه بطئ واااااااااااااايد وينسى بسرعة ... احس هو مب فاهم شئ .. على فكرة هو عمره 6 سنوات يعني سنه زين للمرحله اللي هو فيها .. يعني يوم ايلس اراجعله احس ان هو مب فاهم شئ ومايعرف بعض الحروف .. مايعرف يقرا.. انا اشوف اللي وياه ماشاءالله يقرون بس هو نص الحروف مايعرفها بالانجليزي او بالعربي.
هو في الاناشيد والقران ماشاءالله عليه يحفظ بسرعة
وكل اسبوع يكون عنده املاء عربي وانجليزي .. العربي عندهم املاء حروف يعرف يكتبهم بس المشكله في الانجليزي يعطونهم فوق 6 كلمات وايلس اعلمه ويحفظ بس يوم يعطونهم الاملاء مايكتب شئ بس خرابيط ماعرف ليش.. ماعرف كيف اتعامل وياه.. قولولي كيف اتصرف وياه وابا ولدي يكون من الاولاد المتفوقين
بس هو يوم كان في الحضانه ماشاءالله عليه كان يعرف الحروف بالعربي والانجليزي واتعلم بعض الايات واتعلم الصلاه والحين من دخل الروضه احس استيعابه قل وايد,,
قولولي كيف اتصرف وياه,,,

[Um Hazza33]

انا بعد عندي ولد نفس الشي استيعابه بطئ وايد وبسرعه ينسى واحس انه مايفهم شي خوانه ماشالله عليهم كلهم شطار الا هو مادري شو المشكله ومن يسمع سالفة المدرسه شكله يتغير ويقول مايحبها ،،،،،، ويوم ادرسه احيانا ادق عليه مايبي يدرس ولا يكتب بس خلاص عاد دقت عليه فأنا دايما احاول اني اخليه يدرس غصب عنه شسوي بعد ماشي حل ويا هالولد الا جيه وطبعا لو ييت اضربه أرحمه لأن الضرب مابييب فايده الحين هو بالصف الثاني وما يعرف الحروف ولا يخصه بالقرايه مادري والله شسوي وياه فاللي عندها حل ياريت تساعدنا فيه.......... يزاكم الله خير

[Om_ Sa3eed]

الله المستعاااااان

[قلب اليافعي]

مرحبا بنااات والله انا هذا الموضوع صارله فتره مارقني مع ولد اخوي عمره 7 الله يحفظه امه وابوه منفصلين وهو عندنا وابوه مع انه مدرس مايهتم ولايدري عن عياله ...المهم ولد اخوي دخلنا صف اول بدري وماستوعب شي خليناهم يعيدونه السنه وابوه يابله مدرسين يحفظونه الحروف ووايد استفاد بس كان يطفر المدرسين وويشرد ..هو ةةايد مدلع من جده وكل طلباته اوامر كان يغيب وايد ومحد يروم يقوله شي
في الصف الاول للمره الثانيه كانت المدرسه تعبانه بس كان يعرف ويحب العربي ويعرف الحروف والمد و التحليل..يوم يت الاجازه الصيفيه الطويله الولد نسى كل شي حتى اسمه احين هو صف ثاني مايعرف يتهجى ولا يقرا و خطه خط ةاحد في الحضانه...قلت ماعليه بشد عليه
الصدمه يوم رحت المدرسه في اجتماع الامهات كل المدرسات يشتكون منه وانه مايركز ويسوي حشره ومشاغب ويشرد من الحصص وكسرلهم ستاره ولايخاف من المدرسات ..مدرسة الانجليزي اسألها ليش ماتعطينهم واجبات تقولي من بداية السنه لين احين عطيتهم 20 ورقة عمل قلت لها ماشفت غير كمن وحده قالت لي هيه لانه مرات يقطع الاوراق ويفرهم في ويههي تخيلو مس الانجليزي اجنبيه وومايفهم عليها وتقول مووول مايركز ولايسمع واقول اكتب مايكتب شي
اعبت معاه رحت البيت هزئته ماقدر ينكر شي لانه كله صح صارله اسبوعين مصتلب في الصف ويحترم المدرسات واييب واجباته ويحلهم بدون مشاكل في البيت ولا ضرابه المشكله انه استيعابه بطئ واايد الا في الرياضيات اما في العربي والانجليزي ميح اشتريتله حروف وقصص من جرير وكل يوم ايلس معاه او ايلس معاه عالكمبيوتر ونحاول نتعلم حسيت انه بدا يتعلم اكثر يوم يكون فيه كمبيوتر لانه يمووت عالكمبيوتر مثل باقي اليهال
بس ابا حد يساعدني كيف اخليه يتعلم القرا\ءه والكتابه واحسن خطه ؟؟؟ اخاف يضيع علينا الولد وهذا امانه عندنا الله يحفظه

يمكن فيه مدرسات عندهم حلول او اخصائيات
الاولاد تركيزهم في اللعب واااايد
اخته عمره 4 سنوات كي جي تو خطها حلو وتستوعب وتحب ترسم وتكتب

[ام شهد11]

الله المستعاااااااااااااااان

[امبرطورة بوظبي]

انا ابني عمره 6 سنوات كان فيه الصرع والحين ما شاء الله تحسن واااايد ويدرس ف مركز زاايد للاحتياجات الخاصه .. والسبب انه الحكومي رفضوه لما كان ف مرحلت الروضه بسبت حالته لانه كان يعاني من الصرع الحين يدرس تنميه فكره ولا يقدر يحفظ لا قران ولا اناشيد ولا شي بس الباص وداني الباص رجعني الاستاذ عطاني حلاوا بس سااعدوني هل بيستفيد لو جبت له مدرس للعلم المركز سوو له تقييم عطو عقله سن 3 سنوات وهو حاليا ياخذ دواء لصرع 3 الدويه في اليوم 3 مرات

[امبرطورة بوظبي]

؟؟؟؟؟؟؟؟؟؟؟؟؟؟؟؟؟

[سنا الفضه]

اشكر الجميع عالمشاركة ...