يومياتي ..1

**اندوومي** · 2009-11-09, 20:44

السلام عليكم

شحالكم علكم بخير

الهدف الاول اني انزل 20 كيلوووو

وان شالله اذا نزلت 20

برد بسوي رجيم بعد 20 كيلو

الي ابا انزله كله 40 كيلو

واباكم تدخلون كل يوم وتشجعوني

مابقولكم كم وزني بس بقول كم بضعف

ويومياتي كل يوم بتقرونها

*انا لازم اشرب ماي لانه صايبني جفاف وخاصرتي تعورني وايد
* شعري مستوي خفيف وايد صلعتي تبين شو تنصحوني ؟
* انا مااحب الشكر ..احب الفلفل بس ماروم افارقه اهئ

وووووووووو تصبحون ع خير

اتريا ردودكم باجر

المزيد من آخر المواضيع من نفس القسم:

**lollypop.84** · 2009-11-09, 21:05

الله يوفقج يارب ويسهل عليج ان شاء الله
نتريا يومياتج^^

**ام المزيون** · 2009-11-09, 21:10

هلا اختي
بالتوفيج ان شاءالله ربي ينولج اللي في بالج ويسعدج ويوصلج للوزن اللي تبينه بصحه وعافيه ..
قولي امين

**أسماء2** · 2009-11-09, 21:34

عليج بالرياضة
والشاي الأخضر بدال الفلفل الأخضر

وقللي الملح قد ما تقدرين
وكثر من الخضرا لأنه يحلي الويه
ولا تفكرين بالأكل أبد

**عالية الغالية** · 2009-11-09, 22:05

اهم شي الارادة

وعقبها الرياضة

حاولي تشتركين في نادي حتى لو ما نزل الوزن بسرعة لكن الجسم يترتب لان الدهون تتوزع

**نوف السعوديه** · 2009-11-09, 23:00

الله يوفقج يارب

**مــــلاك شوق** · 2009-11-09, 23:11

عليييج خيتووو

بتخفيف والرياااضه

وكثري من شرب ماااااااااااي

موفجه خيتوووو

**اندوومي** · 2009-11-10, 09:17

فديتكم والله تسلمون ع التشجيع

احم الصبح

شربت حليب وكليت خيار ولبنه وخبز

شربت ماي بعد

بسوي رياضه الساعه 11 لين 12
واليوم اصلا عندي مباراه كرة سله

اليوم مابندرس

وانشا الله الله يسهل عليه

يعني اليوم ركض و مشي ونط تعرفون السله

**الـدمـانـي** · 2009-11-10, 10:10

صباح الخير على اندوومي الحلوه ^_^

والله الخوات ما قصرن وبرجع اكررد بعض النقاط

من اهمها :

1- قللي من الاملاح قد ما تقدرين .

2- كثري شرب الماي واااايد ..

3- كثري من السلطات والفواكه وقللي من الفلفل ..

4- واضبي على الرياضه ..

والبنسبه للشعر :

استخدمي زيت الخروع وايد زين ^_^

اخلطيه مع الزيت الي تستخدمينه لشعرج ..

وربي يوفقج وتوصلين للوزن المثالي وانتي بخير وصحه وعااااااااافيه ..

**شجون الغرام** · 2009-11-10, 12:48

الله يوفقج ويسعدج

**اندوومي** · 2009-11-10, 13:39

تسلمون حبوبات

الدماني انا مااحب احط زيت ف شعري احس انه مايفيد

..

من الساعه 10 لين 12 ونص انا ف الجم رقصنا ولعبنا سله يعني تعبت

بس ياليتني كليت وعقب لعبت

اتغديت صدر دياي وسلطه وشوربه

احسن اني شبعت وايد

اليوم بسير البيت برد امشي ساعه

وبشرب زعتر

ابا اضعف بسرعه بسرعه اهئ

**اندوومي** · 2009-11-10, 22:20

اممم

وينكم

انا رديت من الكيله الساعه م العصر الصارحه كنت متكسره جسمي يعورني وايد

سبحت ورقدت ونشيت 8

وشربت ماي وتعشيت نص همبرقر بدون مايونيز بدون شي اشربه

عقبه بربع ساعه شربت شاي زعتر

وبس

والله يسهل عليه الرجيم

ابا اتريق باجي تفاحه خضراا .. احب التفاح الاخضر

وبشرب حليل قليل الدسم انشالله

ادعولي باجر عليه امتحان

لاتنسوني الله يوفقجكم فداعة الله تصبحون ع خير

**نوف السعوديه** · 2009-11-11, 06:56

يووومج حلووو
الله يوفقج يارب استمري وان شاء الله توصلين الى الوزن اللي تبينه
موفقه خيتوووه

**الـدمـانـي** · 2009-11-11, 07:41

بالعافيه عليج اندومي حلو يومج ..

وربي يوفقج في امتحانج ان شاء الله ..

وان شاء الله توصلين للوزن المطلوب في اسرع وقت ^_^

**N!CE** · 2009-11-11, 07:47

حطيييلج دبه مااي حذالج .. و كل ما تجوفينها شربي قلاص
والله يوفقج ^_^

الموضوع: يومياتي ..1

أدوات الموضوع

عرض

العرض المتطور