أحسن المدراس في الشارجة...

[Um_TnToN]

صباح الخير و جمعة مباركة انشالله ...:22 (6):

عندي استفسار شو أحسن المدارس في الشارجة ولا عيمان و شو رايكم بالwest grean

و اللي ولدها في KG1 ولا KG2):

خبروني شو يعلمونهم عشان أأسس ولدي صح قبل ما يدخل المدرسة

و شو المشاكل إللي واجهتوها أول يوم دراسي و الله يعيني أنا ولدي وايد متعلق فيني "ولد أمه" أبا نصيحة و تجربة كل أم في أول يوم دراسي .... و مشكورة مقدماً

اللهم ارزقني العفو و العافية في الدنيا و الآخرة

المزيد من آخر المواضيع من نفس القسم:

• مادة تربية جنسية
• اعادة ثانوية العامة في الامارات
• اتمنى لجيمع الطلاب التوفيق في الامتحانات...
• معلمة فلسطينية
• بنات ساعدوني هل اقدر أعيد ثانوية العامة ؟
• اعادة ثانوية العامة في الامارات
• ادور على مدرسة
• أسويلكم بحوث تقارير وغيره
• ايش رأيكم في مدرسة الدوحة؟
• بحوثات وتقارير

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لوليانو]

إختي شوفي موضوع إخت " أم هديل " :

http://www.uaewomen.net/showthread.php?t=34491

[طيبة الكويتية]

اختي
عندج الشويفات و الابداع العلمي هذول اكثر ثنتين امدحوهم. و انا سجلت ولدي في الشويفات

[Um_TnToN]

مشكورة الاخت لوليانو على الوصلة
طيبة الكويتية ... مشكورة على الرد و ولدج كم عمره و في أي مرحله ...
عن الشويفات قالو لي مدرسة قوية في اللغة بس ما يهتمون في التربية
و الإبداع العلمي قالو لي يهتمون في الدين أكثر و الدراسة عاديه مب ذاك الزود .... ما أدري وايد محتاره و لدي شهر 9 بيكمل 3 و نص إنشالله ...

[طيبة الكويتية]

ولدي يا اختي شهر 9 يكون عمره ان شاء اربع سنوات و ثلاث شهور. ما كنت ادري انهم يقبلونه من السنه اللي طافت ولا جان دخلته.
بيروح ان شاءالله كي جي 1. المديره عندهم بالشويفات قالت لي دخليه كي جي 2 علطول علشان عمره كبير, بس لما شفت الكتب مالت كي جي 2 وايد بتصير صعبه عليه. للإنه عندهم كتاب للقراءه. يعني اللي يتخرج من كي جي 1 يعرف يقرا و يكتب.
توكلنا على الله و دخلناه كي جي 1 علشان ما يحس فرق بينه و بين باجي الطلبه بالمستوى. و يتعقد من المدرسه.

اما عن الدين وحده من الخوات اعيالها بالشويفات و تقول يعطونهم دين و يحفظونهم قرآن بعد. يعني الدين منهج الوزاره.
الله يوفق اعيالنا يارب و يصلحهم لنا يارب.