ياني نصيبي واهلي قطعوه علي..شو الحل؟؟!!

**والا شو رايكم** · 2009-11-07, 09:44

السلام عليكم ورحمه الله
شخباركم يا بنات
موضوعي انه تقدم لخطبتي واحد ما شالله علم ودين ودنيا الكل مدح فيه ما فيه حد ذمه محافظ على الصلاه ويدرس بالجامعه خريج هاي السنه طبعا انا صليت استخاره والحمد لله ارتحت له واااااااايد ومتاكده انه هو نصيبي وانه ما بحصل حد احسن عنه مافيه مافيه واتخيل حياتي شلون بتكون معاه يكفي انا احنا بنفس المستوى بالتفكير
المشكله انه امي رفضته وعلى كيفها من غير ما تشاورني
يعني اختي الي خبرتني وصليت الاستخاره بس انصدمت لما قلت للحجية لا تردي عليهم انا بعدي اتشاور اشوفها تخبلت علي والله يا بنات قامت تصارخ وتحلف وتدعي علي وتتهمني اني اعرفه وعلى علاقه وياه عشان جيه ابيه .. هذا انا بعدي ما قلت لها اني موافقه قلت بس بعدي افكر وحلفت على قص رقبتي ما بتاخذينه وكل هاه ليش لانه امه مصريه .. زين انا مرت خالتي مصريه ما تفشلنا من عيالها والله على العكس شكثر نحبهم ونرتاح لهم.. صايره كل يوم اصلي استخاره وكل يوم احلم احلام وايد وكل يوم احس اني اتمسك فيه اكثر بس هي المشكله والعقبه الحين الحجية .. وفوق هذا قمات تطلع علي كلام اني اعرفه واني على علاقه معاه..طيب بالعقل لنفرض اني احبه واعرفه ليش لما بيتقدم بصلي استخاره بدل المرة عشر ؟؟!!!!! لكن يوم قالوا العقل نعمه
ابوي انا ما عايش معانا ولا سائل عنا اصلا متزوج وعايش مع مرته وعياله
حاولت ادخله بالموضوع بس هم بعد ما حلوة
يعني انا ابي افهم في ام تسوي ببناتها جيه
اختي لما تزوجت نفس الشي سوت لها قامت ترفض من غير ما تخبرها لين ما اخته كلمتها وتخيلوا عاد ويهه اختي شلون صار لما درت بالسالفه .. وطبعا الحمد لله انه الله سخر اخته تكلم اختي عشان اختي تعرف ووتتصرف ..حتى اختي قالت لي اول شي استخيري ثم دوري حد يكون وسيط لانه لو قعدتي على رايها تراج ما بتعرسي اهم شي تقتنعين فيه عشان ما تندمين بعدين على شي لانج بتشتغلين على العرس يعني مو مثل كل البنات يوم كل شي يتيسر
يالله والله ابتلالالالالالالالالالالاء عظيم والله حرام الي تسويه فينا
ادري طولت عليكم يا بنات بس والله من القهر الي فيني
وتراني مو صغيره الحين
قربت اصك الثلاثين وتعرفون انتوا شلون مجتمعنا الزفت الي عايشين فيه بكرا بيقولوا عنست ولا تزوجت واكيد فيها عله والا محد بغاها وطبعا هي بتشيل عمرها مثل الشعره من العجين من السالفه
وبليز الي تعرف رقم شيخ صاحب رايي تعطيني رقمه لاني محتاجه اكلم حد والله احس عمري بموت ما اعرف شلون اتصرف معاها .. وترا هذا ما اول واحد يخطبني ولا تقولون صبري بيي نصيبج لاني متاكده انه هذا هو وما بحصل احسن منه من كل النواحي
وبليز الي ما تعرف شو الحل تدعي لي بيسسير الامور وادري انكم ما بتقصرون معاي
اختكم

المزيد من آخر المواضيع من نفس القسم:

**علوه** · 2009-11-07, 09:47

يا فديتج الله يكون بعونج يارب
والله اهل هالايام صدق ما ينعرف لهم يعني شو تبي اكثر عن جيه اخلاقه ما شالله يمدحون فيها مثل ما قلتي يعني على امه
هو اكيد الام تلعب دور بس مو لدرجه انها ترفضه حرام
المفروض يبقى الراي الاول والاخير لج انتي
برايي لو متاكده منه انتي مستخيره توكلي على الله وحاولي .. عشان ما بعدين تندمين وتقولي ياليتني على الاقل شكله الولد يستحق تحاولين عشانه
موفقه يارب وخبرينا بالتطورات ولو تبين شي انا حاضره بالي اقدر عليه

**كلى دلال** · 2009-11-07, 10:36

السلام عليكم ورحمة الله وبركاته

انا عندى رقم واعضه فنانة ما شاء الله من تجربتى معاها بس انتى شكلج مو من الامارات ما اعرف بس جسيت المهم اذا تبين الرقم راسلينى بس اذا ما ردت عليج طرشي لها مسج انج تبين تكلمينها بموضوع مهم .

والسموحه

صلى على النبي الغالية عشر مرات

**الجـــوريـــ** · 2009-11-07, 10:40

والله ما اقووولج غير ربي يعينج .. ويكتب لج اللي فيه الخير انشالله ..

**ابتسامة قمر** · 2009-11-07, 10:41

يالله بالستر

شوفيها ماماتج حاولي اترمسينها ليش موقفة نصيبج هذه حياتج انتي

الله يهديها يارب

حبوبة ادعي و ربي بييسر لج امورج ان شاء الله واانشوفج ع الكوشة جريب

قوي قلبج و سوي اللي اترومين عليهـ

**والا شو رايكم** · 2009-11-07, 10:50

مشكورين يا بنات على الردود .. وترا الكلام معاها ما ينفع ياما حاولت بس يوم اقول شي معارض لها تقعد تصارخ وتفضحج عند الحاره كلها صوتها ينسمع لاخر الدنيا
اللهم اجعلني على بلاءك صابره

**عيوني ناعسه** · 2009-11-07, 10:58

ليش ماتسوين شرات اختج ..

خلي اختج تكلم حد من طرفه

وتقول ع أساس انج ماتعرفين بالكلام اللي بتقوله لهم

وتقولهم اصلاً انتي موافقه بس الحجيه مارضت

وانا ابيكم تروحون مكره ثانيه تطلبونها بس لاتخبرون اختي اني

انا اللي خبرتكم عشان ماتزعل علي

وبجذي ان شالله المواضيع بتنحل

.
ربي إيسر امورج

**نــــوره** · 2009-11-07, 11:48

دخلو حد ايكلمها

خوالج .. خالاتج

و تمي ادعي وادعي واستغفري

حرام ينرد عشان سبب تافه

امه مصريه .. يعني عربيه مسلمه

حرااااام عليهم الاهل الي يسوونه في بناتهم

حطيلها محاضرات عن الزواج اكيد بتلاقين مثل هالمواضيع

لأني سامعه مثل جيه قصص لشيوخ و مطاوعه .. بس فالتلفزيون عاد

عسى الله يحنن قلبها

**امـ سلطان** · 2009-11-07, 12:26

الله يعينج حبوبه و يجعله من رزقج يا رب و تبشرينا خير

اما عن امج الله يحفظها لج ترى عادي احس وايد امهات نفس الشي ما عليج انتي استحملي رمستها

وحاولي تيلسين وياها و لا تعصبين و لا تصيحين و لا تزعلين يوم ترمسج

بالعكس اضحكي و حاولي تفهميها و قولي لها انا الحين اعرف مصلحتي و اعرف الشين من الزين و انتي عليج تساعديني و من هالكلام و ان شاء الله ربنا يعينج و يفرج همج

**ملاك_الحب** · 2009-11-07, 13:08

الله اييسر لج امورج

**اميرة1** · 2009-11-07, 14:52

الله يعينج غناتي

وربي يسرلج امورج وخلي حد من هلج يدخل في موضوع

**مرحباني** · 2009-11-07, 15:04

الله يعيينج ويونوويلج الخيير ويهدي امج

يارب

والله يكتبلج الخيير

**mariam2020** · 2009-11-07, 15:05

لا إله إلا الله ، الله ييسر لج ،،

**جليسة القمر25** · 2009-11-07, 15:50

الله يسر امورج يارب

**دنيا الولهه** · 2009-11-07, 15:56

لاحول ولا قوة الابالله العلي العظيم........................

الله يهديهم........................

الموضوع: ياني نصيبي واهلي قطعوه علي..شو الحل؟؟!!

أدوات الموضوع

عرض

ياني نصيبي واهلي قطعوه علي..شو الحل؟؟!!

المزيد من آخر المواضيع من نفس القسم:

المواضيع المتشابهه

زوجي واهلي شو الحل؟؟؟؟؟؟؟؟؟؟؟؟؟؟؟؟

الجزء الثالث .بيت نورة أحلى بيت ..مقتطفات صور بيتي واهلي..

عمري يمشي واهلي مش حاسين ...

ابااه واهلي مب موافقين