حنيت لك يابوي .. حنيت

[fe 3y0n 7bebe]

حنيت لك يابوي .. حنيت

حنيت لك يابوي وتمنيت..

تمنيت اضمك واشمك واللقاك بهالبيت..

البيت اللي عقبك مالقى من الناس من يعتني فيه..

يابوي..

يابوي والله قست بعدك كل القلوب ومنهم عانيت..

يابوي..

يابوي تيتمت عقبك ولا لغير الله شكيت..

يابوي..

يابوي لي قلب من الشوق لك يبكي ما حييت..

يابوي..

يابوي والله عقبك عرفت قيمتك وبك بكل احاسيسي حسيت..

تذكرتك لما كنت مني تزعل "عشاني" وانا احسبك عني تخليت..

تذكرتك لما كنت "تراضيني" ولا ارضى..

تذكرتك..وتذكرت كم لك عصيت..

يابوي تذكرت الخير اللي كان بوجودك وانا به ماحسيت..

يابوي والله اليوم حسيت به ذاك الخير وتذكرت اني عنه اقفيت..

يابوي..

يابوي ليت من يحيي العظام وهي رميم يحييك ثاني واشوفك

واقولك يابوي لك حنيت..

واقولك سامحني يابوي انا غلطان بحقك..

انا ندمان..

انا ماعادلي بعدك اصحاب يااحقهم بحسن صحبتي ..

تراني من بعدك توعيت ومتاخر صحيت..

وحسرتي يابوي تاكلني من يوم وفاتك..

وكل ماقست عليا الدنيا تذكرتك وبكيت..

واقولك مابقى بعدك جنب لين بعد اللي به انتخيت "الله"

واعتذر لك اني كنت اظنك قاسي..كنت اظنك اناني..

وكنت اظنك ماتعاني..

كنت وكنت وكنت..

لكن اللي تاكدت منه اني انا القاسي..

وانا الاناني وانا اللي ماكنت اعاني..

ماالومك بتدليلك لي من حبك وطيبة قلبك..

كانت قسوتك اللي اشوفها قسوه وتضييق..

كانت حب ماعرفته الا بعدك..

كان سؤالك الدايم عني بقولت وينك؟ وش تسوي؟ ليه ماجيت؟..

كانو اهتمام واليوم بس توعيت..

يابوي والله اني لك حنيت..

بيدي كسرت قلبي ومالقيت فيه غيرك اقوله حنيت..

الله يرحمك يابوي..

ليت لي طريق واجيك..

ليتني اقدر واراضيك..

لكن امره "سبحانه" قدر فرقاك ياشمعت ذاك البيت..

الله يرحمك يابوي....الله يرحمك

المزيد من آخر المواضيع من نفس القسم:

• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي
• لا يهمّ من لا يُذنب...
• أنا تراب...
• فالكاذب يكُنْ ما يريد ..!لعبدالحليم الطيطي
• هاتي جمالك...........لعبدالحليم الطيطي
• يممت الفؤاد
• الحُبّ ترينه إذا نزل...
• طريق طويلة جميلة،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[اسامي الحلوه]

الله يرحمك يا ابوووووووووووووووووي

[J44Z]

يابوي والله قست بعدك كل القلوب ومنهم عانيت..


صدق عانيت من عقب فراقك الله يرحمك يا بوي

مشكورة اختي

[أم خلوفي..~]

آلله يرحمك يااااااااابووي ..

[ايامي]

والله ماتحملت عمري وأنا أقرا وعيالي ندهشين وش يبكيني فعلا أختي أحس بنفس احساسج والله يرحم أبهاتنا ويغفر لهم ...هم ما قصروا فينا ونحن قصرنا وما حسينا فيهم غير لما رحلوا عنا وابتلشنا بها الدنيا وعرسنا وشفنا الرياييل كيف ....فشو كان أبوي بطيبته وحنيته وشو أشوف ريلي بشروره وقسوته ...أبوي كان جنه ما قدرت منه التقدير اللي يستحقه وما أملك ألحين غير الدعاء له بالرحمه وأن الله يسكنه أفسح جناته ,,,,

[المـHــآ]

الله يرحم ابهاتكم ويخليلي ابوي الغالي

الله يرحم ابوج

والله الكلمااات اتقطع القلب

والله يصبركم ع فرقاه

[سراب الشارجه]

الله يرحم ابوج ويغفرله

ويشفي ابوي ويفرح قلبه

نعم قصرنا
يوم تكثر بك الهموم وتحملك الدنيا فوق حملك تذكر من كان شال همك يتعب من اجل راحتك

مشكوره على المشاركه

[مينا القلب]

الله يرحمه يارب ويصبرج ...وانشالله الله يعوضج..وتسلمين ع الكلمات

[KFK-GRL]

الله يرحم ابوي يارب
ويسلمو

[حزون الدهماني]

يابوي..

يابوي لي قلب من الشوق لك يبكي ما حييت..

الله يرحمك يالوالد و يغفر لك ان شاء الله..

يسلمونيشن الغلا..

[وردة لا تذبل]

الله يرحم ابهاتكم ويخليلي ابوي الغالي

الله يرحم ابوج

والله الكلمااات اتقطع القلب

والله يصبركم ع فرقاه

[ليلى الكعبي]

اللهم ارحم موتا المسلمين اجمعين اللهم آمين
يسلموووو أختي على القصيدة الرائعة