خواتى لحقوووووووا عليه.......حصلت واحد من ملابس الداخليه مقطوع بمقص؟؟؟؟

[ام السنافي]

يزاكن الله خير
مع العلم هن ما يستلم رسائل ولا شي كل شي يتصل في تلفون،عمري ما يتن رساله مع انهن يعرفن رقم صندوق البريد.
يالله تحفظنى انا وريلي وعيالى منهن يارب...وسائر خواتنا واخوانا المسلمين.

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[قرموشة]

اختي نفس خدامة ربيعتي في هل الرابطه
http://uaewomen.net/showthread.php?t=57173

[ام السنافي]

اختي نفس خدامة ربيعتي في هل الرابطه
http://uaewomen.net/showthread.php?t=57173

مشكوره غناتى

[ام السنافي]

خواتى جزاكن الله خير
انا صليت الاستخاره،وهن عندهن اغراض يبن يودهن للفلبين انا بحجز تذكره للثانيه لانى ابدا مب مرتاحه لها،وبيبهن في ثنتين بخليهن يرونى الاغراض،وعقبها بسفر الثانيه.
واول شي واخر شي انا متوكله على رب العالمين،انا قبل مسفر 3 اندونيسات ما كنت ارتاحن لهن،خلاص من يدق قلبي فيهن شي على طول اسفرهن.
والحين بتوكل على رب العالمين،وبفتش الاغراض وهن ما يدرنى يوم الاحد لانى بطرشهن كافور،وعقبها بقص تذكره للثانيه وقبل لا تروح بفتش اغراضها بعد.....شو رايكن؟؟؟

[ام السنافي]

شوروا عليه بارك الله فيكن

[رجااااء]

اسئليهم وعلمي من عملها


وإدا أنكروا الامر


توكلي على الله

وقومي كما دكروا الاخوة

[meeray]

الله يعينج يا اختي ام السنافي ............ وان شاء الله ربي يفج ضيجتج ويريح بالج ويحميج ويحمي عيالج واهلج يارب

[روح الشامسي]

هلا اختي الغاليه

انا انصحج قبل كل شي اتفتشينهن بدون لا يحسن

عسبه يطمن قلبج

وهالشي ما هو حرام ,,, ولازم تتاكدين

ولا اتقولين جي مو شرط الطيبه اتكون طيبه

لانه بصراحه جربناااا والحينه نحن انعيش حاله لا يرثى لهااا

لانه كانت عندنا خدامه يديده

واحنا حسيناها طيبه واايد

واما الثانيه عندنا من 3 سنين ومتعودين عليهاا

بس اليديده ,,, كانت عسل ويانا وويا اهليه

وبعد فتره شردت الحيوانه

ويوم فتشنا اغراضها لقينا حبوب منع الحمل

مع انها هب معرسه واكتشفنا انها اترمس عرب في التلفون في الليل

لانها هيه مشتغله في لبنان قبل وترمس لبناني عسل

وحشرونا من كثر ما يدقون بيتنااا

وبعد فتره

من شردت امي طاحت عليناااا وتعبت حيييييييل والحينه هيه مسافره اتعالج لانه علاج البلاد مانفع عندهااا

وان شاء الله ترجع لنا بالسلامه ’’’

واختي حلمت حلم

ويوم فسرته طلع انه هيه يمكن مسويه شي لامي

والله الخدم يسون وايد

وانتي اتاكدي قبل كل شي

وعقب سفري

[غلاالسعودية]

الله يعينك ويفرج همك ويحميك من كل شر بس لا تنسين تفتشينها شخصيا ولا تستحين لا نه افعالهم لاتحمد عقباها كان عندي شغاله فلبينيه كانت شر متحرك قررت اسفرها فجأه فتشت شنطها مالقيت ولا شي المهم رحت السوق وشريت ملابس داخليه وخارجيه لها وخليتها تفسخ ملابسها قدامي لاني قلبي حاس انه فيها شي رفضت وقعدت تسب المسلمين رفضها خلاني اصر اكثر المهم حاولت تفسخ جزء جزء عشان تعرف تخبي بلاويها اصريت تسير قدامي ربي كما خلقتني وقتها شفت قماش صغير رابطته على خصرها وجيوب في الاندر وير وبلاوي كلها ملفوفه على جسمها كلها اسحار واشياء مجمعتها واشياء مقصصتها ومسفطه صغار عشان مانشوفهم المهم انتبهي والغايه تبرر الوسيله علما اني اول مرة اسويها لا قبلها ولا بعدها بس في اشخاص يثيرون الريبه والشك عذرا ياغاليه طولت عليك

[* أم نورة *]

ان شاء الله تعدي الامور على خير
ذكرتينى بخدامتى الاندنيسية راسمه في كبتها صورة وحده كبيرة ووحده صغيرة اعتقد انا وابنتى وكاتبه كلام ما عرف شوه هو

والحجرة مغفوله من زمااااااااااااااااااااااان

[**لمعة الماسه**]

حبوبه .. لاتستحين منهن... يبيهن في ثنتينهن جدامج واسأليهن شو هذا وليش جيه مقصوص.. وهدديهن بالشرطه.. والله لايشرنه هذيج الساعه...

اعرف سالفة وحده .. كانت دوم اطرش رسايل حق بلادها .. والزوج هو اللي ياخذ الرسايل للبريد.. بس مره حس بشي غريب في الرساله يوم فتحها حصل شعر حرمته... قام وحط شعر الخدامه بدال شعر حرمته.. بعدها بشهر حصلو الخدامه ادق براسها في الطوف ومستخفه..الله يكفينا الشر.. فهم الزوج وقالها هذا السوا كان مسواي لج.. وخبرها بالقصه ...

والثانيه يقولج توها واصلنها كرتون من بلادها.. وطبعا يا في ايد المدام... يوم فتحته حصلت واحد من ملابسها الداخليه ملفوف ومقرطس... طبعا الحرمه عرفت السالفه جان تقول حق خدامتها يالله البسي الهاف جدامي... هذيج انتهت شوي وبتمووووت ماتبا تلبس الهاف...

الله ياخذهن وياخذ بلاويهن.. والله الواحد يعيش بدونهن اريحله... انا عايشه بوسواس طول يومي... ماداني اكل من اكلها ولا اقدر اخلي البيب وهي فيه بروحها.. والعيال افكر فيهم الله يعم شو تسويبهم في غيابي... والواحد هالايام مايقدر يحكم من الاشكال... باما شفنا فقيرات مسكينات وطلع منهن بلاوي..

حسبي الله عليهن ونعم الوكيل.. ربي يحفظنا من شرهن ..

[ام السنافي]

الله يحفظ جميع المسلمين يارب ويحميهم.
خواتى انا وديت القماشه للمختبر وابشركن ان القطعه مب مقصوصه بمقص ولله الحمد والمنه....بس هذا ما يمنع انى افتش اغراضهن بين فتره وفتره،أما الثانيه بأذن الله راح اسفرها جريب اذا الله راد من تسكر المدراس.
أشكركن والله انى ادعيل كل وحده وقفت معايه وفرجت همى وحتى الى دخلت ولا كتبت شي متاكده انهن دعلى في ظهر الغيب.
ربي يحفظكن ويحفظنا من كل البلاوى.
والحمد الله داومن على ذكر الاذكار ،وسوره البقره وشريط الرقي،ويعل ربي يحفظنا ترانى متوكلين عليه.

[طيبة الحبوبة]

بقولج أختي أنا عني وحدة مضررة من خدامة ولازلت والحمدلله أنا وعيالي ماهذا الابتلاء الا محبة من الله نصيحتي لج تستغنين عن الثنتين بدون ما يحسن جهزي ملابسهن اللي يايبتنهن من الفلبين بس في شنطهن هن وعطيهن مبلغ من المال طبعا بعد ما تفتشين الملابس والشنطة بشرط وديهن مكان يكون متلبسات جاهزات يعني مثل كارفور وروحي يبيهن والشنط في السيارة وديهن المطار من غير ما تقولين الهن أنهن بيسافرن وعند المطار عطيهن الفلوس وشنطهن وعلى بلادهن الله لا يرجعهن وملابسهن اللي في البيت لاقرب درام زبالة وديهن ولا تقولين وحدة طيبة تراهن وقت الضر يتعاونن والسحر عند الخدم مثل شرب الماي وعليج بالذكر الصبح والليل وقرأة أية الكرسي باستمرار والبقرة قد ما تقدرين في البيت والله الحافظ

[حركات حلوه]

مالج الا تفتشين اغراضهن و يمكن تلاقين شي ...

[:.كلـي شمــوخ.:]

الحمدلله انج تطمنتـــي والله يحفظج ويحفظ عيالج واهلج من شرهن