المكيااااااج ^_____^

**Miss_Baby** · 2009-11-02, 21:05

شو اخباركم ؟ عساكم مرتاحين ؟ دووووووووووووم

مساء و صباح الخير جميعا ^______^

بس حبيت اخذ رايكم ... انا احينه ادرس في الكليه و ان شا الله بعد فترة بتخرج ان شاء الله

تسوي عندنا مناسبات و عروس انا البس و اتكشخ بس ما احط مكياج لان الوالدة ما تحب فدوووووم تقولي يمكن وحده تبا تخطبج حق ولدها او اخوها فتكون شايفتنها من قبل على الطبيعة و في العرس اشوف في عيون الناس علامات تعجب و استغراب حتى وحده من معارفنا قالت حق امي هاي منو لانها مستغربه لاني مب حاطة شي على ويهي وتبون الصراحة في خاطري احط , و حتى الكلية و دتنا رحله فاول ما دخلت الاكلاس اشوف الكلاس تحول لصالون هاي تحط و الثانية تشيل و ......, فوحده من البنات قالتلي حطي فقلتلها : لا , انا امي ما تحب فقالتلي امج مب موجودة , فرديت و قلتلها انا ما اخاف منها بس اخاف من رب العالمين لاني اذا سويت شي من وراها عيالب راح يسون نفس الشي ... فعشان ما اكسر خاطرها ما احط شي و يوم ارمسا و اقولها اللي في خاطري تقولي بعد ما تعرسين سوي اللي تبين , بس قلتلها انا بعد ابا اعيش حياتي يعني حياتي ما تتوقف على شخص معين ... يت فتره و حده من الاهل يالسة تنغز بالكلام و هي قريبة منا

و انا عادي ما يهمني كلامها بس احس تراني تعبت فقلت حق الوالده ان شا الله يوم تستوي اي مناسبة عن خاطريييييييييي ابا احط شوي فقالتلي شو تقصدين ؟ هل راح تحطين عشان حد ؟ جان اقولها انا يوم ابا اسوي شي اسوي من جدامج مب من ورررراج

و السموحة

و ابا رايكم هل انا وياي حق اولا لا؟

^________________________________________________^

المزيد من آخر المواضيع من نفس القسم:

**الجـــوريـــ** · 2009-11-02, 21:09

حبووبه .. يوم امج ما ترضى خلاااااص .. طاااوعيها

**هنوف القلب** · 2009-11-02, 21:09

والله انج كفوووو

ياليت بناتنا مثلج ^_________________________________________________ ____^

**بنت العقيد** · 2009-11-02, 21:11

يلسي وياها كلميها وقوليها ان الزمن تغير .. امي انا جيه كانت بس من دشيت الثانويه العامه بدت تتغير .. يعني شافت ان بنتها كبرت .. وانا احينه فالكولج سنه3 .. صح اني ما احط فل ميكب .. بس يعني شي خفيف .. جحال قلووس بودره بلشر .. يعني شي خفيف .. انتي قوليلها شي خفيف ومع الوقت صدقيني بتتغير

يلسي كلميها مره ومرتين وثلاث .. وقوليلها انا ما ابا اسوي شي من وراج .. انا اقدر بس ما اباااا << صدقيني بترتاااح وااايد بتعرف ان تربيتها ما ضاعت .. ومثل ما انتي جدامها .. بتكونين انتي نفسج من وراها ما بيتغير شي

والله يحنن قلب امج عليج الغاليه

**عذاري الدار** · 2009-11-02, 21:15

هلا وغلا

فديتج أولا رضى الوالده وبعدين تقدرين بالكلام الحلو تقنعين الوالدة

والسموحه يالغلا

**lailee** · 2009-11-02, 21:20

الغاليه انا ما حطيت مكياج لين ما صار عمري ثلاثين سنه وبعد ما اقعنت ريلي احط شوي وعشان جي كل الي ايجوفني يمدح صفا بشرتي المكياج ايكبر وايخرب البشره والله انا ما احط بالايام ومع جي انظف بشرتي باستمرار مع اني حتى الفاونديشن ما احطه ابدا ثقيل واحسه به وصخ ويسدلي المسام خليج ع طبيعتج أحلى ولا تزعلين الوالده ان شاء الله اتعرسين وتحطين لريلج وتشبعين وبتملين بعد من المكياج الله يرزقج بالزوج الصالح ان شاء الله.

**استايلي غير** · 2009-11-02, 21:24

ترى والله انا امي شرات امج بالضبط
تدرين احس بعد كل شي عندا ممنوع حتى الصبغ والقص ممنوع
ساعات كنت احس بالفرق والله بيني وبين نفسي احس ابا اسوي شرات اربيعاتي كلهن يشلن ويحفن إلا انا
تخيلي حتى حف الشوارب كان عندها ممنوع لو ان ما فيني بس كنت ابا اشل شراتهم
حتى لما رحت الجامعه اشوف اربيعاتي ويقولون لي امج ما بتشوفج وشو دراها وما ادري شو؟؟
بس انا احس قلبي ما يطاوعني
حتى ع اللبس ماماتي كانت تتحكم ماشي جي وماشي جي
لو اني كنت انقهر بس والله ما سويت شي من هالاشياء من وراها
تدرين امي عندها مبدأ كله تقوله يوم بتعرسون سوا كل اللي تبونه (تعذيب)
بس ما اجذب عليج والله ترى عقب ما تعرسين وتسوين هالاشياء كلها بتعرفين الفرق شكلج بيتغير
تحسين ع الاقل انج تسوين هالشي حق احد وان حد يلاحظه
بس حاولي تقنعينها انج يعني لو تحطين سوالف خفيفه بسيطه جحل قلوس ما فيها شي بس اهم شي برضاها

**الدختوره** · 2009-11-02, 21:26

اوك حلووو ترضين امج ^^ .. ها شي ما نختلف عليهـ ..
بس الزمن تغيير .. لو ع الميكب ف الجامعه او اي مكان ثاني .. بقول هيه معاها حق يمكن شافج حد هب محرم والخ ^^ ..
بس لو ف مناسبهـ .. عرس او حفلهـ .. وكلهـن حريم وبنات .. يعني ما فيها شي !!
لا هو حرام ولا غيرهـ .. ف ليش ما تحطين شرات غيرج من البنات ..
رمسي امج وحاولي تقنعينها .. والله ايسر امورج ^^ ..

**العنييده** · 2009-11-02, 21:30

طاوعيها لو تفكرين تحطين حطي خفيف وخبريها

والله يوفقج في دراستج وفي رضى الوالده

**أم سفيلا** · 2009-11-02, 21:33

مرحبا أختي . . خليج طبيعية . . أنا ندمانة وااايد لأني كنت أحط المكياج يوم أظهر برع البيت . . أولاً المكياج ويا السنوات زادتلي الخطوط والتجاعيد حول العين وسببتلي وااايد مشاكل في وجهي . . ثانياً وضع المكياج يعتبر تبرج وبيحاسبنا ربنا على ها الشي . . لأنه ما يصح أن نظهر زينتنا للغير . . ما عدا المحارم . . وخليج واثقة من نفسج فالجمال جمال الروح والأخلاق . .

**حرمه كيوت** · 2009-11-02, 21:36

عادي انا ما كنت احط ميكب قبل ما اعرس
ويوم عرست كلهم استغربوا تحسين بتغيير حلو
مع اني الين الحين ما احب الميكب الاوفر احس الهادي احلى
وترى الميكب يخرب البشره ويكبر

**m!ss.p!nk!sh** · 2009-11-02, 22:18

المشاركة الأصلية كتبت بواسطة حرمه كيوت

عادي انا ما كنت احط ميكب قبل ما اعرس
ويوم عرست كلهم استغربوا تحسين بتغيير حلو
مع اني الين الحين ما احب الميكب الاوفر احس الهادي احلى
وترى الميكب يخرب البشره ويكبر

انا وياها 100%

**ملكة الوادي** · 2009-11-02, 23:09

والنعم فيج ... وربي يثبتج على طاعة أمج..

**ميعاد الحمادي** · 2009-11-02, 23:12

اتصدقين انا خبيرة مكياج و ماحب المكيااااج.. اقصد ماحب احطه لعمري احب اكون طبيعية اكثر شي..هههههه..
بس في مناسبات كلهن بنات و جذا.. مافيها شي لو الواحد يحط جحل و جلوس عن خاطره..
حاولي تسايسيييينها..و تساحلينها..و قولي ماماتي عالاقل ابا الناس اتشووفني تلاحظني شوي فالعرس او الحفلات..
يمكن انخطب بسرعه...خهههههههه يبييها بضحك يعني....
و حتى حف الشنب .. و هالاموور.. هذي تعتبر امووور شخصية بصراحه..و النظافة من الايمان..و انا مابطاوع الوالدة.. لو ماتخليني اشل هالشي .. يعني وع .. شوو ماتخيل شكلي..
يعني حتى اللي عمرها 13 سنه اشجعها اتشل و اتشل ايدها و ريولها و بقوة بعد.. هاي كلها نظااافة ترى..مايخصة ترى بعد العرس و الا قبل العرس..

**سعاده2** · 2009-11-02, 23:19

تعرفين اختي انا امي ماترضى اني اقص شعري او اصبغه
ومكياج ما حط الاجحال و مرطب ويوم سافرت قالت لي وحده يوم بتسافري هلج ماراح يراقبوج سوي الي تبينه
وربي يشهد علي ان من سافرت ليومج ماحطيت بويهي الا جحال ومرطب بس !!!!

ولا احيانااا اغسل ويهي واظهر

حبيبتي الجمال جمال الروح فعلا

بس بعد مايمنع انج تكلمينها وتفهميهاااا ان هالجيل شوي غير وعالاقل بالمناسبات لازم تحطين شوي ميكب خفيف !!

بس بالرغم من كل ها ماشاء الله عليج ونعم البنية والله ^^

الموضوع: المكيااااااج ^_____^

أدوات الموضوع

عرض