خلي اهله ينفعونج يوم !!!!

[حروف ومعاني]

السلام عليكم ورحمة الله وبركاته

خواتي ,,

كالعاده دائما وابدا ,, موضوعي يستند على موقف واقعي حبيت اعرضه لكن واخذ ارائكن فيه


ليش العلاقه بين حريم الاخوان عادة تكون مب زينه ؟؟؟ أكيد مب الكل بس الأغلب تحسين فيه بينهم توتر ومقارنات وعليه تستوي المشاكل بينهم وعدم الوفاق ,, بختصر لكم محادثه دارت بين حرمتين ماخذات اخوان في مقطعين


مرت الكبير :

انا اهله يحبوني وعلاقتي فيهم وايد قويه وانتي محد يدانيج !! انا اختيارهم له انا الغاليه وانا المقربه وانتي خذج غصبن عنهم ومايحبونج وسرقتيه عن بنت عمه وانا اهله يفضلوني على كل حريم عيالهم وانا وانا وانا وانتي وانتي وانتي ,,,,

مرت الصغير :

خلي اهله ينفعونج يوم يصفعج طراقات ويترفس في جبدج !!! خليهم ينفعونج يوم يحقرج بالشهور ولايسويلج سالفه ,, خليهم ينفعونج وانتي وجودج وعدمه عنده واحد ,, الشي الوحيد اللي اهله نافعينج فيه انهم جابرينه عليج ومخلينج وعياله طوق غصه في رقبته مب قادر يفتك منج !! ووووووو

ليش توصل الغيره لحد الحقد والكره بين حريم الاخوان ؟وهل اهل الريل لهم دور في هالخلافات واشعالها او اخمادها ؟

المشاكل الازليه بين اهل الريل(( امه أو اخته أو مرت اخوه )) ومرت الولد وماتخلص ,, احيانا اهل الريل يكونون عون لمرت ولدهم واحيان ثانيه يكونون عليها فرعون ,, ومرت الولد احيانا تكون راعيه قال وقيل ومفرقه ,, واحيان ثانيه تكون مولفه ومجمعه ,,

أهل الريل متي يكونون اهلج ؟ ومتي يكونون اعدائج ؟ هل الافضل تكسبينهم والا تكسبين ولدهم ؟متى يكون البعد عنهم غنيمه ومتى يكون في القرب منهم راحه !!!


كل هاي التساؤلات اطرحها لكن لعل وعسى نستفيد منها ونفيد خواتنا المتضررات ,, بذكر لكن رايي في رد منفصل ,, أدري ان هالموضوع ذو شجون و فنون !!! انتن شو رايكن ؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نهر الحرير]

الله يعين قصة كل بيت نفس القصه عندنا بس بشكل متطور ههههههههههههههههههههه

[Looooonely]

من واقع تجربتي:

أهل الريل عمرهم ما يكونون أهلي إلا ما ندر..
أنا حملت وعقيت..عمتي ما كلفت ترفع السماعة تتحمدلي بالسلامة..كانت مسافرة مب علاج لا جييه..كانت تقدر تتصل..عذرها ما عندي رقمج..!!

وهم نفسهم اللي يصنعون الكره بين حريم عيالهم..
مثلا: انا عمتي دووم تقولي فلانة اللي هيه حرمة حميي زينة وفنانة وتسوي وتسوي و تسوي..اخر شي قلتلها انا وحده ثانيه وهيه وحده ثانيه..تحبونها براحتكم..انا هاي شخصيتي ولا بغيرها..
والبعد عنهم دوومها غنيمة.. من ابتعدت ارتحت منهم..علاقتي وياهم سطحية جدا..

والوحدة تكسب ريلها.. ريلها اللي بيدوم لها..مب اهل ريلها..

طبعا رايي من واااقع تجربتي وما أعمم ع الكل..

[خواطر الانثى]

أهل الريل متي يكونون اهلج ؟ ومتي يكونون اعدائج ؟ هل الافضل تكسبينهم والا تكسبين ولدهم ؟متى يكون البعد عنهم غنيمه ومتى يكون في القرب منهم راحه !!!


أهل الريل متي يكونون اهلج ؟

يوم يحبوني ويحترموني وانا مب قصره بش خصوصا امه بشلهااا فوق راسي لأنه بتكون ام الثانيه


ومتي يكونون اعدائج ؟

مممم يوم يحاولون يسون مشاكل بيني وبين ريلي

هل الافضل تكسبينهم والا تكسبين ولدهم

طبعاااا اكسب ريلي بالأول وبعدين الاهله ...

متى يكون البعد عنهم غنيمه ومتى يكون في القرب منهم راحه !!!

يوم يسولي مشاكل ورمسات عني ولا نقزات ببتعد افضل لي ولريلي تجنب لي مشاكل وعوار اراس

مممم اذا الناس حبوبين والله لا حطهم في عيوني وانا برتاح وياهم

[دلع بو راشد]

انااا عن تجربتي ..

ما تعرفينهم يحبوني ولا لا .. البنات حدث ولا حرج ..يوم يبن شي اووف شو محسنهن ويوم ما يبن شي ولا يفتكرن فيه .

وعمتي كله تعصب ع العيال مب جنه عيال ولدهاا وكله مب عايبنها لا ان يلست في البيت زين ولا ان رحت عند اهلي زيين كل شي ما يعيبهاا ..


اماا حميتي نفس الشي يوم يخلنا بنات عمي يت عندي ولا يوم يردن لها نست ادنياا وما فيها ..


من جييه عمرهم ما يستون اهل لييه لو شووه لاني اعرف طبعهن عدل ... وانا عندي اهم شي اكسب رضي ريلي وغيره ما يهموني ..

ومعاملتي ويااهن سطحيه ..اييهم بالسلام ولالي في القيل وقاال .والله احس عمري جييه مرتاحه واايد .

[سراب الوادي]

من حياتي مع اهل ريلي تعلمت ان ماينفع معاهم شي
مهما تعملي خير تحصلي شر حتى وانا بغرفتي توصلني مشكلة عبر الاثير انة انا اقول وافعل وكلة من زوجة حميي الله يهديها بس وايد كرهة خالتي فيني والمشكلة خالتي تصدقها وماتحب تطلعها كذابة اخرتها طلعت لبيت لوحدي اريح حتى مازورهم بس سلم على خالتي من باب الرحم والاحترام بس وايد احسن من المشاكل وجع راس بدون ذنب

[اغلى ناسي m]

الله يعين

[دلوعه فزاع]

ابصراحه حبوبه العلاقات بين الحريم بالذات حريم الاخوان علاقه مد وجذر على حسب بس الحمدالله حريم اخواني شرات الخوات مانفضل وحده على الثانيه وكلنا نتساعد والحمدالله هو يعتمد على الريال بشكل ثانوي والناحيه الثانيه يعتمد على تربيه البنت نفسها

[ام رشوودي]

ربي يهدي النفووووس

[دلوعه فزاع]

صح نسيت اخبرج عن ربيعتي وحليلها ساكنه مع اهل زوجها واااااااااااايد تعبانه نفسيا بانها حامل في الشهر الاخير بس وحليلها تطبخ للعايله كلها وحمياتها وعمتها طول الوقت طالعين من البيت او يتمشون والحرمه تتلعوز في البيت طبخ وتدريس عيال وحمل بس صج الله يعينها والله في ناس ظلام واااايد

[قلب برئ]

جيتوا ع الجرح....
والله الكيل طفح....
الله يعين الجميع والله يسخر اهل زوجي لي ويسخرني لهم..... ويسخر عمتي وحمياتي لي...... ولجميع بنات امة الحبيب صلى الله عليه وسلم........

[*عســـولة*]

للرفع

الله يوفق الجميع

[بحورالأمل]

خييبه مشكله الوحده تفكر اللحين منوا وكيف بيكونون اهل زوجها بعد مو ناقصنها هالريال شو بيطلع زين ولا شين لوووووول

المهم سؤال ياه ف بالي لو كنتي حرمة الولد الدخيلة يعني باجي حريم العيال من الاهل وانتي الغربيه عنهم كيف تتوقعون حياتها بتكون ؟؟؟

[حروف ومعاني]

مرحبا خواتي

اشوف ان السوسه موجوده في كذا عائله ههههه حسبي الله عليها ,, سبحان الله لازم حد يسعى بالشر ويكون محواث الشر !!!
بالنسبه لي ,,
اهل زوجي ابدأ مالهم تأثير على حياتي وهذي بروحها بحد ذاتها نعمه ,, لا ايجابي ولا سلبي والحمدلله علاقتي بريلي خاصه جدا جدا جدا ولانسمح لاي حد يعكر علينا صفونا لا من صوبي ولا من صوبه ,, يكفي ان الود وده ما امشي على الأرض وهذا هو الأهم عندي لان هو الاساس وانا عايشه وياه هو ,, كانوا اهله زينين ويايه اهلا وسهلا بكون وياهم احسن ,, كانوا شينين مع السلامه كل واحد يروح بيته ههههه المهم انهم ماغلطوا عليه ولا انا غلطت عليهم ولا بغلط في يوم من الايام احتراما له ولقدره عندي وبس

[كلي محبة]

انا وحرييييييييم اخوان ريلي كلنا عسل على بعض
وبصراحة هذا يرجع مب للحرمه بس,, للريال بعد ..

واخوان ريلي وايد مع بعض .. بطلعاتهم ودخلاتهم وكلهم بنفس العمر
وفي الاعيااد كل ريال يعيد حرمته وحرمة اخوه .. وكل مره واحد منهم يسوي برنامج للطلعة وللسفرة
بصرااااااااااااحه وايد احب اسير بيت اهل ريلي لانهم عسسسسلـ,,

وعمتيييييييييييي اعسسل من العسسسل