....

**نبض حبك** · 2009-10-30, 10:36

السلام عليكم ورحمه الله

اشحالكن كروشات؟؟

حبووبات بغيت حد يهون علي ؟؟..؟؟

انا من امس الظهر بطني وظهري يعوري

ومن العصر زااد علي واايد خاصتن بطني وبالاخص

صوب اليمين لين تحت والبيبي كله يتحرك واايد وايد((ماشاء الله))

وما خف عني العوار لين الساعه 10 بالليل

وعقب رد
ومن الساعه 2 ونص وانا كله ارجع وعوار
اول شي رجعت كل اللي كليته

وعقب مثل الماي لونه ابيض بس لزج لزج وااايد
شكله مخاطي...كانه مال البيض الابيض اللزج

وعقب شربت شوي الماي..شوي بس
رجعت الماي كله..وكان وااايد وااايد
ومصاحب للاسهال امس الصبح والظهر
واليوم الفير بس

وتعبت وااايد

وعلى فكره انا بدخل التاسع بعد اسبوعين باذن الله
واخر مرة سرت عند الدكتورة قالت لي راس البيبي وايد نازل تحت

يعني من امس وانا اعاني...وما اقول غير الحمدلله

المزيد من آخر المواضيع من نفس القسم:

**غلاتي أنا** · 2009-10-30, 10:47

سبحان نفس اعراضي
بس الحمد الله بدون ترجيع واسهال
وانا بعد اسبوعين بدش التاسع

**ورد المنتدي** · 2009-10-30, 10:49

سيري جيكي احسن
والله يسهل عليج

**fashions** · 2009-10-30, 12:28

روووووووووووحي لطبيبه .. ليش جالسه
الله يسهل عليج وتولدين بالسلامه يارب

**نبض حبك** · 2009-10-30, 14:23

ما اقدر اسير

لاني قبل 3 ايام كنت عندها

وانا ساكنه في منطقه بعيده عن العياده والمستشفيات

وريلي كله دوام ...وما احب اثقل على اهل ريلي فديتهم

كل يوم والثاني اسير مستشفى

**A+k** · 2009-10-30, 15:21

حبوبه خصوصا ف هالسوالف ماشي تثقلين عليهم

سيري المستشفى خل يجيكون عليج وعلى البيبي

انا انصحج بصراحه لاتهملين عمرج يالغلااا..

انا فولدي يوم كنت فالتاسع يوميا كنت اسير المستشفى

لانه كان نبضه خفيف انصحج يالغلااا سيري عسب خاطر النونو

**فطمطم** · 2009-10-30, 15:25

ان شاءالله خير اختي

**غرم** · 2009-10-30, 15:37

أنا اول مادخلت التاسع من اول يوم في التاسع دايما ويع فيني في بطني وظهري وكان اشوي قوي .... واستمر اسبوعين وانا جي على هالحاله ... بس كنت امشي ع رملة البحر حتى لو فيني ويع ... بعد ما كلت اسبوعين بالتمام والكمال .... في يوم من الايام !! ياني الويع بس كان اشوي غير عن الايا الباقية .. قلت في خاطري عادي هذا شرات قبل ....

اتمشيت في الغرفه جس ساعة ساعة ونص بس شووووووووو؟؟؟!!!!؟!؟!!؟!؟

زاااااااااااااااااااااااد الويع وقمت ما اقدر اوقف وريلي كان راقد واعليه بس لحق على ويشل ذيج الشلة ويفرني بالسيارة ..( خخخخخخخخ فلم هندي) وقمت ارجع وازاوع مرة علي ومرة عليه خخخخخخخخ طلعت عيني ع ماوصلت المستشفى الا انا امدخلة غرفة الولاده

الخلاصة : (الترجيع + الويع اللي يكون في الظهر ويركض للبطن) = يفتح الرحم بسرعة يعني يسهل الولادة

الله يسهل عليكم ويفرحكم بعيالكم

**حوره نونا** · 2009-10-30, 16:00

حبوبه عالأقل كلمي دكتورتج لاتخلين نفسج جذه .. مافيها شي لوتطلبين من أهل ريلج يودونج والله يسهل عليج إن شاء الله

**منوه الحلوه** · 2009-10-30, 16:06

أنا من أمس أرجع وهذا شهري الله يسهل على جميع

**نبض حبك** · 2009-10-31, 14:38

يزاكن الله خير كروشات

الله يسهل على كل حامل

ويرزق الكل بالذريه الصالحه

باذن الله

بتصل فالدكتورة باذن الله وان شاء الله ما من شر

**اليافعيه** · 2009-10-31, 15:33

سيري المستشفى يمكن ولاده
ترى عادي تربي فهالوقت
وان شاء الله خير

**أم أسما** · 2009-10-31, 15:57

الله يعافيج ويسهل عليج

**نبض حبك** · 2009-10-31, 19:16

يسلمووو ع المروور

وان شاء الله ما من شر

يزاكن الله خير

*** LALO *** · 2009-10-31, 19:32

فديتج انا صاري نفسج بس الترجيع من بداية حملي للحين

بس زاد الحين قالتلي الدكتوره التهاب معوي ونصحتني اكل لبنه وروب والاجبان

واشرب عصير رمان واكله بعد انتي سوي جيه وبعد روحي لدكتورتج عسب اطمنج اكثر ...

والاسهال وايد يسرع الولاده جيه قالتلي عطتني حبوب والحمدالله ماحتجت آكلهم وقف عني الاسهال

دعواتج لي الله يسهل علي وربي يسهل عليج ويقومج بالسلامه عزيزتي ...

الموضوع: ....

أدوات الموضوع

عرض

....

المزيد من آخر المواضيع من نفس القسم: