,والله مقهوره من زوجي

**om abdo** · 2009-10-30, 01:07

:salam_allah
والله اني مضايقه حيل عقب الموقف اللي صارلي مع زوجي وانتو احكموا وقولولي شسوي امس كان عندنا ضيوف وجهزت الغدا وعقب ناديت زوجي عشان ياخده ومرد بعتله الولد مرد قمت ناديت الا اشوف الرجال يصارخ عليا قدام الضيف وحرمته تسمعه في الغرفه التانيه ويقولي انتي متصبرين خلاص هاتي الاكل وروحي والله تمنيت الارض تبلعني شو انا ياهل يصارخ علي قدان اللاي يسوي واللي ميسوي وهدي مو اول مره يحطني في هاد الموقف بس انا استاهل كل مره اطوفها بس المره هدي نفسي مو هاينه علي ومعندي نفس اكلمه واحس انه ميحبني لانه لو يحبني يحترمني لا وهو اليوم ولا كانه سوا شي بحاول حتي يراضني بكلمه ربي يهديه وانصحوني شسوي في هدا الموضوع

المزيد من آخر المواضيع من نفس القسم:

**فلونة** · 2009-10-30, 01:16

والله ما أعرف شو أقول لج

بس إذا طباع زوجج المفروض تكونين تعودتي عليه

وما تنادينه

هو يعرف إنه الأكل جاهز

خلاص.. من ايوع بروحه بيي يشله

والله يسخر لج ريلج يا رب

مالي غير الدعاء لج حبوبة

وانتي أكثري من الاستغفار وقراءة سورة البقرة وقيام الليل

وادعي ربج يفرجها عليج

**Looooonely** · 2009-10-30, 01:19

أختي يلسي وياه وخبريه..
خاصة انها مب أول مرة..
فهو شاف ان الموضوع عادي عندج..
عسب جيه ما حاس انج زعلانة والمفروض يراضيج..

انتي ابدي معاه وتكلمي بهدوء لا تصارخين..

والله يصلح ما بينكم.. ويسعدكم يااا رب

**om abdo** · 2009-10-30, 01:21

شكرا حبيباتي بس كل مره يطلع روحه مو غلطان احس انه احسن شي اهدده اروح وما ارجعله لانه ميحترمني

**MAHA21** · 2009-10-30, 01:22

للرفع

ما اقدر افيدج

**فراشـــهـ** · 2009-10-30, 01:29

اياج تهددينه...اتذكري انه ريلج وابو عيالج
يعني لوتبيه يحترمج احترميه
والموقف اللي صار ما لازم يتكرر
لا تعصبي
وكلميه بهدوء
وتفاهمي معه
انتى مافحرب....انتى وسط عيلتج
وقري المعوذات وسورة البقرة...
ونفس ماتبغي تحسي بالامان والراحه اكيد هو يبحث عن هالشي بعد...

**لمعة خرز** · 2009-10-30, 01:32

والله يصلح ما بينكم.. ويسعدكم يااا رب

**حوردبي** · 2009-10-30, 01:39

ربي يسر امورج ويحفضلج زوجج واولادج واتشوفين اهلج علي خير وتاخذين الليسن يارب

**أم سـ ع ـيـد** · 2009-10-30, 01:44

حبيبتي يعني هب اول مره مايحترمج ولا وتسكتين عنه؟؟؟

عاد السموحه على هالكلام لو ريلي يعله اليووووع لا ياكل وبأدبه ولا بطرش الاكل وثانيا اذا رفع صوته وحد موجود والله ما اسكت بعد برد عليه دامه ما اييبه الاحترام والطيب خلاص بيركب فوق راسج؟؟؟

فديتج شو الحياه من دون احترام؟؟؟

وقفيه عند حده واحقريه اهتمي في عيالج عنبو لهدرجه يهزبج عند ربيعه وحرمته؟؟؟

اعتقد لج كرامه ... ولاتسكتين عن حقج ...

والله يهدي ريلج ويسعدكم ويارب تاخذين الليسن قريب ...

**أم عبادي وحسوني** · 2009-10-30, 01:49

نصيحتي لا تسكتين عشان مايتعود مافيها شي ازعلي عليه وطنشيه خليه يحس انه غلط عليج

وعقب تفاهمو بالهداوه لان الريال إذا شاف الحرمه ساكته يستمر

**بنوته18** · 2009-10-30, 01:53

الله يهديييييييييييييييييييييييه

**اسيره الليل** · 2009-10-30, 02:03

الله يصلح امبينكم ويعينج عليه حبيبتي بس انتي بعد حاولي تتفاهمين ويااه اكثر
الله يهديه ..

**قلبي معاه** · 2009-10-30, 02:06

أختي يلسي وياه وخبريه..

**الله يحفظهم** · 2009-10-30, 10:22

حبيبتي ..انت ريلج من النوع يلي يبين لغيره ..انه هو زوج حار ..وهو المتسلط والمتحكم في كل شي ..عسب يقولون له إنه كفو مب خاتم حرمته ..صدقيني ترى وايد رياييل يعاملون حريمهم بهذا التصرف ..لكن يا حبيبتي لا ترضينها على نفسج ..أن زوجج يهينج امام الغير وصغرج أمام عيونهم ..وقفي في وجهه ..وقولي له يا فلان انا في الاول والاخير زوجتك ..ومب خدامه جايبنها تذلها وتهينها امام يلي يسوى ويلي ما يسوى ..وأنا دوم احترمك وعمري ما هنتك ولا رضيت حد يهينك ..وكوني يا اختي جاده في كلامج ..عسب يعرف قدرج ولا يكررها ..

**ام قصـايد** · 2009-10-30, 12:08

الله يهديه ويحفظ عيالج

وييسر امورج ويصبرج

الموضوع: ,والله مقهوره من زوجي

أدوات الموضوع

عرض

,والله مقهوره من زوجي

المزيد من آخر المواضيع من نفس القسم:

المواضيع المتشابهه

مقهوره والله

دخيلكم بنات أنا مقهوره وايد من زوجي ساعدوني ...........

والله مقهوره!!

بنات والله مقهوره

والله اني مقهوره