خراريف القسم العام

**لمعة خرز** · 2009-10-28, 14:57

صح انا من زمان ملاحظة ان جالبين القسم العام لسوالف الاشاعات وكل وحدة كاتبة عن نفسها طلعت المكان الفلاني وشفت الشي الفلاني....بصراحه لازم الادارة يوقفونهم عند حدهم....

مثلآ لو وحده كاتبة شفت بنات يضحكون وله اجنبية لابسة تنورة قصيرة وله بنات متمكيجات.....انزين هاي مب مواضيع عامة تطرح هاي آراء ومواقف نشوفها كل يوم يعني لو كل ما بطلع مكان بكتب يوميااتي ما بنخلص

المزيد من آخر المواضيع من نفس القسم:

**ياقوتةخضرا** · 2009-10-28, 14:58

أعتقد حان الوقت لوضع ضوابط لقسم المجلس العام

ما خلصنا من سالفة أخبار الجرايم (اللي بالصور واللي بالفيديو)

لين ما طلعت لنا الخراريف

**خفقـــة قلــب** · 2009-10-28, 15:05

حتى انا ملااحظه ها الشي ههه

بس صرااحه سوالفهم حلووه لو يفتحوون لهم قسم حلوو^^

ويسمونه خراريف راعيات المنتدى ههه امزح لحد يزعل مني ..~

اعتقد يفتحون فرع لقسم العام يكتبون فيه الاعضااء اللي يبغنه اولا واخيرا احس انه كل شخص وطبعه يعني هنه مب مجبورت يصيرن مثل مانريد مع احترامي لج ولكل..

**قلب اماراتيه** · 2009-10-28, 15:14

اممممممممم....والله في مواااضيع تستاااهل النقاااااااااااش...واخذ الراي من الطرف الثاني....

اما في مواااضيع والله انا دوووووووووم اقوول شوووووووهاااا الموضوووووع..يعني لا مكاانه المناسب..

واحسه مجرد خياااااااااااال...او نميمه ..لاغييييييييييييييييير...والله المستعاااااااااااان..^^

**قطوه طويله** · 2009-10-28, 15:20

كشفتج

اعترفي اكيد وحده من الشله خخخخخخخخخخخخخخ

نحن من زمان مسمين المنتدى بكبره خراريف الامارات لأنه مثل ماقتلي قالت وقال وراح وراحت وشفت وشاف خخخخخخخخخخخخخخخخ لو يحطونكم في امن الدوله جان زين هع هع هع

**bissanza** · 2009-10-28, 15:25

تعرفي اوقات بيسلو خاصة للي زي الحمدلله لا أخت ولا صديقة واولادي صغار وما عندي حدا اسولف معه فأوقات كتير لما امل وبيكون جاي ع بالي اتواصل مع حدا بقول ما لي غير المنتدى ....^ــ*

**ريمي** · 2009-10-28, 15:38

انا رايي من رايج بعد اكثر المواضيع مالها لزمه الا ريلي قالي واخويه خبرني اشياء مالها هدف

نادر ما تحصلين موضوع منه فايده اكثر المواضيع فيها تدخل في خصوصيات الناس وسوالف حريم مالها لزمة

**بريق المرا** · 2009-10-28, 15:49

المشاركة الأصلية كتبت بواسطة حرامية جوااتي

السلام عليك ورحمة الله وبركااااااته
خواتي بليز محد يزعل مني بنات من قهري شوه يعنيلكم القسم العام ؟؟؟
يعني نتطرح مواضيع فيها هدف شي نستفيد منه ...... انا اللي لحظته بالقسم كله خراريف والله سمحلي ع هاي الكلمه مثلا اللي كاتبه عن بيت يرانهم وكاتبه شافت ملابس داخليه بالبر واللي مصوره مذيعه من تلفزونهم وحاطه الصوره وتسب المذيعه واللي شايفه اجنبيه بالبحر لبسه بكيني وكاتبه عنها وتتفاخر انها بلغت الشرطه يختي اجنبيه شوه تتوقعين تلبس عباه مثلا؟
بنات اللي تكتب خروفه تراها بتحصل اثم يعني انتي ما اتسترين ع البنت وهذا حراااام والله حتى لو اللي شفتيها كافره مش من حقكم اتشهرون بناس

والسموحه

هيه والله صدقج كلام فاااضي ما ادري شو الهدف منه !!!! جنه خلصت السوالف من الدنيا ورحنا نسولف عن البكيني وبلاوي البر؟؟
يعني لو موضوع في هدف من ورا طرحه !! يمكن الواحد يستوعب ! بس في اغلب الاحيان تكون السوالف حوادث فردية والخوات يناقشونها الله يهداهم جنها قضية راي عااااااام ومحتااااجه حل !!

**أبكاني ذنبي** · 2009-10-28, 16:06

المشاركة الأصلية كتبت بواسطة حرامية جوااتي

تسلمين اختي بس فعلا لازم يفهمن انه اي عضوه بتنقل خروفه وما بتستر ع الشخص وتشهره بي يوم الله بشهربها انشاء الله وبنفسم القسم يارب

اكيد اللي يشهر بانسان الله بيشهر به
انتي المهم لا تعورين راسج ولا تزعلين ولا تتضايقين هذه سنة الحياة في ناس جي تحب تفضح وتشهر بس لا تنسين لا انا ولا انتي بنحاسب الناس عاللي يسوونه ..الله فوق الله بيحاسبهم الله لهم بالمرصاد
في مواضيع حلوة اعتبرها فاكهة المنتدى مثلا العضوة الي شافت منكر في السوق او الشاطئ وبلغت او وحدة ثانية نصحت هالشي حلو وطيب وياليت دايما البنات اللي يحطون حد لمنكر يخبرونا تجاربهم لان هذه غيرة عالدين الاسلامي ونحن نشجع هالشي نبا هالظواهر السلبية تختفي.اما بخصوص اللي تحط صورة مذيعة وتنزل موضوع عنها والناس تسب هالشي بصراحة غلط موب زين ومع ذلك كل انسان بيجازيه ربي على اعماله كل نفس بما كسبت رهينة..وبصراحة القسم العام في هالمنتدى من اجمل واحلى الاقسام وهو بحد ذاته وكالة انباء ومنتدى بحاله واول شي اسويه الصبح بعد الصلاة وبعد ما يروحون العيال لمدارسهم اني افتح هالقسم واشوف اخر المستجدات يعني حتى الجريدة ما ابطلها لاني اعرف ان كل شي صاير بالامارات بعرفه هنيه في هالقسم

ومشكورة فديتج عالموضوع واذا عندج شي اشتكي عند الادارة لان هالموضوع يعتبر شكوى فالافضل توصلينه لهم بدل ما تكتبينه هني

**ام حمدان26** · 2009-10-28, 16:13

صح ملاحظه القسم العام فسيدات الامارات غير عن باقي المنتديات
كلها قصص وانا سويت جي ولقيت جي

**حور العين1** · 2009-10-28, 16:22

تعرفون شو مشكلتكم يا سيدات الامارات وين ما حطتكم المويه سرتو وياها يمين يمين يسار يسار وعقب تايدون صاحبه الموضوع ولا اذا هي رفضت ترفضون بعد الله يهدينا ويهديكم بس ............

**أبكاني ذنبي** · 2009-10-28, 16:25

المشاركة الأصلية كتبت بواسطة حرامية جوااتي

فديتج روحج اختيه تسلمين فعلا خراريفهن مالها هدف وفيه مواضيع يذبحهن الفضول اللي حريقة منوه الا منوه انعدم
انا مره قريت موضوع لعضوه كاتبه اول اماراتيه خبازه اتعرفين شوه رد من الردود قريته وحده كاتبه هاي كل يوم بالمخبز تيلس ويا الخبازين وصورها والله بس شوه انقول عقول صغيره

بصراحة موضوع البنت اللي تشتغل في مخبز حلو وكل العضوات يدعون لها بالخير اذا وحدة غلطت في ردها هذا موب معناته ان الموضوع لازم ما ينكتب في القسم!
واي موضوع ينكتب بالمنتدى لازم بتحصلين من 30 بنت وحدة تطلع لج برد موب زين

احس ان انتوا وايد مكبرين الموضوع وتنقشون في كل موضوع نزل ولا تنسون الحين انكم قاعدين تغتابون العضوات اللي ينزلن مواضيع
مثل الحين تطرون العضوة اللي كانت مقهورة من الملابس الداخلية اللي لقتها في البر يحليلها ما غلطت ولا قالت شي عيب والا غلط تكلمت عن شي شافته وانقهرت منه ما صار شي

ليش الحين قاعدين تنتقدونها وتنتقدون موضوعها وكل حد يحش فيها وتقولون عقول صغيرة
هالموضوع استوا حاله حال مواضيعهم غيبة ونميمة
الله يخليكم نبا هدوء اليوم ما نبا ضرابات

**أبكاني ذنبي** · 2009-10-28, 16:26

المشاركة الأصلية كتبت بواسطة حور العين1

تعرفون شو مشكلتكم يا سيدات الامارات وين ما حطتكم المويه سرتو وياها يمين يمين يسار يسار وعقب تايدون صاحبه الموضوع ولا اذا هي رفضت ترفضون بعد الله يهدينا ويهديكم بس ............

والله انج صادقة الغالية

الموضوع: خراريف القسم العام

أدوات الموضوع

عرض

المزيد من آخر المواضيع من نفس القسم: