ولدي بيضيع مني

**ام خالد وخلود** · 2009-10-28, 09:05

هلا خواتي انا داخله على الله ثم عليكم بغيتكم تساعدوني
انا عندي ولد وبنتين واختي عندها بنتين واخوان زوجي كلهم عندهم بنات
يعني مجتمع انثوي كامل وولدي احس عنده ميول بناتيه وايد ماعرف شوقايل اخبركم يعني لعبه وروحته وردته كله مع بنات والله حتى يرانا بنات ماعرف شو اسوي وكل ملاحظ عليه الميول البناتيه حركاته ولعبه حاولت اعلمه اقوله ان البنات غير والاولاد غير بس من صغره ربى مع بنات شو الحل فديتكم والله حاسه ولدي بيضيع

المزيد من آخر المواضيع من نفس القسم:

**أم حتوس** · 2009-10-28, 09:11

الغاليه عوديه يطلع مع ابوه او ابوج او اخوج احسن شي انا عكسج عندي بنت وولدين الله يعيني بس كم عمره ولدج ما تقدرين اتشركينه في نادي او اي شي

**أم فيصل777** · 2009-10-28, 09:13

هلا الغالية..كلنا عندنا البنات أكثر من الأولاد بس عادي الولد لازم يرابع أبوه
ريييله برييييل أبوه يعني أبوه ياخذه وياه وين ما يسير، وتعلمينه إنه يسوي إللي أبوه يسويه يعني طريقة كلامه
ومشيته يوم يون عرب هو يقرب ويللس وياالريايل.

**ام خالد وخلود** · 2009-10-28, 09:14

ولدي عمره 12 سنه كبير ماشاءالله واذا ماتلاحقت عليه في هالسن ماعرف شو بيستوي عقب ماعندي اخوان الغاليه وابوه بروحه يالس في البيت مايظهر

***القطريه*** · 2009-10-28, 09:33

شاركيه في الانديه الثقافيه
وحلقات تحفيظ القران
والنشاطات البدنيه في الانديه
واحتمال يرفض في البدايه لان محد معاه
لكن حاولي والله ييسر اموركم

**يابس رقيص** · 2009-10-28, 09:47

ماشا لله ريال ولدج بالعكس في هالسن المفروض انتي تشدين عليه وتفهمينه انه ريال وسجليه في نادي كوره او مركز تحفيظ قرآن تعرفين انا عيال خالتيه انا مستلمتنهم معنهم صغار 9 سنوات و8سنوات لكن العين الحمرا ولله اقولهم عندي الي عصى حق الي مابيصلب عوده ويغدي ريال هع هع يخافون مني

**دينا مسلمة** · 2009-10-28, 10:13

فعلا كما نصحتك الاخوات
لازم يرتبط بوالده كثيرا جدا ويخرج معه
حاولى ان تجعليه يلتحق بمسجد لتحفيظ القران و نادى رياضى واشياء مثل هذا
بمعنى اخر اجعليه يشترك فى نشاطات خارجيه يحتك فيها بالاولاد فى مثل سنه ليبتعد عن البنات قدر المستطاع
ودائما عامليه كرجل ولا تعامليه كاخواته البنات
وربنا يحفظ ابناءنا جميعا من كل سوء

**بثـينه** · 2009-10-28, 11:09

ما شاء الله ولدج ريال ...
المفروض أبوه يتولاه في هالسن مب انتي !!
بس شوفي الغاليه أبسط شي خليه يروح المسيد مع أبوه و حتى لو ابوه تعايز ما سار في صلاه مثلا أو كان راقد خليه يسير بروحه المسيد ويرجع .. هناك بيحس برجولته و بيشوف الرياييل وبتشوفينه مع الأيام بيقلدهم ^^ لا تقولين أخاف عليه يسير بروحه ترى الصلاه واجبه عليه في هالعمر و صلاة الريال في المسيد ^^ و ما عليه شر ان شاء الله اليهال عندنا الله يحفظهم من عمر 9 سنوات يسيرون بروحهم المسيد ..
و حاولي تخلينه يستقل بألعابه يعني خليه يلعب بالدراجه وقوليله لا تلعب بألعاب البنات عن يضحكون عليك ويقولون عنك بنيه .. و دايما اذا رحتوا مكان خليله كلمه وراي وشاوريه حتى لو في الجمعيه قوليله شو رايك نشتري مثلا هالعصير والا هذا ؟؟ نشتري هالجبن أحسن والا هذا .. جذه بتبدا تتكون شخصيته وبيحس انه عنده راي .. دايما امدحيه وقوليله ولدي كبر وصار ريال شرات ابوه ومن هالكلام .. وديه الحديقه مثلا و هناك اكيد بيتلاقى مع أولاد و حاولي تشجعينه انه يسير ويتعرف عليهم ويكون له صداقات لانهم بيكونون عيال فريجه وجذه بيسير وبيرد وياهم وبيلعب وياهم ^^
خليه يسير النادي أو صالات الألعاب أو البليارد بس في الاجازات طبعا مب ايام المدرسه ^^ وهناك بيتعرف غصب عنه على وايدين وبتتكون شخصيته و بيقضي وقت فراغه وبتسلى ^^
خليه يسير مراكز تحفيظ القرآن .. منها تقويم لشخصيه ومنها افاده له ...

في وايد أشياء تقدرين تسوينها وياه بس اهم شي انه ابوه يتعاون وياج ..
حاولي ويا ريلج انه يطلع مثلا يسير وياه عند ربعه أو يسير يسلم على الاهل أو اي مكان و حتى يوم يسير مشايره الخاصه خل يشله وياه عسب يتعلم للمستقبل ..
ويسير وياه البحر مثلا يسبحون ويغيرون جو ..
بس لاااااااااااااازم يكون له دور ... ولازم يختلط بالرياييل عسب ما يتم يستحي بعد ^^

نحن العكس عندنا ما شاء الله عيلتنا وعيلة أهل ريلي أغلبيتهم أولاد والبنات أقله يعني في كل عيله بتحصلين بنت وحده او كلهم اولاد ما عندهم بنت .. ويوم يتيمعون تشوفين البنات شياطين ما شاء الله تقولين أولاد مب بنات ما فيهم رقه خخخخخ
الوحيده بنت أختي الله يحفظها أحسه بنوته كيوت ودلوعه لانها كله لاصقه في أمها وتقلدها ^^

أنا عندي ولد واحد فديته ... من صغره عودته أقوله انت ريال لا تصيح على كل شي ولا تتدلع شرات البنات عسب يعرف انه الدلع للبنات مب الأولاد و أقوله دافع عن عمرك يوم حد يضربك عسب ما يقصون عليك و دوم اقوله اباك تستوي شرات باباتك و خالي هو يحب خاله ترى وايد ^^ وحتى في الاكل اقوله اباك تاكل شرات بابا مب شرات الحريم خخخخ يعني في كل شي احب ازرع فيه الرجوله سواء لعب او أكل او حتى رمسه ..
يعني يوم يرمس اشوي اشوي اهزبه اقوله تكلم بصوت عالي انت ريااال .. يوم بيدش اقوله قول السلام عليكم شرات الرياييل بصوت عالي ^^ وما شاء الله عليه ربي يحفظه ويبارك فيه اللي يشوفه حتى مشيته يقولون جنها مشية ابوه خخخخ يحاول احين من نفسه يقلد ابوه حتى يحتشر فديته يبا يسير وياه المسيد بس ابوه يقوله احفظ واايد قرآن وبوديك وياي .. ان شاء الله من يبدا يتعلم الصلاه بخليه يسير ^^
للعلم ولدي عمره 3 سنـوات ^^

وسلامتج ^^

**am.w** · 2009-10-28, 11:29

خليه يطلع مع أبوه حتى لو بيصب بترول للسياره عندنا ولد مثل ولدج مادددعنده في البيت الا البنات تصرفاته مثل البنات الله يعين أمه يوم صار عمره 10 سنوات الاولاد في المدرسه يطنزون عليه فقامت أمه من تشوف أبوه طالع طرشته معاه أو مع خوانها والحمد لله لحقت عليه

الموضوع: ولدي بيضيع مني

أدوات الموضوع

عرض

ولدي بيضيع مني

المزيد من آخر المواضيع من نفس القسم:

المواضيع المتشابهه

ساعدوني مستقبلي بيضيع

الحقوووووووابى بيضيع منى

مستقبلي بيضيع

مستقبلي بيضيع والسبب انا