خبيرات ألمانيا

**أم عذاري** · 2009-10-27, 20:44

السلام عليكم ورحمة الله وبركاته

خواتي انا اول 11 بسافر المانيا
وتحديدا بون
سايرة علاج ويا بنتي ربي يشفيها
وبصراحة حاسة بضيج لاني اول مرة اسير المانيا وعلاج بعد
وما اعرف اي شي هناك
فعندي شوية استفسارات
وادري انكم ما راح تقصرون
اولا بالنسبة للجو في هذه الفترة سمعت انه برد .. بس شو من الملابس آخذ وياي ؟
ثانيا بنتي اعطيها حليب صناعي بروجرس واكيد بشل كمية تكفيها فترة بس لا سمح الله اطول هل بحصله هناك موجود اولا ؟ والبامبرز بعد موجود والا ؟
بالنسبة للشقق شو اقرب شقق للمستشفة الجامعة في بون ويكون نظيف
وسؤال اخير اللي تعرف المستشفى الجامعي او الجامعة شو اهتمامهم هناك؟

المزيد من آخر المواضيع من نفس القسم:

**ام سالم** · 2009-10-27, 21:02

اسال الله العظيم رب العرش العظيم ان يشفي بنتك ويشفي كل مريض اللهم آمين

وان شاء الله الخبيرات في المانيا يفيدونج حبوبة

**أم عذاري** · 2009-10-27, 21:09

تسلمين اختي ام سالم
وآمين يا رب

**بنوتة عيمان** · 2009-10-27, 22:40

الله يشفي بنتج اختي و يشفي الجميع مرضى المسلمين

اختي عن بون ماعرف الصراحه ..

بس انا حاليا في ميونخ .. هاليومين جوهم اوكي يعني نقدر نستحمل البرد ..

اما في شهر 11 اكيد بيكون جو ابرد .. يعني ايبي وياج ملابس شتوية و حق بنوتة بعد ..

اما عن بامبرز متوفر عندهم .. واما عن الحليب ما عندي فكره عنه ..بس اهني عندهم الحليب انواع ..

و عن المستشفى الجامعي .. انا اتعالج في ميونخ يسمونه مستشفى جامعي ..اهتماهم اوكي و علاجهم بعد ممتاز ..

توكلي على الله والله ايسر اموركم ..

**بدر0البدور** · 2009-10-27, 23:13

الله يشفي بنتج الغالية

**ريحة المسك11** · 2009-10-28, 03:20

الله يشفي بنتج و جميع مرضانا المسلمين يا رب .... والله انا بعد ان شاء الله رايحة المانيا علاج حق بنتي بس في ميونخ و الله انا مثلج حاسة بضيقة صدر و خايفة و ما اعرف شو اشل وياي وكم اشل معاي من اغراض و ان شاء الله البنات بيساعدونج و يساعدوني

**أم عذاري** · 2009-10-28, 16:55

اختي ريحة المسك ربي يشفي بنتج
وترد بالسلامة ان شاء الله

بنوتة عيمان
تسلمين اختي
وربي يشفيج

للرفع

**ام عبود 2003** · 2009-10-28, 18:44

الله يشفي لج بنوتج وتشوفينها عروس إن شاءالله

ماعندي فكره عن بون بس حبيت ارفع لج موضوعج

**أم عذاري** · 2009-10-29, 23:41

آمين يا رب
وتسلمين اختي على الرف

ومعقوولة محد يعرف شي عن بون؟؟
والا لازم اكون عضوة معروفه عسب يردون على موضوعي!!
ترى لو مب الحاية انا ما سالت

**أخت العروس** · 2009-10-30, 01:33

لا اختي ليش تقولين جذا بس تعرفين اغلبيه اللي يتعالجون يسيرون ميونخ قله القليله اللي تسير بون والله اللي عنده معلومه مستحيل يبخل بها عليك ......انا في ميونخ بسالج عن العلاج في بون اذا حصلت حد يعرف لان انا يايه سياحه

**localeya** · 2009-10-30, 21:51

الله يشفي بنتج يا رب حبوبه كنت السنه بروح بون علاج لكن نصحوني اسير ميونخ لانه اكثر الناس يروحون ميونخ هناك برد و كل شهر بيزيد و خاصه شهر 12 و 1 و2 خذي ملابس حق البرد و بتحصلين عندهم حليب حق بنتج و ااااايد زين بس قوليلهم العمر و اكل الاطفال الجاهز ممتاز والحفاظات متوفره واااايد و كل شي عندهم موجود لا تحاتين اختي توكلي على رب العالمين يوم توصلون تخبروا عن السوبر ماركت والاسواق و المطاعم عشان تعرفون تشترون اغراظكم

**فيروزه** · 2009-10-30, 22:57

سامعه عن بون انه ما فيها عرب . وبالنسبه للبرد اشتري سليبج باج مال العربانه مال اليهال عشان تدفين بنتك عدل لانه البرد يدخل من الريول انا شاريه من ميونخ ويمكن شي في مذركير وغطا بلاستيك للعربانه عن المطر لانك اكيد بتمشين وايد.

**عاشقة عيمان** · 2009-10-31, 02:14

جوهم حلو وبارد وفي مواطنين هناك بالنسبة للشقق مب مهم جريب المهم على نفس خط الباص او القطار او التكسي
هاي مدن كبيرة مثل دبي
ي
بس روحي للديوان ومنها تتواصلي مع قنصلية الامارات في بون
مابيقصرون لان القنصلية مسواية حق العلاج والسياحة
‏":

**الريم العيناوية** · 2009-11-01, 19:25

نفس الاسئله بسافر وخايفه من البرد..... وما عرف شوبسوي مع ولدي بو سنه ...........الله يعينا

**ميروووه** · 2009-11-05, 09:18

الله ايعافي بنيتج يارب .. ختيه الجو بارد وايد .. والمانيا فيها كل شي .. بالسلامه يارب ..

ميروووه

الموضوع: خبيرات ألمانيا

أدوات الموضوع

عرض

خبيرات ألمانيا

المزيد من آخر المواضيع من نفس القسم:

المواضيع المتشابهه

خبيرات ألمانيا ^_*

خبيرات ألمانيا والعلاج فيها

خبيرات ميونيخ ألمانيا يتفضلن

خبيرات ألمانيا ممكن شوي ....

خبيرات ألمانيا ممكن مساعدة ^_^