منو خذت أبر منشطه ؟؟

**عواشهـ** · 2009-10-26, 18:17

هلا حريمات ..

انا متاخر حملي سنه وكم شهر .. من عقب ما طرحت ..
قالت لي الدكتورة عندي جيس على المبيض اليمين عطتني حبوب والحمدلله خف وايد ..
والحين وصفتلي من اول يوم في الدورة ابر منشطه لمدة 6 ايام .. وانا اول مرة استخدم ابر .. كنت اخذ حبوب قبل .. عقب قالت لي الدكتورة ما تحتايين منشطات ..

الي استخدمت ابــر .. فادنها ؟؟.. يعني افضل عن الحبوب؟

المزيد من آخر المواضيع من نفس القسم:

**عواشهـ** · 2009-10-27, 13:08

افا ولا رد ..

ارفعوا الموضوع بدعوه

**كاشونة2009** · 2009-10-27, 14:03

الله يرزقج الذرية الصالحة ويرزقني ويرزق كل محرومة انشالله بس بسالج اختي انتي متى عرفتي انه فيج تكيس ؟
لاني انا بعد طيحت وللحين ماحملت ويقولون كثرة زيارة العيادات والفحوصات تدخل هواء فالرحم

**عواشهـ** · 2009-10-27, 19:37

المشاركة الأصلية كتبت بواسطة كاشونة2009

الله يرزقج الذرية الصالحة ويرزقني ويرزق كل محرومة انشالله بس بسالج اختي انتي متى عرفتي انه فيج تكيس ؟
لاني انا بعد طيحت وللحين ماحملت ويقولون كثرة زيارة العيادات والفحوصات تدخل هواء فالرحم

امين يارب..

حبيبتي انا عرفت الشهر الي طاف .. وخذيت حبوب والحمدلله خف التكيس وايد .. والحين اخذ الابر المنشطه

**ضيفة شرف** · 2009-10-27, 14:10

هلا حبوبه
حبيت افيدج بتجربيتي
خذيت ابر الشهر الماضي والحمد لله صار عندي تبويض بس للاسف البارحع نزلت لي الدوره اللهم لا اعتراض
المهم الابر زينه بس متعبه نفسيا لاتج بتيلسي عالاعصابج
واعرف حريم استخدموهن وحملوا من اول شهر
هالشهر بريح والشهر اللي بعده برد للابر والله يرزقني ويرزقج في القريب
وعفكره في حريم من يتركنهن يحملن لانه تاثير الهرمونات يكون باجي بجسمهن

**هدوية** · 2009-10-27, 16:32

المشاركة الأصلية كتبت بواسطة ضيفة شرف

هلا حبوبه
حبيت افيدج بتجربيتي
خذيت ابر الشهر الماضي والحمد لله صار عندي تبويض بس للاسف البارحع نزلت لي الدوره اللهم لا اعتراض
المهم الابر زينه بس متعبه نفسيا لاتج بتيلسي عالاعصابج
واعرف حريم استخدموهن وحملوا من اول شهر
هالشهر بريح والشهر اللي بعده برد للابر والله يرزقني ويرزقج في القريب
وعفكره في حريم من يتركنهن يحملن لانه تاثير الهرمونات يكون باجي بجسمهن

مثل ماقالت الاخت ضيفة شرف .. تاثيرها قوي .. والوحدة بسرعة تحمل .. انا جربتها 3 مرات .. وفي المرتين صابت وحملت .. ربي يرزقج ان شاء الله

**zh0or** · 2009-10-27, 15:38

انا اول شي خذت حبوب كلوميد وبعدها ابر منشطة وبعدها ابرة تفجيرية والحمدلله حملت....

الله يرزقج ان شاء الله بالذرية الصالحة...

**أمورة** · 2009-10-27, 16:24

انا بعد حابه اعرف تفاصيل اكثر

دكتورتي كل شهر تقول بتعطيني ابر منشطه بس انا أاجل....اتمنى احمل طبيعي بدون منشطات

و الله كريم

الله يرزقج غناتيه و يرزقني و كل خواتي اللي يتمنن الحمل

**عواشهـ** · 2009-10-29, 19:28

باجر ان شاء الله عندي اخر ابره ..

مااعرف عقبها شو بيصير .. ان شاء الله خير ادعولي

**FFF** · 2009-10-29, 20:32

انزين شو اسم الابره المنشطه

**شوق _ زايد** · 2009-10-29, 20:37

للرفع

**عواشهـ** · 2009-10-30, 13:02

والله ما اذكر اسم الابر ..

**Dubai designer** · 2009-10-30, 14:03

اتوكلي على الله وخذي الابر
انا ولدي البكر فديته وعسى الله يخليه لي ولأبوه دوم
حملت فيه عن طريق الابر المنشطة لان البويضة عندي كانت تطلع صغيرة
فما تتلقح
وصفت لي الدكتورة ابر لمدة سبع ايام كل يوم ابرة وحده
يوم في خصري اليمين ويوم في الخصر اليسار وجي
وبعدها تشوف البويضة كم صار حجمها اذا اوكيه يعني بين الـ 18 و 22
تعطيج ابرة تفجيرية وبعد 36 ساعة
يصير الجماع
وان شاء الله يعدها الحمل اذا الله سبحانه اراد
يعني كل شيء يمشي بشكل طبيعي

وان شاء الله تحملين وتبشرينا واي سال أنا حاضرة

**fashions** · 2009-10-30, 14:27

واااااااايد ناس فادت معاهم وكل شي بارادة رب العالمين .. الله يرزقك ويرزق كل محرومه يارب ولايحرمك ولايحرمنا اللهم آمين .

**فطمطم** · 2009-10-30, 15:31

الله يرزقج ان شاءالله

الموضوع: منو خذت أبر منشطه ؟؟

أدوات الموضوع

عرض

العرض المتطور

منو خذت أبر منشطه ؟؟

المزيد من آخر المواضيع من نفس القسم:

المواضيع المتشابهه

ابر منشطه وابر تفجير وفيرتاب حياكم يابنات

سؤال ,,,,,, اخذت كلوميد ,,, والبارحه ابره منشطه ... منو سوته قبل

خلطات منشطه للمبايض والحيوانات بس منقوله من منتدى أخر