لو كنتى في مكانها...............؟؟

**اسمهايت** · 2009-10-26, 13:19

هلا بنوتات
حبيت اعرض لكم مشكلة ربيعتى مسكينه دقت علي اليوم تصييييييييح
هي تزوجت من شهر وشوي وعلى طول اول ما ردت من شهر العسل ريلها سافر بحكم شغله وصار له اسبوعين الحين مسافر
طبعا في البدايه كانت زعلانه وتصيح والحين تقول عادى هي الحين في بيت اهلها
انا كنت اقلها طلعى ويا هلج عشان تنسين وجي
تقول ريلي ما يخليني اقله انا ملانه ابي اطلع او اهلى مثلا بيسيرون المول الفلانى يقلها خلج في البيت يوم انا بي بطلعج بوديج مثلا السينما وجي
تقول اوكي
ما يخليها تطلع ولا شي تقول طفشت اهلى او خواتى مثلا يطلعن يسوون رياضه هو يقلها لا مافي طلعه
انزين اوكي تقلها ما بطلع انت متى بتيييي؟يقلها مادرى كل يوم يأجلون السفره
تقله مثلا اوكي بروح العياده يقلها يوم بيي
تقول ملييييييييييييت اوووووف ما احس انى عروس مو كافي انه بعيد عنى تقولانا احبه هي واشتاق له حييييل واول ما سافر كنت ادق عليه واطرش له مسجات الحين ما ابي وانطرشت بس جي من ورا خاطرى بس عسب لا يقول انى مو مهتمه فيه
بنات والله احترت معها اقلها انتى بعدج بالبدايه وجي تقول لا انا طفشت من غيرته واحس انه بس يبي يتحكم فيني

بنات بليز نصحوها ترانى تعبت معها

المزيد من آخر المواضيع من نفس القسم:

**حوردبي** · 2009-10-26, 13:32

هذا في البداية وعدم وجوده معاها .. يوم بيكون وياها بيوديها و بيطلعها وبتنسى كل هذي المشاكل ..

**أم خالد الحلو** · 2009-10-26, 13:46

حبيبتي الغالية
دام ريلها أمرها .. خلاص لا تزعل
هذي غيرة حلوة ... ^_^

يوم بيي بعوضها عن كل شي
خلها تدعي وتستغفر
والله بيسر
ولا تسوي مشكلة من لا شي

**ملاك بروحها** · 2009-10-26, 13:52

هية والله تصبر ترى الريال بعدة يغير وتوهم معرسين وانشاء الله لين يرد بيعوضها عن كل شي لازم تسمع كلامة هيةاذا تحبة وبالتوفيق

**اخت بوحميد** · 2009-10-26, 13:53

حياتى والله صح لزم تسمع رمسته عسب يحبه ويموت فيه بسسس يعنى تمشي في شعبيه او الصيدليه ايقول لا ليش حرام الله يهديه يارب ومايحتاى تسمع رمسته بكل شي يوم انه عند اهله خلاص اتروح تطلع بسس تخبره تقوله ماراح اطلع بروحي بطلع مع اهلى واخوانى وجي بتمشي الاموووووووووووووووور

**نجــديــة** · 2009-10-26, 13:55

شيء طبيعي ان في بداية الزواج بيشخص عليها وبيتدخل بكل صغيرة وكبيرة وبس تخليه يثق فيها وتسايرها بيفك عن هالحركة قولي لها تصبري ويمكن يكون يغار عليها ويخاف عليها
خليها تغرقه بالكلام المعسول وانه ماافي غيره بقلبها وبيخف
الله يسخر للجميع

**jno0on** · 2009-10-26, 13:59

بينيلها ان الحدالله انه يرحم لو مايخلي رحمه الله تنزل
يعني مب مابتطلع مول ترى هو يوم بي بيظهرها مابيحبسها
وطاعه الزوج واجبه كل ماقلها لا ختكلمه بريج حلو واتقوله ان شاء الله وشوي شوي بيتغير

**اسمهايت** · 2009-10-26, 14:03

تسلمون بنات على الردود وان شاء الله انا بكلمها وبهديها وافهمها

**اسمهايت** · 2009-10-26, 23:17

للرفع

**LADY LOVE** · 2009-10-27, 18:04

لا مصخها الصراحه تقوله تبا اتسير العياده يقولها لااااااااا ؟؟؟؟؟؟؟؟
مب لها الدرجة الوضع مب طبيعي !!!!!!!!
انا لو مريضة وريلي قالي ماتسيرين العيادة بسير والله صحتي محاسبه بعد عنها الله ماقال طيعي ريلج في شيء ممكن يضرج !!!
الله يعينها خلها تتحمله بنشوف يوم بيرد من السفر شو بيسوي بيطلعها ولا لا ؟؟؟؟؟

**maba-7d** · 2009-10-27, 20:04

الصراحه مادري شو كنت بسوي !!
بس انه يمنعها من العياده !!
هاي الغيره مب طبيعيه ..
خل تصبر حليلها إلين يرد وعقب تقرر كيف تتصرف وياه ..

**سفيرةالإمارات** · 2009-10-27, 20:10

قوليلها صبري والأيام الحلوة يايه إن شاء الله^_^
ربي يسعدها

**اغلى ناسي m** · 2009-10-28, 00:23

هذا في البداية وعدم وجوده معاها .. يوم بيكون وياها بيوديها و بيطلعها وبتنسى كل هذي المشاكل ..

**أميرة البيت** · 2009-10-28, 00:31

أنا ريلي ما يخليني أطلع وايد مع اهلي يوم يكون هو بالدوام إلا للضروره وأحيانا اذا تم فتره بالدوام يخليني اطلع معاه مع انا معرسين من 7 سنين واكثر والحمدالله على كل حال.......بس لازم يسمح لها تسير العيادة لان شيء ضروري...خليها تحاول تقنعه

الموضوع: لو كنتى في مكانها...............؟؟

أدوات الموضوع

عرض

لو كنتى في مكانها...............؟؟

المزيد من آخر المواضيع من نفس القسم:

المواضيع المتشابهه

اذا كنتى مستعده دخلى

شو راح اتسووين لو كنتى بدالى

لو كنتى مكانها كنتى هتعملى ايه؟؟؟؟؟؟؟؟؟؟؟؟؟؟؟؟

اي نوع من الاطفال كنتى؟؟؟؟؟؟؟؟؟

اذا كنتى تاجرة اتفضللى