سوق مدينة زايد ابوظبي

[ام غريبه]

السلام عليكم
الغاليات
حبيت اسال هل في محلات قمصان نوم في سوق مدينة زايد الي في بوظبي عدال سوق الذهب

و شو محلات حلوه هناك ان العروس تروح تسوق شتري من عندهم؟؟؟


لا تبخلون على بالرد عندي عروس لازم اتزهب لها بس ما عندنا مبلغ يكفي بسيط و نريد الزين و مو غالي

و اليومحه منكم

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[كيفي حلوة]

الله يوفقج ويسعدج يارب

بصراحه ما اعرف بس ما حبيت اطلع بدون ما ارد عليج الغلا

انشاء الله بنات ابوظبي يخبرونج والكل يستفيد .....

[ابوظبي]

هيه في واحد اسمه ساندي في الطابق الثاني ...واسعاره مقبوله يعني من 180 لين 390 تقريبا

[دموع الظبي]

عندي رقم وحده اتيي لين البيت قمصانها وايد حلوووو
بس عيبها انها تتكلم وايد
تبين الرقم؟؟؟

[الحلا كلة]

وانا بعد أبا رقم

[elsa7ra]

ما عندي اي فكره

[حلااايم]

اذا ممكن اانا ابغي رقم الحرمه .. و مب مشكله بتحمل سوالفها هههه

[ام غريبه]

مشكووورات بنات و الغاليه اريد رقم الحرمه ارسلت لج على الخاص

[السيده الصغيره]

مثل ما قلت لج (( بوظبي)) المحل اسمه ساندي وعنده اشيا حلوه وغريبه

انا من يوميين سرت وخذت من عدهم (3قمصان نوم+كريم) وطلع عليه بــ 845

عدهم قمصان بـ 300 وعدهم بـ 900 في اشياء اقل عن جيه وفي اكثر


يوم كنت هناك ،، دخلت وحده تبا تشتري وسالت هذ بكم ،، (قميص ينفع لأول ليله) قالت لها الفلبينه هذا بـ 1200 الحرمه اللي يايه تمت تتحرطم وطلعت :1 (19):


واذا تبين قطع لمخاويير سيري عند الامراء ولا عند شيخه شي كم محل عدال بعض هناك

واذا تبين اتفصليين اكسسوار باي بشكل انتى تبينه تقليد ذهب ولا الماس شي محل تحت ايسوي هالسوالف بيسوي لج العقد ويا الحلق ويا الخاتم والاسويره واذا تبين اكسسوار للشعر
واسعاره على حسب اللى انتى تطلبينه يعنى يمكن يطلع لج بـ 300 ولا 400 ولا 500
وفي مجال انه ينزل بالسعر شغله حلو ونظيف ^_^

[قطوة متحنية]

البنات ماقصرو يعطيهم العافية ..
انا رحت محل ساندي .. في اشيا حلوة .

[ام غريبه]

ما شاءالله البنات ما قصروا

مشكوووره السيده الصغيره
بس وين هالمحل الي يسوي اكسسوار؟؟؟؟

[ام غريبه]

حياكم الله يا حلوات
الي تعرف محلات لا تبخل علينا

[بائعة الكبريت]

مدينة زايد يعني مركز تسوق ويم مكانه بالضبط؟

[الياسييه]

عندج محل المارينا تحت حق العطوور عنده عطور أصليه وثابته نفس باريس غاليري

[الشموع]

أيوب في مدينة زايد عندهم قمصان نوم .... لانجري..أسعاره لجميع المستويات
$$$$$للعلم مره كنت أبى أشتري قميص نوم قطن طويل عندهم ....سألة الفلبينيه بكم؟؟؟ ,,قالت 85 قتلها نزللي عليه ما طاعت ........... ولا أشتريت لأنها ما نزلت من السعر........... سبحان الله حصلته في شويترتم تدروووووووووووووون بكم ...55درهم