بنتي وجفاف خدودها..

**أصغرالبنات** · 2009-10-26, 11:49

السلام عليكم والرحمه......

خواتي بغيت أسألكن بخصوص جفاف الخدود...

بنتي فديتها من انولدت وخدودها فيهن حبوب ودايما الخدود محمره...والحين عمرها 3 شهور..وخدودها مستويات جااااافات وحمر..ودايما تحكهن لدرجة يظهر الدم وخاصه وقت الرضاعه للعلم ارضعها طبيعي...واحاول قد ما اقدر اني اخلي القفازات في ايدها وارطب خدودها بأويل سيباميد...وديتها مرتين العيادة ولا فاد شي..يقولولي رطبيلها المكان ...

ياليت من أي وحده مرت بهالشي تعطيني الحل لأنها واااااااااااايد غامضتني...وقلبي يعورني عليها يوم اشوفها راقده وتبغي تحك المكان ومب قادره فديتها

المزيد من آخر المواضيع من نفس القسم:

**كابتشيتووو** · 2009-10-26, 12:57

هالحاله صارت ويا بنتي وديتها عن دكتو عادل المطاوع .. قالي عادي هالشي يستوي عند اغلبيه العيال ..

وقالي فركي جل جونسون ع ويهااا فليل يوم بترقد وغسلي ويهاا يوم بتنش الصيح عسب يرطب بشرتها ..

سوي هالطريقه وبتشوفين ف 3 ايام بتسوتي خدودها صافيه وناعمه ^^ ..

**أصغرالبنات** · 2009-10-26, 13:14

المشاركة الأصلية كتبت بواسطة كابتشيتووو

هالحاله صارت ويا بنتي وديتها عن دكتو عادل المطاوع .. قالي عادي هالشي يستوي عند اغلبيه العيال ..

وقالي فركي جل جونسون ع ويهااا فليل يوم بترقد وغسلي ويهاا يوم بتنش الصيح عسب يرطب بشرتها ..

سوي هالطريقه وبتشوفين ف 3 ايام بتسوتي خدودها صافيه وناعمه ^^ ..

تسلمييين فديتج عالرد وما قصرتي....ان شاءالله يفيد وياها

**زم_قمر_ان** · 2009-10-26, 13:21

فديتها الصغيرونه استشيرى دكتور جلديه احسن اختى

**صمت** · 2009-10-26, 13:29

انا حاسة بشعورج اختي انا ولدي جسمه كله جفاف و يحك ريوله و أذنه البارحة يصيح لاني يبي يحك اذنه و مب قادر لاني مقمطنه!!!
لا حول ولا قوة إلا بالله...

الله يسهل عليج اختي و يسهل علي دعواتكم

**سيدة جديدة** · 2009-10-26, 14:20

انا ولدي استوابه جي من تغيير الجو وحطيتله فازلين مرتين والحمدلله خاز يمكن اللي عنده كان اخف .
انصحج تحطينلها فازلين على طوول والله يحفظها لج ..

**ام بدر** · 2009-10-26, 14:49

الله يعنيهم هاليهال

انا بنت اختي جي فديتها

الحين عمرها 9 شهور وهيه على نفس الحاله

اول شي بدا في خدودها وبعدين راح جسمها كامل من كثر ما تحكه يتقطع

ما خلت لها دوا وله دكتور ما راحت عنده ما فاد

بالاخير قالولها هذا من حليب الام وكل ما بتكبر بيخف عنها

او يوم بتودرين عنها حليب الام

انتي حاولي تخلين ويها دوم مرتطب ..لا تخلينه جاف بيخفف الحكه

**؛؛ضما حبك؛؛** · 2009-10-26, 15:48

نفس الشي بنتي يوم كان عمرها اسبوعين عطاني الدكتور كريم حماية الوجه من سيبا ميد..والحين استحدملها كريمE45على شكل مرهم والحمدالله الحين فيها شويه وبيروح ان شاء الله

**أصغرالبنات** · 2009-10-26, 15:53

تسلمن خواتي على الردود الطيبه...

انا وديتها اليوم وعطتها الدكتوره مرهم اخلطه مع مرطب استخدمه لمدة اسبوع وان شاءالله يخف عنها....

**شوااقي** · 2009-10-26, 17:09

الغاليه انا ولدي كان مثلج .. وبنت خالتي قالها دكتور بنتها فبريطانيا انه تغسله المكان الجااف بصابونة دوف البيضاء وواناا من سمعتهاا جيه سيده سبحت ولدي وغسلته بصابون واستمريت عليهاا والحمدالله الحين تعالي شوفي ماافيه شي ..

**ام سالم** · 2009-10-26, 17:50

ما شيء شرت زين الناريل

امسحي خدودها به وكرري هالعملية مثلا 3 مرات في اليوم

وما عليها من شر

**أصغرالبنات** · 2009-10-26, 20:19

تسلمن الغاليات عالنصايح وماقصرتن...

**Mute** · 2009-10-26, 20:20

الله يشفيــــها يارب .....

احس ان السيباميد اويــــل ما يرطب .... لو تستخدمين فازلـــين الأطفــال أحسن

الله يعطيها العـــافيه ...

**::Just Me::** · 2009-10-27, 01:29

فديييتها والله ...

انا بنوووتتي جذي من يوم كانت في الاربعين ويوم وديتها قالولي حساسيه من الحليب.. مع اني اعطيها طبيعي ,, بس قالي لا تاكلين بيض ومانجو وبرتقال وعنب ... ووقفت هالسوالف وقمت كله ارطب وييها ورد وييها طبيعي .. بس من اسبوعين رد استوالها وبعد قالي من الحساسيه وفعلا كنت ماكله قبلها بيض ...

انتي دووووم رطبيلها ويهها وجسمها ... غيري الزيت ... انا يوم قمت استخدمه لجسمها زادت عندها الحساسيه ... الحين استخدملها اللوشن حق جسمها .. وكريم مال الويه ... كلهم سيباميد ... والزيت حق شعرها ... بين كل كم ساعه حطي في وييها .. واذا حسيتي انه ما فاد وديها عند دكتور شاطر والا مال الجلديه ...

والله يحفظها من كل شر ان شاء الله

الموضوع: بنتي وجفاف خدودها..

أدوات الموضوع

عرض

بنتي وجفاف خدودها..

المزيد من آخر المواضيع من نفس القسم:

المواضيع المتشابهه

اسهال وقيء وجفاف

إلي حابة اتنفخ خدودها تدخل

البرد وتشقق الشفايف وجفاف الجسم

عيالي وجفاف الجلد