مشكلتي بنتي

**روح ملاس** · 2009-10-25, 15:42

السلام عليكم وشحالكن يا بنات

انا مشكلتي بنتي عمرها 11 شهر وما تحب الحليب نهائيا متعوده على حليبي وبعد ماترضع مرضعه والحين طلعت حامل مب عارفه كيف افطمها غامضتني يوم تصيح يوعانه

عطني حلولكن لو سمحتن

المزيد من آخر المواضيع من نفس القسم:

**Bint Al Ali** · 2009-10-25, 15:46

ان شاء الله الامهات يفيدونج

و ان شاء الله تلاقين الحل

**روح ملاس** · 2009-10-25, 15:54

تسلمين على مرورج

**ام الودايم** · 2009-10-25, 16:21

حبوبة حطي مر على الحلمة وخليها تشرب بروها بتودره او حطي صبر اسميها بتلوع جبدها منه انا جي سويت حق بنتي عانيت اشوي وعقب خلاص استسلمت وعقب اروحها بتتعود على المرضعة

**بثـينه** · 2009-10-25, 18:15

الغاليه قولي الحمدالله هي احين في عمر تقدرين تأكلينها فيه ^^

أنا ما أحب سوالف التلويع والتخويف اللي يسوونها لليهال ^^

أنا ولدي فطمته يوم كان عمره 1 و ثلاث شهور لاني داومت وصحتي بدت تتدهور وهو ما كان يرضع من المرضعه مووول .. سرت وخذت له مراضع بأشكال وألوان حلوه وخليته يسير وياي واقوله شو رايك تبا هاي والا هاي صح انه ما يعرف وبيختار اي شي بس بيستانس ويوم بتسيرين البيت سويله فيها عصير مثلا او ماي بس مب حليب عسب يتقبل طريقه الرضاعه ^^ و لو ما تقبلها شرات الحبيب ولدي حطيله الحليب في اكواب اليهال اللي فيها مصاصه ^^ ارحم لهم من المرضعه وأسهل في التنظيف بعد ^^

أنا جذه قمت أسوي وخذت البيبات الملونه واعطيه كنت حليب فريش الصغار واحط فيه بيب او لبن واحط فيه بيب ويستانس عليه يحس عمره كبير ^^
ويوم كان يصيح يبا يرضع أقوله ما يستوي ما اقدر اطلعه و البس ملابس حلجها ضيج عسب ما يقدر يهجم علي خخخخخ ويوم بعد يوم بيتعود وبترتاحين ان شاء الله ^^

بس يبالج تصبرين عليها اشوي ..

هذا شكل الكاسات اللي أقولج عنها ^^

وما أوصيج نوعيلها بالألوان عسب تنغري عدل ^^

و الله يسهل عليج ويقومج بالسلامه ان شاء الله ^^

الموضوع: مشكلتي بنتي

أدوات الموضوع

عرض

العرض المتطور

مشكلتي بنتي

المزيد من آخر المواضيع من نفس القسم:

المواضيع المتشابهه

مشكلتي مع بنتي

مشكلتي مع بنتي ....

مشكلتي.... مع..... بنتي

مشكلتي في بنتي