سؤال محيرني ..؟!

[فنون الحب]

السلام عليكم اشحالكم عساكم بخير وصحه وسلامة ..


ابغي اعرف حزة النظرة الشرعية

يستوي البنية تطلع شعرها او قصتها ولا مايستوي ..؟!

انا سمعت حريم يقولن من حقه الريال يشوف البنية لانه يبا يتزوجها

لكن

اذا ماكان نصيب احس مب حلوة بحق البنية ولاشور ايكم ..؟!


اتريا ردودكم

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شيخه بمعانيها]

بالنظره الشرعيه بعده الريال غريب عنج كيف تظهرين شعرج .. ؟!
اظن مايستوي ؟!

والله اعلمـ ..


للرفـــع

[^حلـى قلبـي^]

مايستوي طبعا الريال غريب ماستوا ريلج !

[فنون الحب]

مادري والله

نتريا باقي الخوات يفيدونا

وتسلمين ع الرد ^^

[ورد البنفسج]

لا فديتج ما يستوي ..
ألا إذا ملج عليج ...

الله يوفقج

[فدوة الخاطر]

حطي الموضوع في قسم الفتاة المسلمه

[daimon_of_uae]

الغالية ... احسن اسألي اهلج (( خالتج , عمتج , بنات عمومتج)) شو سوا لانه كل عايلة واطباعها ... يعني مثلا انا دخلت مع خالي واخوي بس ماشي حريم وكنت لابسه عباة مسكره ومتحجبة كامل وبس جلوس وكحل في عيني...

اما فيه ناس يطلعون بكنودورة او بدله وحتى اوقات بدون شيله ... بس هذا كله على الاهل يعني اكيد امج بتخبرج كيف تباج تظهرين على الناس والريال ...

[UAQ_LADY]

حبوبه هني لبنات كل وحده بتقول رايها

بس المفروض انتي ماتسمعين راي فلانه وعلانه هذا شي من باب الدين اسئلي شيخ دين وهو بيفتي لج فالموضوع لاني انا سامعه شي بس ماقدر افتي فيه

[كلي برآءه]

انآ قآلوآ لي ظهري شويه من قدلتج ><+؛"

مع انه حسيت مب حلووه

بس هم قآلوآ لي ><"

[جموحي عزتي]

انا الي سمعته ,, انه يجوز انج تطلعين شعرج شوي من ورا مثلا خصلة او من جدام شوي بحيث ان يبين له انج مش متعمده وفي نفس الوقت عشان يعرف نوعية شعرج ,,, انا ما افتي ولكن سمعت

[الطرفالذبوحي]

هالشي ما يخصه باطباع كل عايله هذا من الشرع

واللي اعرفه انه يحق له يشوف ويهج وبس لانه بعده ريال غريب عنج

[عروس-_-2010]

شو في حبيبتي النظرة الشرعية هي ان هو يدخل عشان تشوفينه ويشوفج مب اكثر عشان تكونون مقتنعين من بعض

انا يوم خطوبتي يوم النظرة الشرعية دخل هو وكانو خالاتي وخواني ومرت اخوي فديتها واهله طبعا سلم ويلس وشافني وشفته وامي سألته كمن سؤال وخلاص

وكنت لابسة جلابية مغربية حلوة وبسيطة وشيله طبعا ومتحجبة

اعتقد ان ماله داعي تطلعين شعرج لان حرام

ووووووووووووبس

[ام قصـايد]

يستوي يشوف شعرج مب حرام


اذا ريولج لازم ما تغطينها شو شعرج


مب حرام عادي انا سالت يوم انخطبت وقالو مب حرام

[علوه]

مدري بس الي اعرفه انه عادي تطلع خصله بسيطه من شعرها عشان يتاكد انه مو فلافل وحتى اصلا لو فلافل الحين الاستشوار ما يقصر يعني ماله داعي تطلع اصلا الا اذا هو شارط بالبنت يكون شعرها ناعم مالت عليهم من زين شعورهم مفلفله وصلع بعد ولو شعره وحده فيهم تكون مقرمطه ومقصفه وبيضا بعد

[ملكة الوادي]

للرفع