المشاركة الأصلية كتبت بواسطة j.h.s
أنا ما قلت لا تشكون ..خذوا راحتكم ..هذا مب منتداي عشان أمنعكم
بس حبيت أعطيكم نصيحة تحافظون فيها على بيوتكم وأسراركم !
---
في العادة الواحد يوم يبي يفضفض عن مشاكله ..وين يروح ؟
- يصبر و يشكي لربه ..لأن محد راح يساعدج غير إلي خلقج وهو أدرى فيج من كل البشر ..
"لا تقل يارب عندي هم كبير..بل قل يا هم عندي رب كبير"
- أو يا اما يروح لشخص واثق منه ويكتم أسراره !
- أو يروح لشخص اختصاصي ..يقدر يحل مشاكله بالطريقه الصحيحة (مب على هواه ) .
--
بس الغريب ان البعض يعرض مشاكله في كتاب مفتوح يقراه مليون شخص من هب ودب !
ما أنكر ان في منهم إلي فيه الخير ..يدعيلج ويساعدج..-يزاهم الله خير -
بس النظام في هالمنتدى غريب شوي ..-كل شي على المكشوف - ..في باقي المنتديات اذا عندهم قسم يختص في المشاكل العائلية ..يكون هالقسم خاص بس يشوفه الأعضاء أو يكون خاص بس إلي يرد عليهم شخص اختصاصي !
---
بس تدرون حتى لو تكتب الوحدة باسم مستعار..
فرضا ..كتبتي مشكلتج في يوم من الأيام ..وانحلت بفضل الله ..
بعدين الأعضاء طوول ما يشوفون اسمج في المنتدى بتنرسم في مخيلتهم المشكلة إلي طرحتيها ..احس هالشي مب حلو من وجهة نظري
الوحدة تحافظ على صورتها وين ما كانت ..حتى لو في النت ..لأن عالم النت مب عالم خيالي استوى جزء من حياتنا اليومية ومن يوم ليوم هالجزء يكبر ويكبر..
