قصة نزولي من 83 الى 65 كيلو ^^

**Blo0owi** · 2009-10-20, 20:00

السلام عليكم ورحمة الله وبركاته

شو اخباركم يا متان... ؟؟؟ ياللي تبون تظعفون ..؟؟؟

كل وحده منكم اكيد حاولت انها تضعف وتسوي رياضه وتجاهد وتبعد عن الحلويات اللي تحبها و
الاكل اللي من برا و البرجر و......الخ ....
ورجيمات مالها اول و لا الها آخر ورياضه وخلطات وماشي فايده ....

(( وكله في الهوا .. يازيد جنك ما غزيت .. يومين وترد حليمه لعادتها القديمه..))

طبعا احب اوضح اني كنت انزل كل اسبوع ( كيلو و 400 جرام )

القصه

مع بدايه الصيف ..رحت اسجل في دورات وجي .. بس تفاجأت انه شي نادي رياضي في المركز وسجلت ...
كانت المدربه مصريه وجاده في اللعب .. حتى احيدها تمسك العصا وتهددنا اذا ما لعبنا او تعبنا وجي ..حشا جلاده خخخخخ طبعا كله بمزح

ومع التدريبات سألت المدربه شو سر النحافه ..... ليش في ناس ينحفون بطريقه سريعه
و تخليهم واااااااااااااو...

قالت : انا بعطيكي نصيحتين وما تفرطيش فيهم ابدا ... وكنت لما ما اطبق النصائح تعصب
و تشخط فيه الارض

خخخخخخخ ...المهم......

النصيحتين كانوا.....
1: نخلي نص ساعه بين الشرب و الاكل ... مثلاً : (( احنا متعودين انه نشرب الجاي او القهوه مع
الريوق اقصد خلال الاكل)) طبعا هذي اكبر غلطه ... والأصح انج تاكلين وبعد نص ساعه تشربين القهوه او الشاي ....

2: نتعشى الساعه 6 او 7 المغرب اقصى شي .... يعني مثل الاجانب .... شوفو الاجانب جسم ورشاقه
و صحه والسبب هالنقطه ....مش احنا... ناكل المغرب شوي و الساعه 10 شوي و مع السهر الساعه
2 شوي

....و الكرش و المتن ايي مني .. ونوزن بالميزان الصبح ونقول : ليش زدنا ولا ليش ما نزل الوزن ...

المهم انا كنت مخففه اكل ....لكن كنت آكل حلويات و كولا واشياء وايده و عندي يوم اجازه اللي هوه
يوم الجمعه كنت آكل اي شي بدون حواجز و بدون قيود( كنت اطلب من المطعم خخخخخ) ... يعني رجيم
عجيب غريب.... وفوق هذا كنت انزل بطريقه فظيعه...

الالتزام بالنقطتين اكثر شي كان فعال ....اكثر من تخفيف الاكل والرجيم

احب انوه اني سويت رجيم خاص فيني + رياضه من 3-5 ايام في الاسبوع + تطبيق النقطتين اللي
قلت لكم عنها....

ملاحظه الجسم ما يتغير بعد الرجيم و الرياضه .. يعني كملت سنه وانا ما تغيرت .. بس بعدها بدا
يزيد شوي شوي ......

اتمنى التفاعل في الموضوع والتعليق واذا تبون تسألون عن شي ..

واذا شفت تفاعل بنزل موضوع خاص بالرجيم ^^ ...

المزيد من آخر المواضيع من نفس القسم:

**حنكوووشة** · 2009-10-20, 20:05

انا كنت شراتج وما اخربط من بديت اخربط زدت 10 كيلوووو وبعدني على الخربطه

ان شاء الله برد لرياضه والدلع والرشاقه

وبالتوفييييييق في حياتج

**Blo0owi** · 2009-10-20, 20:07

المشاركة الأصلية كتبت بواسطة حنكوووشة

انا كنت شراتج وما اخربط من بديت اخربط زدت 10 كيلوووو وبعدني على الخربطه

ان شاء الله برد لرياضه والدلع والرشاقه

وبالتوفييييييق في حياتج

لا تستانسين وايد ... لاني رديت ل80 كيلو والسبه الحمل *_*

10 كيلو قبل الحمل والبقيه تأتي ...طبعا انا ما حطيته الا عشان الفايده ..

يعني لدرجه ان الكل ما عرفني... خصوصا جسمي انحت وكنت البس اكسين لارج .. ولبست ميديوم لارج بعدها ...

**طيفك يعذبني** · 2009-10-20, 20:06

مبرووووووك عليج النيو لوك..

عاد سالفه الرجيم لا تتخبرين انا أكثر وحده تخرب يوم بس احط نيه اني بسوي رجيم يستوي العكس ..

بس مشكله اللي بعد الرجيم يعني الجسم ما يشد

<<< صح اضعف بس الجسم ما يشد

اتعايز اسوي رياضه..

انزين عندي سؤال شو احسن رياضه حق شد الجسم كله؟؟

واتريا الرجيم <<< اريد اكون نيو لوك شراتج..

**Blo0owi** · 2009-10-20, 20:52

المشاركة الأصلية كتبت بواسطة طيفك يعذبني

انزين عندي سؤال شو احسن رياضه حق شد الجسم كله؟؟

واتريا الرجيم <<< اريد اكون نيو لوك شراتج..

الرياضه المناسبه مشي مع ايروبيك

**الهرمودي** · 2009-10-20, 20:09

مبروووووووووووووووووك عليج وشجعتيني

**فراولة_** · 2009-10-20, 20:38

ماشاء الله

يزاج الله خير تفيدين خواتج^^

خبرينا شو الي امتنعتي عنه من اكل وشو الرياضه الي سويتيها

**الـدمـانـي** · 2009-10-20, 20:41

تسلمين حبيبتي والله النقطتين فعلااا مهمااات

وانا احاول قد ماقدر اطبقهم ..

ربي يوفقج وجزاج الله كل خير ^_^ ..

**الياقوتة10** · 2009-10-20, 20:44

احسن رياضة المشي السريع من 20 الى30 دقيقة يوميا او5 ايام بالاسبوع

**maithoo** · 2009-10-20, 21:10

انا باديه رجيم عقب اسبوع بكمل شهر وانشالله بظيف هالخطوتين والحمدلله محافظه على الرجيم والرياضه

ادعولي

**رورو الامارات** · 2009-10-20, 21:16

كم مدة الرياضه ألي اتسوينها وشو اسم المركز ااالي كنتي اتسوين فيه الرياضه

**Blo0owi** · 2009-10-20, 21:21

المشاركة الأصلية كتبت بواسطة maithoo

انا باديه رجيم عقب اسبوع بكمل شهر وانشالله بظيف هالخطوتين والحمدلله محافظه على الرجيم والرياضه

ادعولي

موفقه ... لا تنسين الرياضه ... لانها تشد الجسم ... واذا انتي تسوين الرجيم بدون الرياضه بيترهل الجسم وما ترومين بعدها انج تشدين .. وما بيكون حل عندج غير الاثقال تعبين الفراغ .. او المتن مره ثانيه ... ^^ ...

المشاركة الأصلية كتبت بواسطة رورو الامارات

كم مدة الرياضه ألي اتسوينها وشو اسم المركز ااالي كنتي اتسوين فيه الرياضه

انا كنت اروح نادري في العين ,, ( ليدي لاند للرشاقه ) في التنميه الاسريه بس اللي سمعته سكروه وردو فتحوه مره 2 ...

اما الحين انا بروح نادي الرياضه اللي في التنميه الاسره اللي في الضباط

**رورو الامارات** · 2009-10-20, 21:24

كم المده ألي ضعفتي فيها فديتج وكنتي تاكلين حلاوه ولا لاء بعض الاوقات

**Blo0owi** · 2009-10-20, 21:35

المشاركة الأصلية كتبت بواسطة رورو الامارات

كم المده ألي ضعفتي فيها فديتج وكنتي تاكلين حلاوه ولا لاء بعض الاوقات

كنت آكل حلاوه و اشرب بيبسي و اسكريم .. وشبه يومي .. يعني الاكل اللي آكله .. كان عادي ..بس اللي يحكمني الوقت و الكميه .. يعني آكل بوقت محدد و كميه محدده ..

والمده هيه شهرين ونص

**بنت الأمل** · 2009-10-20, 21:41

وايد حمستيني

لوسمحتي ابا اعرف اكثر

ياريت تنزلين نظامج

الموضوع: قصة نزولي من 83 الى 65 كيلو ^^

أدوات الموضوع

عرض

العرض المتطور

قصة نزولي من 83 الى 65 كيلو ^^

المزيد من آخر المواضيع من نفس القسم:

المواضيع المتشابهه

حرارات براديب البيضاويه المزخرفه ( 6 كيلو و 5 كيلو ) كامل ستيل

الجزء 2 : ريجيم بدون ريجيم(بالصور) ... بعد نزولي 17 كيلو في الجزء الأول .. حياكم

لا يفوتكم العرض خلطت التسمين كل كيلو عليه نص كيلو هديه