إعتذار

**MoOon_14** · 2009-10-19, 17:19

السلام عليكم و رحمة الله و بركاته

حبيت اعتذر على اللي صار يوم الجمعه , يوم نزلت موضوع عن مدرستنا

لنه انا قلت انهم ما يهتموا الا بعيال المعلمات , لكن انا ما جفت هالشي بالمدرسة , يعاملوني أحسن معامله

و وقت ما يصير شي اجوف الكل وياي , يعني ما شي فرق بينا و بين أي حد ثاني , و المدرسـة ما مقصره بشي ..

و أعتذر للمديره لأني ما جفت منها أي شي , و هيه وايد ويا البنات , و خاصه وياي انا ..

بكل شي تكون وياي عمرها ما سوت لي شي , و الموضوع اللي نزلته كان بضغط كبير من البنات ولا اناا ما كنت بكتب شي بالمره

و الله ما جفت اي شي من المدرسة و المديره تجااهي , بالعكس طيبه و مهتمه بكل شي بس انا ظلمتهاا وايد , و الاعضاء ردودهم كانت كبيره بشكل فظيع

بعمرها ما غلطت ع اي بنية بالمدرسة , و كل شي لمصلحتنا نحن ..

عشان ما انكون مثل بقية المدارس , هيه بس حابه انها تخلينا غير عن البقيه و نكون الاحسن بكل شي

و الله العظيم انه المديره غير , و المعلمات كل شي يسووه لمصلحتنا ..

و و الله انه هذا الكلام صح مب مثل المره اللي طافت ,

المزيد من آخر المواضيع من نفس القسم:

**امبراطورة** · 2009-10-19, 17:31

حبيبي انتي لو شوو ماضغطوا عليج المفروض تعارضيهم

ماتروحي وتكتبي مثل هـ الاشياء وبعدين تقولي انه ضغط ماضغط

هـ المدرسة فضلها كبير عليج لو شو سوت.,, انا كنت موجودة بهالمدرسة

وماشفت اي تقصير من اي ناحية من المعلمات الموجودات ولا الادارة

الله يذكرهم بالخير بس .,, وبعدين لاتقارني مدرستنا بمدرسة ثانية

ع قوولتكم مدرسة دبا ارحم >> ليش انتو دخلوا شفتوا شو يصير فيها شوو؟

هاييل المعلمات يحاولووا ع البنات والبنات مامنهم فايدة

اصلا المفروض تفتخرين بمدرسة ما تكتبي مثل هـ المواضيع عنها لو شوماصار

عشااااااااان كحل وعشان سويرة ومادري شو قمتوا تقولوا عنهم جيه

ها بدال ماااا تشكروهم انهم يخافون عليكم تقوموا ترمسوا عنهم جيه !!

الله يعطيهم العافية الصراحة ماقصرو.,,،،

**ღ ღBentZayedღ ღ** · 2009-10-19, 19:11

بتمَ مدرستيَ عشتَ فيهآ 6 سنوآتَ ،
آآه والله ادريَ بحن لهآييج الايآمَ . .

ان شآء الله تعُود الميآه لمجآريها !

**nuara111** · 2009-10-19, 19:31

سبحان الله تغير انطباعج عن المدرسة في 4 أيام بس!!!

**Mįşš●Ċlaśŝįč** · 2009-10-19, 20:28

شو السالفة ما فهمت

**أم موزة 10** · 2009-10-19, 21:57

هذا دليل ان المدرسة ضغط عليكم في كل شئ ...ولاكيف غيرت أقوالج من الذم الي المدح
واضح ان كلامج هذا موب من قلبج ....انت مجبورة علية
هذا الي حسيته من قريت كلامج ..أختي نصيحة لاتخافين في الحق لومة لاءم ..وخليج صادقة مع نفسج حتي تكونين صادقة مع الاخرين

**عيووووون** · 2009-10-19, 22:08

شو السالفة منو ضغط عليج؟؟؟؟؟؟؟؟؟؟؟؟؟؟؟؟
معقوله تغيرت اقوالج بهالسرعه

الله يعلم ما في النفوس بس خلج صاحبة موقف وثقه

**هند سلطان** · 2009-10-20, 01:29

للرفع

**بشايررر** · 2009-10-20, 05:18

المشاركة الأصلية كتبت بواسطة أم موزة 10

هذا دليل ان المدرسة ضغط عليكم في كل شئ ...ولاكيف غيرت أقوالج من الذم الي المدح
واضح ان كلامج هذا موب من قلبج ....انت مجبورة علية
هذا الي حسيته من قريت كلامج ..أختي نصيحة لاتخافين في الحق لومة لاءم ..وخليج صادقة مع نفسج حتي تكونين صادقة مع الاخرين

راي من رايج

**غصب البان** · 2009-10-20, 11:10

حبيبتي انا احس ان في حد جتبرنج اتقولين هالكلام بس لا تخافين من حد خليج على موقفج

**aroma_girl** · 2009-10-20, 12:05

لا تخلين حد يجبرج على تغيير كلامج انتي عاقله ولج رايج

انتي ما سبيتيهم انتي عطيتي رايج وهالشي مب حرام

واذا المديره الفاضله والمدرسات العزيزات ما يرضن بالنقد هاي مشكلتهم اتم ولازم يحاولون يطورون من المدرسه والطالبات وكل شي

النقد البناء ما عليه كلام ولو كان جارح

لكن لا يصل للضغط انج تغيرين كلامج ها معناته لو حد ضاغط عليج الشخص الثاني ديكتاتوري بمعنى الكلمه ويمارس سلطته للتحكم باشياء ماله حق فيها مثل النقد لو كان بناء

انا ما احط على حد بس لو كان ضغط من اشخاص فالله يرى ..

مهما كان انتي طالبه صغيره ولا يجوز انه حد يضغط عليج بهالطريقه لانه بيأثر على سلوكج

اتمنى انج اصارحينا لا تخلين اي ضغط يأثر عليج

**ام وعووودي** · 2009-10-20, 12:31

شوالسالفه؟

الموضوع: إعتذار

أدوات الموضوع

عرض

إعتذار

المزيد من آخر المواضيع من نفس القسم:

المواضيع المتشابهه

من أجل المصداقية _ _ إعتذار

ٍِْ{ رسالهـ إعتذار إلى ... }َِْ

....... الوداع وبدن إعتذار ......

إعتذار لأم خلوف ....