ابي ارئكن والخيانه الزوجيه!!

**اوتار الظلام** · 2009-10-19, 11:26

من العنووان عرفتن شو اقصد !؟

انا واايد اشوف وبكثره فالمنتدى بنات يجولن ان ازواجهن يخونهن في الظهر (طعنه) ----> طب ليش؟!

سؤال يدور ف بالنا صحيح ليش!؟ الخيــانه الزوجيه ليش!؟

اجولكن اولا مافي ريال ما عنده علاقه قبل الزواج سواء علاقه سطحيه او عميقه ؟!

حتى الي مافيه عقل صدقني يريد يسوي علاقه ----> واحد مجنون من حارتنا كل مره يحب وحده ويطاردها شو بالكن بالعاقل....

طيب ليش ؟ هذي فطره فالريال يحب التغيير ويحب يستكشف ... بس الريال القوي المؤمن الي يخاف الله ما بيفكر انه يسوي علاقات محرمه .. لانه ايمانه قوووي بالله.

زين الاسباب الي يخلي الريال يخون زوجته؟!اهله؟؟

- يمكن-
- الزوجه غير مهتمه ف زوجها وخااصه عندها عيال ومسؤليه
- الزوجه مالها رغبات جنسيه.
- الزوجه ما مهتمه بنفسها.
-الزوجه ما تقول له كلام غزل.
- الزوجه عنيده.
- الزوجه جاهله.
- الزوجه .........والزوجه......

تتعدد الاسباب؟!

بس يبقى الشي الي نريد نحله وهو الزوج؟؟

كيف بنساعد انفسنا وصديقاتنا واهلنا وقريباتنا؟؟!!

كيف نتخل من هالشي؟؟

خلاص يمكن صار الزوج متعود ع العلاقات؟ تسري بدمه مايقدر يقطعها؟يحس بفراغ؟ عطشان؟بس مايفكر بزوجته الي ممكن تعوضه ؟؟

انا براي ان الزوجه: اذا شافت زوجها من البدايه فيه عيووب او اخطى يسويها؟ ماتسكت ع طوول تتناقش معاه لانه اذ سكتت بتتفخم المشكله وبيتمادى؟ اكثر واكثر؟؟
فنبي نتحدى ضد الريال؟؟ ونغير من انفسنا وازواجنا؟؟
فمن المسؤل؟
وشو السبب؟
وشو الحل؟برايكن؟؟

المزيد من آخر المواضيع من نفس القسم:

**جميلتي** · 2009-10-19, 12:03

انا في رايي فديت هالبنوته اللي في التوقيع ^_^

مممممم

في رايي مثل ماقتلي لازم الوحده ماتسكت عشان مايبالغ الريال

وغير ها الزوجه لازم تهتم بنفسها اكثر وتدلعه وتسوي اغراءات ^^

وتغار عليه وتهتم فيه وتسمع شوره لو يبغي شي تسويه^^

**على خطى السلف** · 2009-10-19, 12:12

شوفي اختي والله ترى ما يخصه الاهتمام و الدلع لزوجج هذا سبب الخيانية لاااااا

في أزواج تعودو انهم يسولفون مع بناات من قبل الزواج و هذا شي فطري عندهم يعني لا تحطون ف بالكم انكم مقصرين في حقهم ،،حتى شي بناات يرمسون ريااييل و السبب تعودو ع هالشي

**اوتار الظلام** · 2009-10-19, 12:30

بس هالشي خطى اختي لازم مايتعودوون لانهم خلاص صارو متزوجين في رباط مقدس وعهد ووعد عليه امام رب العالمين .. فلازم ينسوون هالخرابيط الي تعودو عليها... لانها تسبب مشاكل.. افترضي لو الريال كشف حرمته انها ترمس ريال والحرمه نفس الشي اكتشفت ريلها انه يرمس بنات شو بيصير يعني عاادي بين الطرفين انت عيش حياتك وانا نفس الشي بعيش حياتي مالك خص فيني لا حبيباتي شي خطى طبعا ومافي ريال يعرف ان زوجته ترمس شباب بيسوي لها سالفه طويله عريضه مالها اولا ولا تالي ام اهم الشباب فعادي عندهم انزين خاف ع حرمتك عن اتخونك من وراك مثل ما انت تخونها ....

**كنه الشامسي** · 2009-10-19, 12:30

موضوع يقهرني .....

كل حد يشوف حديقة ياره احلى عن حديقته ،،، لو كانت حديقته متروسه ورود

ماااااااااااااااااااااااعرف ليش الزواج إذا هو خاين قبل ما يعرس ... ما عرف ليش الخيانه و زوجته الكل يثني عليها

اعرف واحد لما سألوه قال زوجتي كاااااااااامله و ما بحصل شراتها من جمال و اهتمام و اخلاق و تربية عيال بس في خاطري اغير .....

**دهن_العود** · 2009-10-19, 12:51

مب شرط الزوجه اتكون مقصره فالريال

**اوتار الظلام** · 2009-10-19, 12:52

وخاااااااصه في بنات يعرفن ان اخوانهن يكونوا ع علاقه مع بنات طب ليش ماتنصحيه عشان بعدين بيستمر ع هالشي

لين يتزوج ... ماشي رقابه ذاتيه بنفسه مافي رقابه ومخافه من الله

**noor AlAin** · 2009-10-19, 13:06

موضوعج وايد حلو

بس انا مع الاخت على خطى السلف لانهم شباب هالزمن والاغلبية متعودين يكلمون بنات قبل الزواج وما يبون يتقيدون بحرمة وزواج ومسؤلية
ومب دايما الغلطة والقصور من الزوجة

بس الزوجة لو عرفت ريلها يخونها المفروض ما تسكت عشان ما يتمادى اكثر وتتناقش معاه بعد عشان يعرف ان حرمته تعرف بكل حركاته مب وحدة ساكتة وما تعرف شىء

مشكورة اختي على الطرح..

**دمعتي الحزينه** · 2009-10-19, 13:09

العالم بيوقف ولا بتلقين حل حق خيانة الريال ترى محلل له اربع الشرع حلل وهذا عنوانهم كل ماقلتي شي قالوا الشرع حلل.... تعب وقهر خلونا نعيش حياتنا بحلوها بعيد عن هالقهر ....

**صفوويه** · 2009-10-19, 13:09

أناا مره كشفت وااحد معرس يخوون زوجته مع العلم انه توووووووه مااخذنهاا ماصاارله كمن شهر وحليلهاا شكلها توها تتوحم

قلت له ياافلاان ليش تخوونها والله انها هب مقصره ويااك

قالي من الحين لين تربي بتنشغل مع ولدهاا وبتنساااني >>> مااقتنعت الصرااحه

ويلست اززززن ع راااسه ليش وليش ..؟؟ قاالي صدق ماابحصل الاهتماام الي اريده فبدووره عند غيرهااا مؤقت

**Diory** · 2009-10-19, 13:21

وايد عندي كلام
بس اكتفي بــ اني اقول:
حسبي الله نعم الوكيل في كل ظالم ^_^

**Asrar al7ob** · 2009-10-19, 13:23

الزوج كلب سواء خان او لا

**سراب الشارجه** · 2009-10-19, 13:34

الله يهدي الجميع

ولكن خيانة الزوج مب معناها نقص في الزوجه شي رياييل يخونون حريمهم مع اللي اقل منهم جمال ومفاتن واسلوب

والله يبعد كل ريال مسلم عن الحرام

**ميثانو** · 2009-10-19, 13:34

وليش عندكم مبدا انه يمكن من الحرمه
وليش مايكون فيه قلة وازع ديني
وليش مايكون الغلط منه انه شخص مو شبعان ...لعاب
وليش كله عندكم مبدأ انه الحرمه اللي خانها ريلها ماتسبح ولا فيها نقص
ولا فيها وفيها وفيها .................................!!!!

في شي اسمه الخيانه مخلفه عليه
فيه شي اسمه الخيانه في دمه
في شي اسمه قلة وازع ديني
في شي اسمه مدمن جنس
في شي اسمه الشيطان شاطر

ونفس ماقالت الاخت الزوج كلب يعض من لفه وصانه مافيه اي نوع من الوفا
حتى بنظراته لما تميشين عداله يكفيج خيانته بالنظر

**salamh** · 2009-10-19, 13:37

مب شرط الزوجة مقصرة بالعكس تكون فى قمة الجمال والادب والدلع والرومنسية وزوجها يكلم ولة علاقات اشكال والوان مع حريم ولا بنات والعذر ان الريال يحب الزين والتغير الله يصبرنا بس

الموضوع: ابي ارئكن والخيانه الزوجيه!!

أدوات الموضوع

عرض

ابي ارئكن والخيانه الزوجيه!!

المزيد من آخر المواضيع من نفس القسم:

المواضيع المتشابهه

مابين الحب والخيانه ..~

أروع ما قرأت عن الحب والخيانه

المرض والخيانه

سفر الزوج والخيانه

كلمات في الحب والخيانه.......