شوفوا شو سويت

**أم الوحيد** · 2009-10-18, 12:08

انا اخر بنت عندي عمرها 4 سنوات والحين قررت احمل وخذت حبوب كلوميد المنشطة 5 علب 3مرات ف اليوم ( مع العلم ان كل حمالي طبيعي وماعندي اي مشاكل ف الحمل)، وعقب ماخلصت الكمية كلها بكم يوم حسيت بألم ف المبايض وسرت للدكتوره وحرجت عليه لان الكميه وااايد كبيره وانا المفروض مااخذه لان ماعندي مشاكل في الحمل وقالتلي كيف الصيدلانية تعطيج بدون وصفة طبيب؟، وقالتلي الدكتوره انا اذا بنصحج بعطيج علبه وحده بس ومرتين ف اليوم ، المهم سوتلي سونار وشافت ان سبب الالم تكون 5 اكياس ف الرحم وان للحين الحمل مش واضح وان انتظر عقب موعد الدورة بيومين يعني عقب اسبوع وارجعلها وعن الاكياس قالت سواء في حمل او الدورة نزلت الاكياس بتنزل طبيعي ، وان المفروض الحين اتحمل على نفسي زييين مازين لحد مايتبين الحمل، لان الاكياس ف هذي المرحلة ممكن تنفتح واذا انفتحت لااازم عملية جراحية علشان يشلونها . طبعا انا ندمااانه ع الغلطة اللي ارتكبتها والحمدلله الله ستر ، وسؤالي لكم خواتي حد صارلها مثلي ؟ او حد سمع بهاالاكياس؟ وهل اذا صار حمل بتتكون اجنة ف كل الاكياس ولا شو؟ ردوا علية الغاليات ابا اطمن لاني سألت الدكتورة وماطاعت تجاوبني ماأدري ليش

المزيد من آخر المواضيع من نفس القسم:

**أميرة2009** · 2009-10-18, 12:11

الغالية شو تقصد الدكتورة بالأكياس يعني أكياس البيبي
أو تقصد تكيسات في الرحم

**أم الوحيد** · 2009-10-18, 12:18

المشاركة الأصلية كتبت بواسطة أميرة2009

الغالية شو تقصد الدكتورة بالأكياس يعني أكياس البيبي
أو تقصد تكيسات في الرحم

لا الغاليه مش تكيسات ع المبيض الدكتوره تقول هذي اكياس فيها ماي علشان المنشطات اللي خذتهم

**كارهة حياتي** · 2009-10-18, 12:12

ماعندي اي خلفيه عن الموضوع

**زهرة السوسن** · 2009-10-18, 12:13

انا سمعت من وحده من ربيعاتي ان دكتور بالغلط عطاها كلوميد لمدة 3 شهور كل يوم حبه وبعد ما خلصت سارت عند دكتور ثاني في لبنان قالها منوه الا قال لج تستخدمين هاي الادوية قلت له دكتور عندنا في الامارات قالها بسبب الكمية الكبيرة من الكلوميد صار عندج 15 كيس ع المبيض ولازم عملية عشان استئصال الاورام ....

وانا لما سرت عند الدكتورة عطتني بس علبه فيها خمس حبات قالت لمدة خمس ايام بس ولا تنعاد الا بعد فترة طويلة

**أم الوحيد** · 2009-10-18, 12:43

المشاركة الأصلية كتبت بواسطة زهرة السوسن

انا سمعت من وحده من ربيعاتي ان دكتور بالغلط عطاها كلوميد لمدة 3 شهور كل يوم حبه وبعد ما خلصت سارت عند دكتور ثاني في لبنان قالها منوه الا قال لج تستخدمين هاي الادوية قلت له دكتور عندنا في الامارات قالها بسبب الكمية الكبيرة من الكلوميد صار عندج 15 كيس ع المبيض ولازم عملية عشان استئصال الاورام ....

وانا لما سرت عند الدكتورة عطتني بس علبه فيها خمس حبات قالت لمدة خمس ايام بس ولا تنعاد الا بعد فترة طويلة

نزين وعقب ماخذتيهم شو صار؟ يعني حملتي؟

**شوق وبس** · 2009-10-18, 12:37

الله يرزقج بالذرية الصالحة انشالله

بس الله يهديج اللي سويتي الغلط بعينه
دايما سوء الاستخدام في اي شي يؤدي إلى نتيجة سلبية
فما بالج الادوية .. الحمل بيي انشالله لو حتى ما خذتي ادوية

هالمواضيع يبالها مراجعة مع الدكتورة ومراقبة البويضات

وانشالله قريب نسمع بحملج انتي واللي يتمنون الحمل

**أم الوحيد** · 2009-10-18, 12:50

المشاركة الأصلية كتبت بواسطة شوق وبس

الله يرزقج بالذرية الصالحة انشالله

بس الله يهديج اللي سويتي الغلط بعينه
دايما سوء الاستخدام في اي شي يؤدي إلى نتيجة سلبية
فما بالج الادوية .. الحمل بيي انشالله لو حتى ما خذتي ادوية

هالمواضيع يبالها مراجعة مع الدكتورة ومراقبة البويضات

وانشالله قريب نسمع بحملج انتي واللي يتمنون الحمل

ادري فديتج والله اني ندماانه بس ماادري شوهالاكياس؟؟؟؟؟؟؟؟

**غزلان-22** · 2009-10-18, 12:42

الله اعافيج يا رب

**أم الوحيد** · 2009-10-18, 12:52

المشاركة الأصلية كتبت بواسطة غزلان-22

الله اعافيج يا رب

مشكوره الغاليه

**حليوه وقدع** · 2009-10-18, 12:46

الله يبشرج باللي فيه الخير لج يارب ..

وتحملي على نفسج

**أم الوحيد** · 2009-10-18, 12:52

المشاركة الأصلية كتبت بواسطة حليوه وقدع

الله يبشرج باللي فيه الخير لج يارب ..

وتحملي على نفسج

أميييييين الغاليه

**أم أسما** · 2009-10-18, 12:54

الله يعافيج .. ويجدم اللي فيه الخير

تحملي على عمرج

**أم الوحيد** · 2009-10-18, 12:57

المشاركة الأصلية كتبت بواسطة أم أسما

الله يعافيج .. ويجدم اللي فيه الخير

تحملي على عمرج

مشكوره الغاليه

**منى&فطوم** · 2009-10-18, 13:25

الله يهديج كيف تاخذين وخصوصاً هذي الادوية بدون وصفة طبيب...غلطة الشاطر بألف...!
الله يشفيج ويسهل عليج وتنزل وما تحتاجين لجراحة...!
الله يرزقج ويرزق المسلمات الذرية الصالحة..!

الموضوع: شوفوا شو سويت

أدوات الموضوع

عرض

العرض المتطور