ابوي يبي يزوج اخوي

[أم زيودي]

هلا خواتي

نحن الصراحة نمر بمشكلة والسبه الوالد الله يهديه ان شااء الله

القصة وما فيها ان الوالدة الله يحفضها من دولة مجاورة وخالتي الله يرحمها ماتت من سنة تقريبا وودرت ولدين متزوجين وبنتين وحده متزوجه والثانية لا عمرها 22 سنه وريلها اساسا كان مطلقنها قبل لا تموت.... بعد وفاتها ولد خالتي خطبها ولبسووا دبل يعني بدون عقد قران والولد بناله ملحق كبير للعرس ويالس يرتب امووره .. امي كانت في زيارة لبلادها وشافت بنت خالتي اليتيمة وااايد مضعفة قالت لها اشفيج قالت من اليلسة ارووحي فقررت امي تييبها وياها بلادنا تغير جوووو وفعلا اقنعت اخوانها ويابتها وياها ,, والحين اهي في بيتنا من 3 شهور وخلاص بتسافر هالاسبوع .. المشكلة ان ابووووي وايد اعجب فيها الحق ينقال انها قمة في الادب والاحترام وقرر انه يخطبها لاخوووي.. طبعا اخوي هذا ما يشتغل وعمره 22 بعد ويبيله 3 سنين اللين يخلص الكلية وابووي اونه يبي يزوجه ويصرف عليه وعلى عياله وحرمته ويدفعله مهره وكل شيء تقريبا

طبعا ابوووي شاور امي وامي قالتله شاور بناتك ونحن اشتطينا لان اخوووي حاليا مب جاهز للعرس ونحن ضد سالفه ان ابوووبي يزوجه لازم يعتمد على نفسه هذا غير ان البنية مخطوبة يعني خطبه على خطبه ما يجوووز

بس منو يفهم الوالد ... لا واللي يفشل ان ابوووي رمس جدام البنية ونحن سكتناه والحين يتشاور يرمسها رسمي

يانااااااااااااااس شوفولنا حل والله بنتمشكل ويا بيت خالتي اولا وثانيا الولد الحين مو جاهز والله اخاف عقب كمن سنة يكبر ويقووول انتوا زوجتوني انا ابي اخذ عليها

مع العلم ان ابوووي رمس اخوووي وهو ما عنده مانع ... طبعا زواجه ببلاش

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية