رحلة البحث عن زوجة أخ ...

**روح سعيد** · 2009-10-17, 21:58

هلا حبيباتي..

عنوان موضوعي مبين من عنوانه حبيت أناقش معاكن بجد عن موضوع الزواج
بما انكن بنات ثانويه وبعدكن كتاكيت حبيت أعرف كل وحده فيكن كيف تفكر بهذا العمر لو خطبها
واحد ورفضته لأسباب تافهه ..

شو برايج الاسباب اللي تخليج تأجلين فكرة الزواج ..خلينا نقول بعض الأسباب:
أولاً: أكمل دراستي
ثانياً: بعدني صغيره على الزواج
ثالثاً: ابغي أضمن الشهاده وبعدها الوظيفة
رابعاً:الزوج ما راح يوفر لي كل اللي بخاطري(( وهذا هو السبب الجوهري بالنسبه للأغلبيه))

بنات أنا حالياً بصدد كتابة بحث عن أسباب عزوف الفتيات عن الزواج
وأنا نفسي مستغربه من فئة من بنات عايلتنا في الثانويه يعني من عماركن ورافضين فكرة الزواج نهائياً .... ليش يا حافظ شو صاير؟؟؟؟ أنا على ويهي علامة استفهام كبيره

في العرس تكشخ وتتعدل عسب الحريم يشوفونها واحتمال يصير نصيب ولو دقوا باب بيتهم وخطبوها من أهلها قامت وقالت لهم

ما أبغي أعرس هذا الفلان ما عنده بيت بروحه ......أو تفكر كم يوم
والولد يتريا الرد على نار وترد حضرتها عقب ثلاث أسابيع هذا اذا مش شهر وتقول

والله أنا
استخرت وشفت كوابيس فضيعه في الحلم عسب جي انا مش موافقه....

وحالات اكثر عن جي ما لها اي مبرر وانا بصفتي بنت 19 سنه راح اقولكم اني انخطبت وعمري 17 ووافقت على طول مش عشاني مطيوره على العرس ولا عشاني كنت على علاقة حب وغرام معاه مثل ما أرسلوا لي بعض البنات على الخاص الله يهديهن ويصبح بالهن....

لا أنا وافقت عليه عشانه ريال وطالب انه يعف نفسه ويكمل نص دينه وطلب ايدي من أهلي عشانه راغب في اني اشاركه حياته وانا بدوري ما رفضت بالعكس كل امورنا تيسرت وبعد خطوبه دامت سنتين راح تكون ملجتنا ان شاء الله ثاني أيام عيد الأضحى المبارك ادعوا لي الله يتمم ملجتنا على خير
وعقبال كل العزابيات....

وترا الزواج أجمل من اللي تتصورونه مش حرب خايفه منها ومجهزه حقها كل اساليب الدفاع والهجوم ...

راح اكلمكم عن شباب من فريجنا أعمارهم بين ال21 وال 25 يدورون عن عرايس بس للأسف رحلة البحث عن عروس طلعت أصعب من المتوقع مع ان اثنين منهم ضباط ومن عايله محترمه وواحد متخرج من جامعه بريطانيه وما عليه كلام ما شاء الله عليه والاثنين الباجيين وظايفهم حكوميه وزينه بس البنات اللي يخطبونهم يطلعون حجج من تحت الارض عسب يرفضون او تصير خطبه بس عقب تقول البنت ما ابغي أتزوج ..الظاهر البنات اللي معنسات بعمارهن ...

ما أعرف شو أكتب ...أصلاً ماشي فايده من طرحي للموضوع ...
بس أتمنى من كل بنت ما تتردد لما يتقدم لها شاب صالح وأخلاقه طيبه وطالب العفه والارتباط..

((أرجو من الله العلي القدير أن يحفظ كل بنات وشباب المسلمين ويهديهم ويصلح أحوالهم وادعوا لي اني أحصل بنت الحلال حق اخوي اللي تسعده وتهنيه ياااارب )) وانا ما كتبت الموضوع الا من القهر اللي شفته من بعض الناس اللي خطبنا من عندهم واقصد بكلامي فئة البنات اللي على رووسهن ريشه وفاهمين فكرة الزواج بالغلط.....

السموحه اذا طولت عليكن واتمنى اني ما ضايقت أي حد بكلامي.....

اختكم :: رووح سعيد

المزيد من آخر المواضيع من نفس القسم:

**Miss_Gucci_AD** · 2009-10-17, 22:04

تسلمي ع طرح الحلوه
انا ماعرف ليش جي يسون اذا بنت ما يتقدمها حد تقول ابا ريل واذا تقدم اطلع حجج
عنى انا انخطبت وملجت وعرست وانا عمري 17 والحمدالله مع ريلي 3 سنين (قولي ما شالله)خخخ

**jameela200** · 2009-10-17, 22:12

ابصراحة نحن ما عندنا جي,,, أغلبية البنات يتزوجن وعمرهن 18 17...
بس أنا شوية وايد تأخرت لأسباب,,,

ترا أنا داخلة بالغلط... بس أعتبر بنوتة فديتني....بنوتة فوق 25 وتحت 28 ههههههه
خواتي كلهن تزوجوا بين 17 و19,,,, وأحس عادي الموضوع

**ليتني قبر زاي** · 2009-10-17, 22:14

فدييتج أنا داخله عرض فساالفه

أنا مخلصه ثانويه...

حبيبتي البنت تبا الريل الي يسعدها ويستر علييها

الحمد الله انا خواتي اغلبهن معرسات صغار..

انا ماهمني معاااشه وماهمني شكله وهالخرابيط الي لاتودي ولاتيييب أهم شي عندي الولد يخااف ربه اذا بيخاف ربه اكييييييييد ومليوون بالميه بيخااف عليه...

وعن البنات الي مايواافقن على الريال احسهن انه ماعندهن سالفه؟؟؟

يعني ليش يرفضوونه اذا كان هووو زيين واخلاقه زيينه وميسوور الحال؟؟

بعض العاايلات والبنات عندهن تخلف عن العرس

يتحرون الريال بيسيطر عليهن فكل شي

أكيد هو بيخاف عليها لانهاا شريكة حياته وام عياله

والسبب الرئيسي عند البنات الي يرفضن

الطلعه والكشخه والعزايم هذا كله مابيخليها تسوييه...

هو بيخليج بس بحدوود انج تجابلينه وتراعييين بيته هب يوووم ايي من برع او الدوام انتي فسووق ولا عند ربيعاتج
وفلييل معزوومه...

السمووحه غناتي ع الاطاله

الله يرزق اخووج بالزوجه الصالحه..

**بدوية البدو** · 2009-10-17, 22:22

على فكره بعض البنات يهمهن الشكل حتى اخوي حليله تعقد كل ماخطب ينرفض مع انه جماله عادي
وشكله تعقد والله اليوم ردوله خبر ان البنت رفضت وسكت قال ها النصيب الله كريم

والله كسر خاطري فديته والله اخوي ماعليه كلام مااأقول لانه اخوي بس صج مايقصر وحبوب ويخاف ربه
هالأهم انسان يخاف ربه ليش يهم البنات الشكل انا عن نفسي لو ياني واحد ماباخذه عسب شكله باخذه بأخلاقه وإيمانه بربه
والله يوفق اخوي انشاءالله ويوفق جميع اخوانا يااااااااااااااااااااارب

**روح سعيد** · 2009-10-18, 01:02

مشكورات خواتي على ردودكن يعني صدق السالفه منتشره على مستوى مش عندنا بس في راس الخيمه

اخوي تعقد ما يبغينا نخطب له حتى السنه اليديده ..

الله كريم..وهو وحده مقسم الارزاق

**Bent RAK** · 2009-10-18, 01:29

فعلا .. البنات يكشخن .. و لما بتخطبينهم .. يا محجوزات .. يا يابن ..

بس بيني و بينج .. أحسن لهم ^_*

**روح سعيد** · 2009-10-18, 20:56

المشاركة الأصلية كتبت بواسطة Bent RAK

فعلا .. البنات يكشخن .. و لما بتخطبينهم .. يا محجوزات .. يا يابن ..

بس بيني و بينج .. أحسن لهم ^_*

ما فهمت

كيف أحسن لهم؟؟؟

يعني احسن يتخللون في بيوت أهاليهم أو شو بالضبط ؟؟

**NoLy.Cute** · 2009-10-18, 20:58

الزواج ؟؟!

اممم .. ان شااء الله يوم بخلص الجاااامعه

**صحن هريس** · 2009-10-18, 23:48

انا الصراحة اشوف انه البنات فمجتمعنا يتمنون انه الواحد يدق بابهم ويتقدملهم يعني الكلام الي انتي قلتيه ينطبق على الاقلية ، وانا ماشوف انه الي عمرهاا 17 و18 صغيرة بالعكس والله اشوفها حرمة وقد المسؤولية
يرحم ايام امهاتنا ويداتنا الي حملن بالبجر وهن بعمر الـ 10 و11

**صغيرونة البيت** · 2009-10-19, 00:02

السلام عليكم

مممم

سبحان الله

نفس الاحداث
نفس الاسباب
نفس النتايج

!

ترا حته نحن جاري البحث لعرايس لاخواني .. والاغلبيه ترفض عسب يعيشن حياتهن !

يالله

الارزاق بيد الله
والله يرزقكن بزوجات لاخوانكم ويحفظهم ويستر عليهم

**كعبيه وفتخر** · 2009-10-19, 16:58

الله يعييين عليهن بنات ها الزمان مب عاجبنهن العجب ولا العجاب
أضني يبلهن واحد من المريخ
هههه

**من اغلى ناسي** · 2009-10-19, 17:08

الصراحه موضوع مفيد

وصح كلامج بس بعد سبحان الله قسمه ونصيب

وعسا ان تكرهو شي وهو خير لكم

في بنات يبون يعيشون عمرهم ويفكرون هالشي بكون سجن لهم ومن هالسوالف

وفي بنات يطلعون مية عله وعله حركات بس

وانا عن نفسي اذا ريال صالح ويخاف ربه قبل كل شي ومحترم واهليه وافقو بوافق بس مب قبل لا استخير ربي لانه اذا حلمت احلام مب زينه ولا صار شي في الموضوع واظايقت اكيد ربي يبين لي وين الخير لي

لكن اذا ربي يسر اموري وارتحت بعد الصلاة بوافق وبتوكل على الله واللي مكتوب بصير مهما لو شو صار فالدنيا كلها

الصراحه انا عن نفسي اشوف انه كله قسمه ونصيب واذ ربي كاتب لفلانه تاخذ فلان بتاخذه لو بعد مليوون سنة

وانا ابي اسئلكم عن شي شو رياكم في وحده عمرها 18 تنخطب من واحد عمره 15 !! فرق العمر لاحظوه

واتمنى ماكون دخلت غلط فالموضوع

واللي بتوافق ليش واللي بترفظ ليش

عن نفسي اممممممممم محتاره احدد اني اذا بموافق ولا برفظ لو انا مكانها

بس يعتبر مراهق بعده حتى لو يحبها هذا حب مراهقين ويروح بسرعه ومايدوم ولا شو رايكم يا بنات

السموحه فديتكم طولت عليكم ^_^

اذا سؤالي مكانه غلط عادي لاتردون وبسوي موضوع لهاسالفه ^_^

**من اغلى ناسي** · 2009-10-19, 17:10

بالنسبة للدراسه يا بنات انا اشوف البنية اهم شي دراسته

لانه اذا اتزوجت احس مابكون لها خلق اتكمل وحسب كل وحده واستعدادتها ^_^

الموضوع: رحلة البحث عن زوجة أخ ...

أدوات الموضوع

عرض

العرض المتطور

رحلة البحث عن زوجة أخ ...

المزيد من آخر المواضيع من نفس القسم:

المواضيع المتشابهه

رحلة البحث عن زوجة أخ

رحلة البحث عن الكرك

•·.·´¯`·.·•رحلة البحث عن الكنز•·.·´¯`·.·•